Ka Nupepa Kuokoa, Volume XLIV, Number 10, 9 March 1906 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

Ka Nupepa Kuokoa

DAVID L. A-I,          Lunahooponopono

S.K. NAWAA,           Kokua Lunahooponopono

 

Hookomoia ma ka Hale Leka o Honolulu, Teritori o Hawaii, ma ke ano o ka mea Papa Elua.

E hoo@na mai i na hooloha apau ma ka inoa o “KA NUPEPA KUOKOA” wale no. P.O. BOX @

 

@OOPUKALA I KA

Hawaiian Gazette Co., Ltd

 

CHAS. S. CRANE    Lunonui

 

@O KA MAKAHIKI            $2.00

@O @ONO MAHINA          $1.00

 

SUBSCRIPTION RATES

ONE YEAR   $2.00

SIX MONTHS           $1.00

O NA OLELO HOOLAHA APAU E HOOUNAIA MAI ANA NO KA HOOLAHA MALOKO O KEIA NUPEPA, E HOOUNA PU MAI ME KA AUHAU, A INA AOLE, AOHE NO E HOOKOMOIA. E HOIKEIA AKU NO KA AUHAU OLELO HOOLAHA KE UI MAI KE KEENA NEI.

 

O na Dala apau o ka Pepa e hoouna pololei mai i ka “HAWAIIAN GAZETTE COMPANY LIMITED,” wale no. P.O. BOX @03

 

HONOLULU, OAHU.

 

POALIMA     MARAKI 9, 1906

 

KA OIHANA HOONAAUAO.

 

E like me ia i hoopukaia ma ka helu i hala o ke Kilohana e pili ana i ka nele o ka Oihana Hoonaauao o ka Teritori i ke dala ole a o ka nele no hoi ia o na kula, oi loa na kula hou e manaoia nei e kukulu ke paa ae lakou, pela i ulu ae ai na noonoo likeole iwaena o ko ke kulanakauhale iho poe i hoike ae i ko lakou mau manao ma ke akea maloko o na nupepa haole o Honolulu.

            Ma ka leka o ka Lunakula Babbitt imua o na Komikina Kula, ua ikeia keia pilikia, a ma ka noonoo ana o ka Papa ua hooholoia e waiho aku i ua leka nei i ke Kalana o Oahu-iloko o ka Papa Lunakiai, a i ka noonoo ana o ua Papa nei ma kona halawai o ka hebedoma i hala, ua loaa iho la ka olelo hooholo aole i loaa ka mana i @a Papa nei e kokua i ka Papa Hoonaauao mamuli o ke a’o kanawai o ka Lolo Kalana Douthit o Oahu.

            A hiki wale i keia manawa aole he mea i pu-a ae no ka hoolawa ana aku i ka uwe dala o keia keena o ke Aupuni, aka, aole i nele ke komo ko’iko’i o keia kumuhana anonui iloko o ka noonoo o na makaainana, a oiai lakou e noonoo ana, aia pu na luna aupuni ke noonoo la i pili loa aku ia ano ia Kiaaina Atkinson, a ua oleloia, aia ka he wahi alanui e pau ai keia pilikia, aka, he hookahi mea i maopopo loa, oia no ka hoikeia ae o ka puana e ka manawa e hiki mai ana.

            O ka pilikia maoli o ka Papa Hoonaauao oia no ka lawa ole o ke dala ma ka waihona no ka manawa i koe e pau ana iloko o Iune 30, 1907. Ma ka Ahaolelo i hala, ua hooholoia he $550,000, he haawina no ka uku ana i na kumukula ame ka malama ana i na kula, a ioko o ia mahele i komo ai ka uku ana i na makai kula, na luna malama pa-kula ame na halekula ma ka pulumi ana ame na mea like ame ka uku ana i na paahana o ke keena ponoi iho o ka Papa ma Honolulu.

