Ka Nupepa Kuokoa, Volume XLIV, Number 15, 13 April 1906 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

NUPEPA KUOKOA, HONOLULU, T. H. POALIMA, A PERILA 13, 1906

 

NUPEPA KUOKOA

DAVID L. A-I  Lunahooponopono

S.K. NAWAA  Kokua Lunahooponopono

NO KA MAKAHIKI  ONE YEAR, $2.00

NO EONO MAHINA  SIX MONTH, $1.00

O na Dala ame na Hoolaha Apau e Hoouna Pololei Mai i ka

"HAWAIIAN GAZETTE COMPANY LTD.,"

wale no--P. O. BOX 208. Honolulu, H. T.

Entered at The Post Office at Honolulu, T. H. as Second-Class Matter

CHAS. S. CRANE: LUNANUI

POALIMA: APERILA 13, 1906

KA WAHAOLELO NO KE KALAIAINA.

            Ma ka oihana kalaiaina apau a ma na ano apau he mea pono e loaa ona wahaolelo nona e like me ka loaa ana he mau wahaolelo no na oilana pakahi e ae apau. ma kekahi olelo ana. he mana nana e alakai no ka heoneemua ana i na hana apau, mai ka nunui a ka liilii. e holo ana a e moe ana ma ka auwai hookahi a o ka moekahi hoi ia ma kekahi olelo ana. A oiai, eia kakou ke nee aku nei i ke kau holo balo@a no ke koho ana i na moho ku i ke kanawai no ka Ahaolelo o 1907. no na ahaolelo kalana o kakou iho a no ka elele i ka Ahaolelo Nui o Amerika Huipuia, alaila, o ka nee ana mai o ka oihana kalaiaina i o kakou nei, a mamua o ka la koho iloko o Novemaba ae nei e hui ai kakou he alo he alo me ia no ka hakoko ana no ka hooikaika ana e puka mai ka maikai loa o ke kalaiaina no ka pono pililaula o na mea apau, a na ia oihana kalaiaina auanei no e koi ikaika i wahaolelo nona. a maluna hoi olaila e kalele ikaika nei ko makou manao hooaiai maluna o ke kumuhana no ka hoomalamalamamua ana ia kakou mamua o ka hiki ana mai o ke kau koho - a o ia kalele ana a makou maluna no ia o ke koi o ka oihana kalaiaina e loaa ona wahaolelo nona, a o ka wahaolelo ana i koi mau ai a e koi mau nei, oia no na makaainana aloha aina. "O ka makaainana aloha aina oia ka wahaolelo no ka oihana kalaiaina."

            O ka haawina pookela hookahi e pono e malamaia e ke kanaka oia no ke aloha, a he papa lalo mai na mahele e ae e like me manaolana ame manaoio ame kekahi mau mahele pili uhane e ae o ke kanaka, a o keia "aloha" no hoi ke kumukanawai o ko ke Akua Aupuni a maluna no hoi olaila i hookahua mau ia ai na aupuni honua

naauao a malamalama apau. A maloko o ka haawina "aloha" aia he mau anuu a o ke pookela o ia mau anuu oia no ke Aloha i ke Akua: a o ka anuu clua. oia no ke aloha i ka hoahanau, o ke anuu malalo iho oia no ke aloha aina, a pela mai ka hoonoho papa ana i na papa mahele anuu o ke kau ana o ke aloha, eia nae, o ke "aloha aina" ame

ke "aloha i ka hoahanau" ua maikai no ke kau aku ia laua a elua ma ke anuu hookahi, oiai, aole e alohaia ka aina ina aole he lahui kanaka oluna o ia wahi, a nawai no hoi e aloha ina aole he kanaka malaila: alaila. o ke aloha ana i ka aina mai ke kanaka aku no ia nona ka home i ku maluna o ia hapa o ka honua, a no ka nui o na pomaikai i loaa mai kona aina i kulaiwi ai, ma na mea apau, a i pomaikai pu ai kona ohana pela i hemo aku ai kona uhane a hoomaikai aku i na hiohiona o kona aina, a o kona (aina) nanaina aole e nele ko ke kanaka hapai mau a pai mau ana ina no i maikai ole i ka poe i kulaiwi ole maluna o ia wahi, a o no pono apau o ua aina nei ona, mai na pono pililaula ame na pono pilikahi apau, a o na ano apau, aole e nele kona kakoo mau ana, a ina he mea hiki ole ke alo a'e, e haawi pau ai oia i kona ola i na wa apau e kaheaia ai no ke kaua ana i mea e pakele ai ua aina la ame kona mau pono apau - a i ka houluulu ana i keia mau mea ame na ano like apau i pili iloko o keia mahele - oia iho la ka pihapono o ke aloha aina; a iloko no o ia pihapono, ua hapa pu no ka hooikaika ana o ke kanaka e loaa ka pihaku'i o ia mea iloko ona, a pela i kuluma ai ka hoonaauao ana i na hanauna hou o ka lahui maloko o ka haawina "aloha aina."

