Ka Nupepa Kuokoa, Volume XLIV, Number 6, 9 February 1906 — ATKINSON MA KE KIANOA. No Hawaii Teritori, i ko Kiaaina Carter wa e Hoomaha ai. Haawi Oia i Kona ae ma o ke Kauoha a Kona Kauka. [ARTICLE]

ATKINSON MA KE KIANOA.

No Hawaii Teritori, i ko Kiaaina Carter wa e Hoomaha ai.

Haawi Oia i Kona ae ma o ke Kauoha a Kona Kauka.

Ua haawi ae o Kiaaina Carter i kona ae e hoomaha iki no ka manawa mai l;a lawelawe ana i kona oihana Kiaaina no ka Teritori o Hawaii, a hoonoho ae ia Kakauolelo Teritori Atkinson ma kona wahi ma ke ano KokuaKiaaina no ke kianoa ana i ke aupuni e like me ka loihi ona! e hoomaha ai.

"Oa manao wau ua maopopo i na niea apau. o ka hoi ana mai o Kakauolelo Atkinson, he hoi ana mai ia e malama i ka hana," wahi a Kauka Judd, ke kahuna lapaau o lee Kiaaina, i ka po Poakahi nel. "A heaha no ka waiwai o ke kauoha ana aku iaia e hoi mai ina aole pela; aohe he kumu e ae? Ma kekahi ano, ua oi aku ka maikai nona e noho aku no i Amerika. Ae, ua lokahi loa ka manao o ke Kiaaina no ka hoi mai o Kakauolelo Atkinson e malama a e lawelawe i na hana o ka oihana kiaaina. "I kou manawa e ma'i ai, he mea pono e hoolohe i na kauoha a ke kauka" wahi hou a Kauka Judd; "aole anei pela? A pela no hoi ke Kiaaina. Aol« e hiki iaia ke alo ae, a o ka hoolohe wale no i na kauoha a ke kauka ka mea e pono ai." A ma ka ninauia ana aku o ke kauka e pili ana i ke kulana ma'i o ke Kiaaina ua hoike mai la oia i ka maikai ao i keia manawa. "Ke maikai ae nei oia i keia manawa," wahi hou a ke kauka; "a ke pii loa ae nei ka oluolu. Ua emi mai kona ana-wela a ka mau nei, a o ke ku'lana o kona kino, ke hele loa aku nei i ka maikai loa. Ua loaa iki kahi noho nna iluna no kekahi manawa o ka la. He oia mau no. kona nawaliwali kino, a no ia mea i loaa ai ka manao ia'u e pili mau aku me la a hiki i ka wa e olut>lu r>ono ai. "O ka hoohala ana i ka manawa hoomaha maluna o ka moku no kekahi manawa he mea maikai loa ia mahope iho nae o ka wa e ikaika ae ai. O ko'u makemake oia no ka malama ana iaia I a loaa iaia ke ola, a o kela ano hoo-

maha oia maoli no ka mea kupono loa nona e hana ai."

No ka hookuu laelae ana aku i ke' Kiaaina no ka hoomaha ana ame ka noho ana mai o ke Kakauolelo Teritor£ ma ke kianoa no ka hookele ana i ke Aupuni he mau ninau ia no keia mau la i hooponoponoia iho nei.

No ke Kiaaina hoi, ua manao kona kauka e hoopuka i leka iaia (Kiaaina) e hoike ana i ka hiki oie ame ka makaukau ole ona e komo aku iloko o kona keena hana no ka lawelawe ana i na hana o kona oihana oiai no e nawaliwali ana, alaila, na ke Kiaaina hol e hoopuka aku i leka i ke Kakauolelo Teritori no ka lawe ae ia kulana kiaaina me ka hoike ana i na kumu i waihoia ae ai e kona kauka, a o ka holopono ana no hoi ia e moekahi ai me ka loaa oie o kekahi mau anuu.

No ke kauka iho hoi, aole oia i manao e hookuu koke aku i kana ma'i e komo koke aku iloko o na hana, a nolaila, oia e hoopuka ai i leka no ko kulana o ke Kiaaina i nele ole ai ke Aupuni i ke kianoa ole ma ka manawa e*hoomaha ai o Carter. Ma keia kakahiaka e ku mai ai o Kakauolelo Atkinson mai Amerika mai ma ka mokuahi Alameda a i keia la no hoi e hoopau pono ia ae ai na hana e pili ana i ka hoopuka ana i na leka 0 keia ano, a o na fc mea aku i koe e hoopau pono ia ai ma ka Poakahi o keia noa ana ae. A i ka manawa e noho ae ai o HopeKiaaina Atkinson' ma ke kianoa o ke Aupuni Teritori a ma ka manawa no hoi e oluolu loa ae ai o Kiaaina Carter, alaila, oia ka manawa e hapai hōu ia ae ai ka ninau e pili ana i kona hoomaha ana maluna o ka moku a i ole holo ioa aku paha ma na aina mamao, a malia, ma ia manawa no e waihoia aku ai ia kumuhana hookahl 1 Wakinekona 110 ka hookuu pono loa ia mai o ke kanaka ma'i, mawaho ae o ka palapala hookuu a Kauka Judd.