            Ma ka hoonohonoho ana ua ikeia aia he $12,916.67 ka hoolilo o ke Keena no ka mahina hookahi, ma ka uku ana i na ukuhana o na kumukula ame na paahana e ae apau o ka Oihana Hoonaauao, koe na uku o ka Lunakula, kakauolelo, Kokua Kakauolelom Kakaupokole, ame ke Kupakako Kuai Buke, eia nae, aia he mau manawa i oi aku ai na hoolilo, a i ka oi ana oia ka emi iho o ka puu dala a ka Ahaolelo i hookaawale ai no ia hana, oia hoi, kela $550,000, a pela i loaa ai ka ike i ka pau-e o ia waihona dala mamua o ka hiki ana mai o Iune 30, 1907, ka manawa i hooholoia no ia haawina.

            Mamuli o keia pilikia i maopopo loa, ua loaa na noonoo ikaika i ka Papa a i ka Lunakula e hoopau i ua luna malama pa-halekula, a o ko lakou mau uku e hooliloia @o @a kumukula @ a i ole, e imi aku i alanui e loaa ai i waihona lawa kupono no ka manawa i kow e pau ai i Iune 30, 1907@ maluna o keia i pu-a ae ai na noonoo like ole o kekahi hapa o ka lehulehu.

            O kekahi e i ana, e aho ke kula ole, a o kekahi hoi, e laweia i mai pepa @oi dala iwaena o na makamaka mak@ oihana hoonaauao @ ke kokua ana mai i keia pilikia a i ka wa e noho ai ka Ahaolelo e hiki mai ana, e hooikaikaia ai i @aa@a dala @ ka hoihoi ana aku i ka keia poe kokua@ a he @i @ku na manao i hoouluia ae i keia @au la iho @.

            @a ko makou manao maluna @ keia kumuhana ano nui, o keia @kahi o na oihana waiwai o ke Aupuni, o ke ola hoi o ka lahui, @ aina ame ke aupuni, kahi e hoomalamalamaia ai na hanauna @u, a o ko lakou malamalama, o @ noeau @ hoi ia o ko lakou hooponopono pililaula a pilikahi @a-1 ko makou manao aole he kumu kupono e nanamakaia ai ka pilikia o keia oihana.

            Ua hemahema loa ka Ahaolelo i hala ma ka hoolawa kupono ole ana i haawina lawa kupono no k@ia Oihana Hoonaauao, a o ka Ahaolelo no ka hikimua o keia pilikia. A no ka manao ana e lawe i mau pepa @oi kokua iwaena o @a hoaloha, ke manao nei makou oia no kekahi alanui kupono, ke hiki @ae ke hooia mua iho i ka hana kanakamakua mai o ka Ahaolelo e noho mai ana, ma ka hooholo ana i haawina dala no ka hoihoi ana aku i ka ka poe i kokua mai.

            A he mea hookanalua no ia i k@ m@ dala, no ka haawi ana i ko lakou iho me ka maopopo mua ole i ka hoihoi pololeiia mai, a pela i ano kanalua ai ia alanui he mea nae ia e i aku ana i ka Ahaolelo e kanakamakua oia e pono ai i kau ai ka hilihai o ka poe na lakou oia i kukulu aku.

            I makemakeia ka loaa ana i huina dala nui kupono i hiki ai ka Oihana Hoonaauao ke hookeeia me ka hoopau ole i na luna malama pa-halekula o ke kulanakauhale nei, a ina e loaa ole ia alanui, ua loaa ia makou keia manao, e aho iki ka hoohana ana i na paahao iloko o na kahua kula, a he oi aku ke kuleana o ka hoohana ana ia lakou iloko o ia mau wahi mamua o ka hoohana ana ia lakou maluna o na kuleana aina o ka poe mea kuleana i hoololiia iho nei i mau paka liilii, no ka mea, o na pa-halekula, he mau waiwai lakou no ke aupuni a nona no hoi na paahao. He okiloa aku ka keia mau kuleana aina i hooliloia i mau paka, no ka mea, he mau waiwai pilikahi lahou a hoohanaia no nae na paahao o ke aupuni.

            Ke manao nei makou, ua oi aku ka waiwai o ka hoohana ana i na paahao ke ole e loaa ke dala, mamua o ke pani ana i na kula ina e manaoia pela, a o ke ano o ka hoohana ana i na paahao he mea pono e hoohanaia lakou mahope iho o ka pau ana o ke kula, i ole ai e hoopilikiaia na noonoo opio ma ka ike ana aku i na aahu kahakaha loloa he hoailona hoi o ke ano paahao, a i ole, e hoohanaia ma ka manawa kupono e ikeia ai aole e loaa na lioliona noonoo i na opio e hoonaauaoia ana, a i ole, e hoohana i na paahao o na aahu kahakaha ole.