            O ke aloha aina oiaio hookahi oia no ke Akua, ka Mea no Nana i hana mai i ka honua ame na mea apau, a oiai ua hanaia ke kanaka i kulike ai me Ia pela no i kau mai ai ia haawina "aloha aina" maluna ona (kanaka), a i hanauia mai ke kanaka iloko o ke ao nei ua hanauia mai oia me ia haawina "aloha aina." aka, aole i pau na kanaka apau i ka malama ana ia haawina, eia nae, o na kanaka apau i pulama man ia haawina pookela o ka anuu elua iloko iho o lakou, o lakou auanei ka ka oihana kalaiaina i koi mau ai e hana aku nona, oiai, o ka oihana kalaiaina, he hana ia no ka hooneemua ana i na pono o na ano apau o ia aina. A ina e hoomakili ka noonoo o ke kanaka maluna o keia mau mahele, aole e nele ka loaa o keia mau haawina ke kaomiia na mea apau e like me keia malalo iho nei: "Aloha Aina - iini no ka pono o ka aina ame kona lahui ame kona aupuni, a oihana kalaiaina hana no ka pono o ka aina ame kona lahui ame kona aupuni, alaila, ua pili ke "aloha aina" ame ka "oihana kalaiaina" ia laua iho, a o "aloha aina" ka hanau mua, oiai he mahele ia. aia iloko o ka noonoo kanaka a nana hoi e koi aku e hoohanaia maloko o na hana i kapaia hoi ma ka inoa "kalaiaina" ma kekahi olelo ana ka hooko ana i ka inni "aloha aina." A o ke kanaka i makee mau ia ano haawina oia auanei ka ke kalaiaina e koi ai i wahaolelo nona a na ia ano kanaka na hoonee hana ana aole e nele ka hua nui mai e ku ai i ka hoowaiwai i ka aina kulaiwi a i ka lahui o ia aina a i kona aupuni.

          E na makamaka, he oiaio keia i hiki ole ia kakou ke alo ae, a oiai, ua hapa-pu no kekalii poe i ka malama ana i keia haawina a anuu elua hoi iloko o ka mahele o ke aloha. pela i loaa mau ai he elua mahele o na makaainana iloko o na aina apau me ka nana ole ae o ka aina a aupuni hea la ia. a i ke kau koho balota o kakou e nee mai nei aole e nele ko kakou komo ana aku iloko olaila me keia mau mahele no a elua, he mahele o na makaainana i loaa na haawina o ke aloha aina oiaio, a he hapa o kakou iho i ha'o me ia ano haawina, a o lakou na makaainana i nele ole i ke kuai aku i ko lakou mau pono pililaula ponoi iho e laa ka mana koho balota no na hana poholalo i

loaa ai i wahi pono paumaele pilikahi no lakou ponoi iho, a he hoowahawaha loa ka oihana kalaiaina ia lakou, no ka mea, aia ka hooikaika o ka oihana kalaiaina no na pomaikai pililaula i ku i ka hoowaiwai a aole ma ka poholalo a aole ma na mea e poino ai ka aina, ka lahui ame ke aupuni.

          Nolaila, e na hoa makaainana, he mea pono e hoomakili i ko kakou noonoo maluna o keia haawina pookela o ke kulana makaai nana a kakou e aahu haaheo nei, mea ae no na makaainana o Hawaii Teritori a no ka aina i kulaiwi ai kakou, a e ola kakou no kona pono kekahi no kona mau holomua. no kona pii ma na kulana kiekie, a no kona mau mea no apau; ma ka hoihoi mau ana ia kakou maloko o ka mahele "aloha aina" hoomeamea ole i ole ai e hooliloia na pono mana koho no na hana poholalo a ka poe imiloaa no ko lakou mau pono ponoi iho.

 

KA HUI OIWI O NA HAWAII.

