Ka Nupepa Kuokoa, Volume XLIV, Number 7, 16 February 1906 — KUU KAIKUAHINE ALOHA, MISS JOSEPHINE KANALULU KEOHO, UA HAALELE MAI I KEIA OLA ANA. [ARTICLE]

KUU KAIKUAHINE ALOHA, MISS JOSEPHINE KANALULU KEOHO, UA HAALELE MAI I KEIA OLA ANA.

l Ma ka po Poaono, la 3 o Feberuari. A. D. 1906. hora 10:30, ua haalele mai la o Mlss Josephine Kanalulu Keoho i keia ola ana ma Makaalae. Hana. Maui. A o ka loihi o kona hanu ana i na ea huihui o keia ola ana he 21 makahiki, 4 malama ame 10 la. Ua hanau ia oia ma Kipahulu, ka Makani Kaili Aloha, Maui. mai ka puhaka mai o Mrs. Kaaikaula K. Keoho ame Wm. K. Keoho. Ua haalele mai oia ia makou. kona mau pokii, kaikunane. na makua ame ka ohana ka nui ame ka lehulehu e noho paiauma aku ana ma keia aoao. Ua hoonaauao ia oia ma kona one hanau ponoi ma ke kula aupuni o Kipahulu. mahope oia hoonaauao ia ana ua hoouna ia aku oia ma ke Kula Hai nai o Maunaolu. i noho ia eia no na ' makahiki he 5, a mamuli o kona.ake nui e hoomahuahua ae i kona. ike ua hele hou aku oia ma Honolulu, no ke a'o ana i kekahi ike oi ae. oia hoi kona komo ana ma ke Kula A'o Kumu (Normal> no ka manawa o ekolu maka--1 hiki a oi. He kaikamahine hilinai nui oia i na 'hana pono Karistiano. He kulana haa- { haa ahe akahai kona ano. He kaikamahine oluolu. he heahea, a he hookipa i na mea apau ana e ike ai. niai ka poe kiekie a i ka poe haahaa, no ka hookipa ana ma kona home. E o?uolu oe e Mr. Lunahooponopono e hookoino iho i keia mau manao kaumaha iloko o kau nupepa. Owau iho no me ka haahaa, GEORGE KALANI. Makaalae. Hana. Feb. 12, 1906.