            Eia nae, i ka houluulu ana i na mea apau le hookai mea i makemake nuiia a oia no ka hoopau ana ae i keia pilikia o ka Oihana Hoonaauao, a o ke ano o ke ala e hua ai oia wale no ka mea i koe, he mea pono no nae e kupu ae iloko o ke kupono, a maluna o keia mau anoninoni, o ke Kiaaina ka mea mana hookahi nana e hooko mai, a hakalia a loaa iaia ke alanui e hemo ai ka puka, o ka maha ae la no ia o ka Papa Hoonaauao i nanamakaia a i hoopahemohemoia e ka Ahaolelo i hala.

            Ka makou ake nui, e naauao mai ka Ahaolelo e noho mai ana, ma kana mau hana i ko kela i hala, a aole o ke umiapuaa maoli i ke ola o keia oihana ko’iko’i loa.

 

NA HOOLALA HOLOLIO PA-U.

            No ka nui loa o ke ohohiaia o na hana o ka Huaka’i Hookahakaha o ka la hoomanao o Wakinekona i malamaia ma ka la 22 o Feberuari i hala iho la, pela i nui @i @a hoopuka manao mahalo mai ko ke kulanakauhale iho ame ka poe malihini kaahele honua i kipa mai i o kakou nei i ikemaka i na hana hookahakaha o ka la.

            Wahi a kekahi poe malihini ua hoi no ko lakou lilo o ko lakou huaka’i o ka hele ana mai mamuli o ka ike ana i na hana o ka hookahakaha, a wahi hoi a kekahi poe-o i mau hana iho la no na mea e nele ole ai ka ume ana i na malihini kaahele no Hawaii Paeaina, a i ko makou manao hoi, o ka hookahaka, oia kekahi o na mea ano @ui i hapaiia ae, a o na malihini no i ikemaka e like me na u’i o Oregona, o lakou no ka poe o Hawaii e hoolahaia aku ai ma ka hui kino ana aku me ka poe o na aina a lakou e kipa aku ai, a ma ia lohe ana e nele ole ai ka umeia o na noonoo, a o ka hopena e kipa mai ana ia poe malihini i lohe pepeiao wale no, no Hawaii, a o ko lakou kipa ana mai oia no hoi ko lakou @u ana iho i ko lakou mau loaa iloko o ka aina a he pomaikai hoi ia.

            A ke huiia me ka na nupepa e hooikaika @ aku no nae na nupepa e hoounaia nei ma @a @a @ a lakou no hoi e hoomau nei, a huiia me na hoolaha e ae e like me @ e hele hou aku ai i Amerika, ke manao nei makou, oia kekahi o na a@huki e hooikaika ai i na @e@e Hawaii e kukulu i ko lakou ii@i e hakukoi nei maluna o ke kumuhana hololio pa-u.

            E like me ia i hoopukaia aku ai ma ka helu i hala o ke Kilohana @ no  na lede Hawaii mawaho o Waikikikai, i kahi o Mrs. Kainana Puahi ma keia Poaha ae ka la @ keia malama, pela kekahi hiohiona o ka iini ana o na wahine e hooko i na mea i makemakeia e kukuluia, a ina nei no ka lokahi like e kukuluia ai ka Hui Hololio Pa-u, no ka hanai ana ia ha@ hiwahiwa o na lede Hawaii i moe aku i na kau i hala, alaila oia aku la kekahi hua.

