Ka Nupepa Kuokoa, Volume XLIV, Number 6, 9 February 1906 — UA MAKE KAUOHA OLE KA MARE LEHULEHU. [ARTICLE]

UA MAKE KAUOHA OLE KA MARE LEHULEHU.

(Hoomauia.) ' Ma ka pauku 3 o kela mo'.iuna no, ua : lalau okoa ae la no o Sarai ia Hagara. a onou ae la ia Aberama i wahine , nana. Ma keia, ua akaka loa ae la ko ; Sarai hoomoemoe maoli ana no i kana ' kauwa-wahine, ia Hagara, me kana kane. Alaila, o Aberama he kane na j Sarai, a hoomoemoe ia e Sarai me Hakara, kana kauwawahine, he mare lei hulehu anei ia? Aole, aole loa. Au- ; hea iho la kahi puai leo ae o Mare | Lehulehu ma keia? Aole, ua moe malie i i ke kai o ko haku, a ua make kauoha ole io no. E nana hou aku 1 kp. moolelo o lakoba, i hoikeia ma Kin. 29: 15, 18, 19, 21. 23, 24, 25, 26, 27, 2S; Kin. 30:3, 4, 9, 16. Ma keia mau pauku he 14 ae la o keia mau mokuna olua o Kinohi, e lele liilii hou ai o Mare Lehulehu mai na papalina aku o ka honua. a penei ka hoohele ana o ka moolelo kuauhau a lakoba i hookawowo ai mamuli o kona manao iho, aole i kauohaia, a aole no i mareia: Mahope iho o ke kau ana o Isaaka i na hoomaikai maluna o kana keiki, o 'lakoha, mahope o kona apuka ana i ka pono o kona kaikuaana, o E,*au, ua kauoha o Isaaka iaia, ' E ku ae, e hele aku oe i Padanarama, i ka hale o Betuela, * * * a e lawe oe i wahine nau (aole i mau wahine) nolaila, no na kaikamahine a Labana a ke kaikunane o kou'makuahine." Kino. Ku oia a hele a halawai pu me Labana ma ka punawai o Harana, a lialawai pu nohoi me Rahela kana kaikamahine, a noho pu o lakoba me Labana no hookahi malama. Kin. 29:14. Pauku 15. He mau ninau elua na Labana ia lakoba—l. "E hookauwa wale anei oe na'u?" 2. "E hai mai oe ia'u i kau uku." Pauku 18. Akahi no a liai o lakoba i ka uku ana e luhi aku ai malalo o Labana: "E hooikaika aku no au i kau hana i na makahiki ehiku no Rahela, no kau kaikamahine muli iho.' Pauku 19. Ae o Labana, a hoomaka ka hana ana o lakoba malalo o Labana, no na makahiki ehiku, he hanai holoholona ka hana, a he kaikamahine ka uku. Pauku 21. Piha ka manawa oka aelike i ka hanala e lakoha, pane ae la oia ia Labana: "E haawi mai oe i ka'u wahine, i komo ai au iloko i ona la, nokamea, ua hala ae nei ko'u mau la." Pauku 23. Hooko o Labana i ke noi, aka, aole o Lahela, o Lea, o ke kaikuaana; a i ka po ana iho, ua onou malu ae la ia Lea na lakoba, a ike o lakoba i ke ao ana ae aole ia o kana mea i ake nui ai, o Rahela no; a pii ka huhu o laboka no ka hoopunipuni o Labana. O Lea me Zilepa kana kau-wa-wahine. Mai ka pauku 26 a 28. Ua haule pahu ka manaolana o lakoba no Rahela no ka wa mua, aka, aole no i paupauaho, ua hana hou no i ehiku makahiki hou no Rahela, a ua ko io no. Loaa o Rahela mai a Labana mai, a loaa pu mai o Bileha i kauwa-wahine na Rahela. Loaa mua ia Lea he 4 mau keikikane me lakoba, a nele iho la hoi o Rahela. Nuha o Rahela a huwahuwa ia Lea. Kin. 30:3. I mea e ko ai kona makemake, ua pane mai la o Rahela ia lakoba: "Aia hoi kuu kauwa-wahine o Eileha. e komo aku oe i ona la," a pela aku. Pauku 4. Ua haawi ia Bileha i wahine na lakoha, ame ko ianel kali ole iho, "ua komo aku la ia i ona 'la." Pauku 9. Pau ae la hoi ko Lea hanau keiki ana, onou ae la hoi oia ia Ziiepa i wahine na lakoba, aole no he mare ana, haawiia aku no, he lawe no ka lakoba. Ma ia hope iho, ua namunamu okoa aku la no o Lea ia Rahela no ka lilo o kana kane iaia, a no ka makemake loa o Rahela 1 na hua dudalma a Lea, ua hoolimalima hou o Rahela ia lakoba e moe me Lea ia po iho no ka uku he mau hua dudaima. Pauku 16. Nolaila, ika wae pono ana t ae ika moolelo o keia noho huikau ana o keia makualii me keia' mau wahine 4, e loaa no na mahele nui ekolu i hooko ia ai keia hana, penei: 1. Ma ke kua-kuai ana. ame ka hoopunipuni ia. 2. Ma ka hoomoemoe maoli ana ia lakoba. 3. Ma ka hoolimalima ia ana. Oia hoi, ua kuai ia ka ikalka hana o lakoba i ka wa mua no 7 makahiki, a apukaia mai la o Lea. Ehiku makahiki hou, a loaa'o Rahela. hui 14 makahiki o ka alo ana I na inea ma ka aina malihini, no nei mea he wahine. Aloha no. . No ka loaa keiki ole o Rahela, a no #a pau ana hoi o ko Lea hapai ana, ua onou like ae la laua i na wahlne kauwa a laua a i elua e moe me lakoba, a moe aku la oia me laua. No ka ono loa hoi o Lahela i na huaai a Lea, ua hoolimalima okoa ia lakoha e moe me Lea ia po ana iho. Nolaila, auhea ka lihi launa mai o Mare Lehulehu i keia makua'lii ame keia mau wahine 4 ana e noho huikau nei? He ole, aole loa no. He 1,000 mile ma o aku o Koko Head. Pela aku no ia Davida, Solomona a pela aku. D. S. KAMAKEA. (Aole I pau.)