Ka Nupepa Kuokoa, Volume XLIV, Number 6, 9 February 1906 — AKAHI NO A HOLOHAUIA KA MOANAWAI WAIAU. | [ARTICLE]

AKAHI NO A HOLOHAUIA KA MOANAWAI WAIAU. |

Ma ka hoea ana mai o Mr. Eben Low 0 Waimea, Hawaii, i ke kulanakauhale nei, i loheia ae ai kekahi mau anoai meahou o Maunakea. Wahi ana, no ka ikaika l'oa o ka paa ana o ka hau 1 uhi ae maluna o ka moanawai o Waiau ua hiki ke heleia maluna ona. Ua loaa aku ka moanawai Waiau. he lokowai iluna o Maunakea, ma kahi o 15,000 kapuai ke kiekie maluna o ka ilikai, e uhiia ana e ka hau paa, a na makaikai i holoholo ae ai maluna ona. Ua hoao pu ia e ikeia ka manoanoa O' ka hau ma ka ell ana, aka, i ka eli anai a hikl i ka elua kapuai ua haalele iho la na kaahele i ka ell hoomau ana.

Ua olelo ae o Mr. Low, oia ame kona poe hoahele i hele pu ai, ka poe mua loa l hele maluna o ka moanawai i uhiia e ka haupaa. Ma ka nana ana iho he laumania maoli no ka hau e kupono loa ai no ka lealea holohau. E like me ke kamaaina i ko Hawaii nei poe mai kinohi mai aole i ikeia he i'a, a ua manaoia no hoi aole he ola o ka i'a iloko o keia moanawai hu'ihu'i. He moanawai ano kamahao no keia nona hoi ke ana-waena ma kahi o elua ame ka hapa mile a aia hoi ma kahi kalaneo loa o ka mauna. Aoie kekahi meaulu malaiia, laau loloa, nahelehele, a me na ano e ae, he ole loa no. O kekahi keia o na moanawai i ana oie ia kona hohonu a hiki i keia manawa aole i maopopo kona hohonu.