            Ma ko makou manao maluna o keia kumuhana, he mea pono i na lede Hawaii e komo iloko olaila me ka uhane, a aole @o e nele ke komo kokuaia o ka lakou hana e ka poe maikai o ka aina, a ma ko makou aoao ua olioli nui makou i ke komo kokua ana no ka hapai ana i keia hana hiwahiwa i mea e ola ai, aole no ka manawa hookahi aka no ka hookoia aku ma na la kulaia ano nui o kakou iho, e like me ka La Hanau o kameheh I, ka Na’i Aupuni, ame kekahi mau la kulaia okoa e ae. 
        O kekahi waiwai nui o ke kukulu ana i keia hui hololio pa-u mawaho ae o ka hapai ana aku i na lealea o keia ano ma keia mua aku oia no ka paka ana i na hemahema o ka hololio pa-u ana ame ka paka ana i na hemahema o na hana lealea e ae e hookomo pu ia ana iloko o ka huaka’i. Aole o ia wale, aka o ka houluulu ana i na maikai a ao aku i na lala apau o ka hui i loaa like ai ia ike ia lakou apau, a i ka wa e puka ai no ka hookahakaha ana, alaila, e like ana na hana me na mea i hoolala mua ia.

            Ma ka Hookahakaha o ka La Moomanao o Wakinekona, aole he mea i komo ole iloko o ka hooho mahalo ana i na hana, aka, aole ia he mea e pale ae ai i ka loaa ole ana o kekahi au hemahema o ka huaka’i, a ina e kukuluia i hui o keia ano e like me ia e manaolanaia aku nei ma ka halawai o na lede e malamaia ai ma kahi o Mrs. Kainana Puahi, alaila e miomio loa ana ko keia mua aku mamua o ko kela i hala iho la.

            O kekahi hoohalahala i pu-a ae waena o ka huaka’i o na hololio pa-u oia no ka hele pualu ana a holo-aluka ana, a mai maikai loa ina i hapaiia ia hana e like nie ke ano mau i maa, oia hoi ha holo ana o ka lede pa-u me ke keonimana. O kekahi hemahema oia no na pa-u, kekahi kumu i lilo ole ai ka makana kiekie i kekahi o na pokii wahine kaulio.

            A he nui aku na hemahema he mau hemahema nae i eha ole ai ka huaka’i, aka, ina e like me ka makou e kalele nei o ka hoowahine iho o keia mau lede a hapai ae no ke kukulu hui pa-u ana aole a makou manao kanalua i ka pokepokeia o ia mau lalal uluahewa, a iloko no hoi o ka hui e ikeia ai na mea kupono e hoolako ai no na pono hololio ame na mea e ae.

 

[Picture]

KE KAA OTOMOBILA O KA OIHANA PA’IPALAPALA I KOMO MA KE KA’I HUAKAI, FEB. 22, 1906.

 

KEKAHI MAU ANOAI O KA HOALOHA O MALAKI

Ke Komite Hoeueu o ka Paeaina.

Eia ke Komite Hoeueu o ka Paeaina ke kaa-lau-ohua nei i na kahekaheka o na Kona nei. Ua hoomaka kana kaa-lau-ohua ana @ ke @akeka nui o Kailua, kahi a Kak@na ma i kukulu ai i ka unuuku hookapu ohua a i hookai wale no konohiki nona ka ona oia mau ohua, aka, aole nae pela, aia no he konohiki hou ae ke konohiki no a ke Akua i hana ai a oi loa aku kona maalea i ko na holoholona apau o ke kula. I ka hoea ana mai nei o ke Komite Hoeueu a hoomaka i ke kaa-lau-ohua ana, eia no ka hoi la he mau ohua no. He anaina @huahua ma ka luakini o Mokuaikaua ma Kailua i ke Sabati la 40 Feberuari. I Feberuari 7 ua nee aku ke Komite Hoeueu a malama i ka Ahahui Hooikaika Kar@stiano ma kahaluu-uka, a paipai aku ia lakou e hoala hou i ka pa Ierusalema. Nui ka poe i hiki ae o ka Hui Aina o J. K. Nahale, malaila kahi i malamaia ai na hana. Feberuari 9 ua nee aku ke Komite Hoeueu no Kekaha a kukulu a hoomau i na hana e mau ai ka noho ohua-like ana no Karisto, aole i ohua-palemo a i ohua-paekaeka paha. Ma ka la 12 nei, ua nee loa aku oia no ka welau hema o na Ekalesia o na Kona nei, a malaila oia e ani pula mai ai i na ohua-liko oia mau kaheka, a e hoea hou ana oia i na Ekalesia huiia o Kailua ame Helani, mamua iho o ka la 25 o Feberuari, a malama i ka pule ma Helani a i ole ma Kailua, a ma ka la 26 ae e kau ai ma ka Mauna Loa no Kawaihae, a ma ke Kinau aku no Hilo a hoea loa aku i ka Niu Moe o Kalapana kahi e malama ia ai o ka Ahahui.

