Ka Nupepa Kuokoa, Volume XLIV, Number 12, 23 March 1906 — NUHOU KULOKO. [ARTICLE]

NUHOU KULOKO.

Ua ha!a aku o Lunakula Babbitt i ka inokupuni o Kauai rn a ke ahiahi o ka Poalua iho nei no ka nana ana i na kula aupuni olaila. Ma ke ahiahi Poalua iho nei i hala aku ai o Hope Makai Kiekle G. Sea no ka mokupuni o Kauai. Ua hala aku no na mea pili oihana o kona keena. Eia ke ne6mua nei ke kukulu hou ana i na hale o ka wiliko o Onomea 1 pau ai i ke āhi ma kekahi manawa aku nei mamua. Aoie e emo, paa. Ma ka loaa ana o Lunakanawai L. A. Dickey i ka nawaliwali i hiki ole ai ke alo ae. ua hoihoiia dku oia ma ka Haukipila Moiwahine no ka lapaau ana. Inehinei iho la i malaniaia ai ka halawai o ke Komike Kaiana o na Demokarata o Honolulu nei ma Waverley Hall alanui Betela, ma ka hora 7:30 0 ke ahiahi. Ua loaa mai he lono mal ka lunahooponopono Kepani o ka nupepa Kepanl Hawaii Shinpo ma ke kelekalapa 1 ka hoi mai o Kanikela Saito; a oia no hoi ka meai i hoike mua ia aku ma ke Kuokoa o kekahi heiu i hala. E malamaia ana ka halawai hoeueu o na Ahahui Hooikaika Kristiano o ka mokupuni o Oahu nei ma ka luaWni o Kawaiahao, hora 7:30 o ke ahiahī o keia la. He halawai hoeueu kumau keia ma na' hapaha makahiki apau. Ua hauoli na kini o Kalihi-waena J ka paa ana ae nei o na kukui-uwila o na alanui oiai e malamalama mau ana. ko lakou mau alanui ma na po pouli apau. He.haawina kela i loaa ole ia aoao no kekahi manawa i hala ae nei. Nui ka hoohalahala o na Hukini MoJokana o,Kapaa no ke kulike ole o ka Ja,kou mea i manao mua fti me na mea o Hawaii nei, aka, ma ka hooponopono ana o Mr. James Castle, ana i holo aku ai i Kauai, ua lana malie ae la na noonoo. Ma ka noho ana o ka halawai o na wahine hololio pa-u ma ka home o Mrs. Kainana Puahi, ma Waikiki-kai, ua kukuluia ae la ka hui no ua kumuhana ia a he umi-kumamalima iaia e ku nei ka hui i keia manawa a malalo hoi o ke alakal ana a Peresidena Kainana Puahi. He mau la liuliu keia no na hana e pono ai ka hul. E kokua pu ae ana na haole i keia hana maikai.

Mu ka Poalua iho nei i ku mai *ai ka mokukaua Oregona o Amerika i Kou n<'i mai lokohama inai, a eia ke mo-ku nei. Ua hookuuia ae o H. P. Macfarlane ma ka Poalua nei e Lunakanawai VVhitney mai kona hihia apuka i hoopiiia ai. Ma ka Poaono i hala iho la i malama ae ai o Hon. J. A. Cummins m'a kona home he paina hoomanao no ka piha ana iaia o na makahiki he kanahikukumamalua. Ua hopuia ae o Mr. W. T. Rowland e Makai Kiekie William Henry no ka hewa apuka o ekolu hihia, mamuli o ka loaa ana mai iaia he leka o ia ano kauoha mai Hilo mai. I ka Poaono i hala i loaa mai ai he lono kelekalapa mai a Loio Kuhina Moody mai o Waklnekona ia Lunakanawai Robikana e hoike mai ana ua kakauinoaia ke "Komikina" (hookohu). 0 Mr. Papai ka moho Repubalika no ka oihana lunamakai o Oahu e manaoia nei, aka, ua oleloia ae o Hon. Frank Andrade ka mea e holo ku-e ana ia Lunamakai Brown, ke hiki mai ke kau koho balota. vKe hooikaika nei na- haumana Pake o ke Kula Pake a Kaimana o ke kulanakauhaie o Honolulu nei e hooponopono loa ae i' ko lakou ahahui hoonaauao no ka liuliu ana e holo aku i Kina no ka hoonaauao ana i ko lakou inau hoa lahui. Maikai kela. E oluolu na lala apau o ka Ahahui Hoolewa Aloha Lahui o Lahaina manao niai i ka lau oliva o ke aloha no ko oukou hoahanau i make i ka la 10 o keia mahina. ola o Mrs. Kealoha Paona, e hoihoi ae ma ka lima o ka puuku. Aloha no ia hoahanau. Ua malamaia ae e Mr. ame Mrs. J. K. Luka he paina hoomanao la hanau no ka piha ana o ka makahiki hookahi o ka laua hanai, ma ko laua wahi noho ma Manana. Ewa, i Malaki 17. He nui ka poe i hiki ae, ua nuu iho a lawa i na mea i hoomakaukauia. 1 ke ahiahi Poaono aku nei. Maiaki 17, i haalele mai ai i keia ola ana o Sam K. Moe, he Hawaii opio i ike nui ia iwaena o na Hawaii, a he lala no ka Bana Hawaii. Ua kamaaina pu ia oia iwaena o ka oihana pa'i palapala o ke kulanakauhale nei. Ua haalele iho oia he wahine a he inau keiki elua.