 

Ka Ehukai o Puaena.

            Ma ka halawai o ke Kula Sabati o Waialua, Oahu, i malamaia ma ka luakini, Ian. 7, 1906, i kohoia ai na lunanui: S. K. Mahoe, Kahukula Sabati: Benj. Naukana, Hope; Ahuna Waikoloa. Kakau-olelo: J. A. Awai, Puuku; A. E. Cox, Luna Hooia; J. K. Kauwalu, Alakai Himeni; J. K. Mahoe, Hope Alakai Himeni; Rev. L. D. Keliipio, Hoa Kuka. Papa Alakai:: S. K. Mahoe, Benj. Naukana, Ahuna Waikoloa, O. P. Cox, J. A. Awai, A. E. Cox, J. K. Kauwalu, Mrs. L. D. Keliipio, Mrs. A. Waikoloa, J. K. Mahoe, Rev. L. D. Keliipio. Komite Hoeueu: A. E. Cox, Ahuna Waikoloa, O. P. Cox, Mrs. L. D. Keliipio, Mrs. A. Waikoloa. Kumukula Sabati: Miss Amy Awai, Pokii; Miss Rose Kaunamano, Opio Wahine; Mr. O. P. Cox, Opio Kane; Mrs. J. K. Kaianui, Luakini; Mrs. Thos. Clarke, Ukoa; Mrs. J. A. Awai, Paalaa; Mr. Chas. Kukea, Kiowailani; Rev. L. D. Keliipio, Luna.

            Ma ka halawai o ke Kula Sabati o Waialua, Oahu, i malamaia ma ka luakini, Ianuari 14, 1906, ua hooholo lokahi ia e malama ia ka Hoike Kula Sabati Hui o na Koolau ma Waialua, Oahu, ma ka la 25 o Maraki, M. H. 1906, hora 9:30 a. m. E malama ia ana he aha mele ma ka po o ka Poaono, Maraki 24, 1906, ma ka luakini o Waialua, Oahu.

            Ua koho pono ia ka poe nona na inoa malalo iho i mau komite. Komite Hookipa: Mrs. H. H. Plemer, Mrs. A. E. Cox, Mrs. O. P. Cox, Mrs. J. A. Awai, Mrs. D. naoiwi, Mrs. A. Waikoloa, Mrs. J. K. Kaianui. Komite Malama Ola: Me. A. E Cox, Mr. O. P. Cox, Mr. J. K. Kaianui. Komite Waiwai: Mr. A. E. Cox, Mr. O. P. Cox, Mr. Benj. Naukana, Mr. D. Naoiwi, Mr. J. Aiau, Mr. Ahuna Waikoloa, Mr. Ruel Kinneu, Mr. Chas. Kukea, Mr.s Chas. Keahinui, Rev. L. D. Keliipio, Mr. J. K. Kaianui. Komite Ahamele: Mr. A. E. Cox, Mr. O. P. Cox, Mr. Benj. Naukana.

 

I Na Ahahui Hooikaika Karistiano o Oahu.

            E noho ana ka halawai a na Ahahui o ka Mokupuni o Oahu, ma ka luakini o Kaumakapili i ka wa e noho ai ka Ahahui Euanelio. Ke konoia nei na Peresidena ame na El@le e hiki mai me ka lakou mau hoikie.

HENRY K. POEPOE.

Peresident o na Ahahui o ka Mokupuni o Oahu.

 

            Ma ka la 4 o Feberuari i koho hou ia ai na lunanui o ka Ahahui Hooikaika Kristiano o Waiole. Hanalei: W. Werner, peresidena; S. U. Kaneole, hope; W. P. Aarona, Kakauolelo; S. Kaiawe, puuku; J. K. Lota, hoa.

 

            Eia na lunanui o ke Kula Sabati o Kawaiahao: Mrs. H. H. Wilcox, kahu; E. K. Lilikalani, hope; J. K. Kamanoulu, kakauolelo; G. P. Castle, puuku; Wm. Brede, hope-puuku ame kokua ka kauolelo; Henry Kailimai, alakai himeni; Mrs. Julie Bowes, hoa.

 

            Ma ke Sabati, Feberuari 11 nei, i kohoia ai na lunanui o ka Ahahui Hooikaika Kristiano o Kalihi: W. K. Hutchinson, peresidena; D. K. Meekue, hope; John Kahuena, kakauolelo; Jos. Kia, puuku; J. K. Nakookoo, hoa.

 

            Ma ka la 12 o Novemaba, 1905, i kukuluia ai ka Ahahui Hoikaika o ka Ekalesia o Hanapepe, a eia na lunanui: Mrs. Emma Onokea, peresidena; Mrs. J. K. Maliekai, hope; Mrs. Becky Malule, komite kiai; J. K. Maliekai, puuku; Mrs. Fanny Sabo, kakauolelo ame komite no na olelo alakai, a he 15 lala.

 

            Ma ka la 14 o Ianuari nei i kohoia ai na lunanui o ka Ahahui Hooikaika Kristiano o Keanae: Miss Lily Halemano, peresidena; Abel Ah You, hope; Miss Bertha Kekahuma, kakauolelo; Edwin B. Keohokapu, hope; Miss Mary Kaailua, luna hooia; Miss Alics Kahakauila, hoa. Komite Kiai: Misses Lily Halemano, Alice Kahakauila, Bertha Kekahuna, Dorcas Napihaa ame Lizzie Kapewa. Komite Halawai: Lily Halemano, Mary Kaailua ame Alice Kahakauila.

 

HINAIA E KE KUMULAAU KIAWE

            I ka po Poalua iho nei a ao a’e Poakolu nei, ua kipa mai la ma ka mokupuni o Oahu nei he wahi ahiuhiu makani Kona me ka ua pu, a ua hoohiaia a’e kekahi mau kumulaau o ke kulanakauhale nei.

            Ma ka auwina la Poakolu nei, ua hina iha la kekahi kumulaau kiawe o ka pa a ke kihi mauka, aoao Ewa, o na alanui Rikeke ame Hotele, o ia no hoi ka pa mamu iho o ka Hotele Hawaii, a palaha pu ia iho la kahi hale uuku e ku nei iloko o ia pa. I ka lanai ka i lepe loa, a ua noha hoi kekahi hapa o ka hale. He poe wahine kekahi e noho ana iloko o ua hale la i ka manawa i hina ai keia kumulaau, a ua hoopihoihoiia lakou no keia mea, ua laki no na’e aole he mea i poino.

 

HIKIOLE KE HOOKAAWALE.

 

UA IKE KEKAHI POE O HONOLULU NEI I KA HOOKAAWALE ANA IA LAUA A ELUA.

 

            O ke kua haneenee ame ka ma’i o na puu paa he mau mahoe laua.

            Aole e hiki ia oe ke hookaawale ia laua.

            Aole e pau ke kua haneenee aia wale no a ola ka ma’i o ka puupaa.

            Ina e ikaika a ola maikai na puupaa, he mea oiaio o ka maikai like no ia o na lala e ae o ke kino a o ka maikai no hoi ia o ke ola ana

            O na Huaale Kua Haneenee ame Puupaa a Boan ola ka mea nana e haawi mai i ola maikai a ikaika no na puupaa.

            Eia ka pane a Mr. S. Hanoland, kekahi luna o ka Hale Kuke Awa: “Mamuli o ko’u loaa ana i ka haawina o ka eha nui ma kuu kua no kekahi manawa, ua h@ao iho la wau i n@ Huaale Kuananeenee a Doan ma kuu  kuai ana ma ka Halehua Laau o Hollister ma @ ua loaa ia’u ka oluolu a pau loa k@ eha. Ua Maopopo loa ia’u he mau hua-@ no lakou no ka ma’i kuahaneenee.”

            E loaa no na huaale kuahaneenee a Doan i ka poe kuai laau apau no 50 @ o ke @oho hookahi 6 poho i ka $2.50. E hookoia no na kauoha apau ma ka le@ ma ke kuike ke hoouna mai i ka Halekuai Laau o Hollister ma, na agena o ka Paeaina. E lawe i ka doan e ka nana ole i ka ha’i.

 

HOOLAHA KUMAU

Kakela me Kuke

[KAUPALENAIA]

 

Poe Kalepa ma ke Komisina

A HE

Poe Lawelawe Kopaa.

 

Poe Agena no na Ma hiko Lehulehu.

 

Kauka Mitamura

            E hooneeia ana kona keena oihana a ka helu 1412. Alanui Nuuanu, ma ka la 1 o Malaki, a e hoonee pu ana no hoi i kona wahi noho a ka helu @, Alanui Vinia, i ka lua iho o ka pukapa mai ke Alanui Nuuanu aku.

            Na hora hana: -Hora 9 a.m. a 12 m: 5 p. m. a 7 p. m., koe ke Sabati, Sabati, ma ka hooholo ana.

Telephone Blue 3466.             P. O. Box @42.

 

Hui Alahau ame Aina o Oahu

MANAWA HOLO

Oct. 6, 1904

 

MAI HONOLULU AKU

No Waianae, Waialua, Kahuku ame @ wa@ hoolulu ma ke alahao - *9:15 a. m., *3:20 p. m.

No Pearl City, Ewa Mill, ame na @ hoolulu ma ke alahao -11:30 a. m., *9:15 a. m., *11:05 a. m., *2:15 p. m., *3:20 p. m., *5:15 p. m., Ɨ 9:30 p. m., ǂ 11:15 p. m.

MAI WAHO MAI.

Ku i Honolulu mai Kahuku, Waialua, ame Waianae mai @:36 a. m., *5:31 p. m.

Ku i Honolulu mai Ewa Mai ame Pearl City mai – Ɨ 7:46 a. m., *8:36 a. m., 10:38 a. m., *1:40 p. m., 4:31 p. m., 5:31 p. m., *7:30 p. m.

 

*          Kela ame kei@a

ǂ           Sabati wale no.

Ɨ            Koe ke Sabati.

G. P. DENISON, Lunahoo@ana.

F. C. SMITH, G. P. & T. A.

 

EXTELL AME SHAW.

(Na pani ma ko J. C. Axtell makalua.)

Na mea hoopae a hana i na

KIA HOOMANAO AME NA PA-HAO.

            Pau pu no hoi me ka hoomaemae ana i na pohaku kia hoomanao, ke kakau ana i mau olelo hou ame ke pao ana.

            Keena ame ka Pa, 1048.50, Alanui Alakea, Telepona Helu 1801 Blue.

            Pahu leta Helu 642, Honolulu.

 

Ka Huaale Helu Ekahi

            O na kane ame na wahine o na papa like ole ame na kulana like ole; na poe eli lanahu, na lolo, na kahunapule, na mekanika, na kelamoku, na poe mahiahi, na haumana, na kupakako, na poe kaahele, na poe holo makikai, -ina no ia ma ka moana, ma na papu pale palena aina, iloko o na lua maina, keena oihana a i ole kula hoonaauao paha; iloko o ke kulanakauhale a i ole ma na kuaaina, -e ike ana no lakou o na Huaale a Ayear’s ola ka helu ekahi no ka hoomaemae ana mamu o kekahi mau laau e ae, a ma na ma’i hoi apau i kupono no ka hoohemo ana.

 

Huaale a Ayer’s

He hoohemo kana me ka maikai; ke hoola nei keia mau huaale i ka eha iloko o ke poo, manawahua ame na pilikia apau oloko o ka opu. Ua hanaia me ke ko momona.

            Aole he mau huaale maikai loa i like aku me na HUAALE A AYER’S.

            Ua hoomakaukauia e Dr. J. C. Ayer & Co., Lowell, Mass., U. S. A.

 

KUNU KALEA

            O ka loaa koke ana o ka oluolu mamuli o ka lawe ana i ka laau ku@u a kamalena o ia kona mea i lilo ai i mea nui i na makuahine apau he mau keiki liilii ka lakou. O keia ka laau nana e hoopulu i ka male, a pela iho ia e heo maalahi mai ai, ke kumu a hookaawale aku mai ka loaa ana i ka numonia. Ke kualia nei e BENSON, SMITH CO., LTD., Agena ma Hawaii nei.