          O ka malamaia ana o ka ahaaina luau o ka Hui Kokua a Hookuonoono o na Oiwi Hawaii e noho peresidenaia nei e Mr. Samuel D. Dwight ma ke ahiahi Poaono. Malaki 31. 1906, e like me ia i puka aku ai ma ka helu o ke Kilohana nei o ka pule i hala, oia ka uniki ana o na makahiki eha i hala ae o ke ku ana o ka hui - he hui nona na lala i kaa aku maluna o ka elua haneli a nona hoi' na hana i hookoia i kulike ai me na iini o ko lakou kumukanawai, kahi hoi i ku ai ua hui la - a o ia mau hana i hookoia, wahi a na hoike, ua ku aku lakou i ka mahalo ana o na Iala ame na ohana o ua poe lala la mawaho ae a ko ko lakou mau hoaloha. Maloko o kekahi mau hoike i hoolahaia maloko o na nupepa Hawaii o kakou, a iloko no hoi o ke Kuokoa nei ma kekahi mau manawa i hala ae nei e pili ana i ka malamaia ana o na hoolewa o kekahi poe o kona mau lala ame na ohana (wahine male) i ko lakou hala ana, o ia mau hoike akea ana kekaha mau hooaiai kupono loa nana i kakoo aku i ke kahua o keia hui, a o ke kakoo ana i kona kahua oia no ke kakoo ana i ua hui nei, a o ke kakoo ana i ua hui nei, oia no hoi kona ku ola mau ana e like nae me ka loihi o ke kakoo ana. a ma ka aoao o ke Kuokoa, ua ike oia i ka hoopomaikaiia o ka poe apau he pili ka lakou me keia hui, a he maikai hoi ia ma ka aoao o kakou Hawaii, ke ku ka ninau ma ka mahele pililaula, no ka mea ua kukuluia oia no ka pono pililaula ame ka pono pilikahi pu o na lala a ma ka mahele pono pililaula i kohu ai ka pili ana o kakou Hawaii ma ke ano lahui i ua hui la.

            A e like me ia e ku nei a mai ka hoomaka ana mai no ua maikai ka nee ana. wahi a na hoike. a o ka mea e pulama mau ia ai e na lala apau e pono ai oia no ka malama mau ana i ke ola o ka hui ma ka hoolawa ana i na haawina apau i koiia ai na lala e hooko aku. a o ka mea e pii mahuahua ma@ ai ka hui oia no kekahi o na mea e nanaia ai. a o ke komo nui ana aku o kahi poe kekahi alanui e lawa ai ka makemake mawaho ae o na hana pililaula hoowaiwai e kukuluia ana e laa me ka hooikaika ana e leaa ona waihona hoonaauao no na oiwi Hawaii opio i ku i ka lakou koho ana malalo o ka lakou kokua hoonaauao ana, e like me ia a lakou e noonoo nei.

            Ua kukuluia keia hui maluna o ke kahua e like me ia iloko o kona inoa, oia hoi, he kokua ana a he hookuonoono ana. a aole no he mea i nele i ka ike iho i ka maikai o ia mau mahele i anoiia e ka hui. a o laua mahele a elua - kokua ame hookuonoono - aole i nele na Hawaii ia mau haawina e like me ka nele ole o na lahui e ae o ka honua. aka. he mau mahele pahemo wale no nae mai kahi poe aku, a iwaena o kakou Hawaii iho. o ka haawina hookuonoono oia paha ka i ano mamao aku mai ka hapanui aku o kakou, a ina nei o ke alakai ana o keia hui e holopono e like me ia e upu mau ia nei e na lala alaila e hiki mai no ka manawa e lako ai kekahi poe o lakou me

ona home ponoi no lakou iho. O ka iini nui o ka hui oia no ke kokua ana i na lala me ona mau home ke lawa oia i ka lanahu no ka hoolawa ana a na na lala no hoi ia e hoihoi liilii ae i ko ka waihona a hiki i ka wa e holoiia ai ka aie i ano like me ko na hui hoopukapuka waiwai paa.

            Mawaho ae o kona mau pomaikai i hoomaopopoia, ke hauoli nei makou i ka lawe ana ae o ua hui nei i ke kumuhana hoonaauao i na opio Hawaii a ke Kuokoa i hooaiai ai. a o na kumuhana ano nui a pono pililaula apau o na ano like he hanohano nui ia no keia hui a no na ahahui hana ku i ke aloha e ae apau ke hooko aku ma ka lawe ae kekahi o ko kakou mau opio Hawaii no ka hoonaauao ana e like me ka ka Ahahui Kamehameha o na Haumana Makua e hana nei, o ka hoouna ana a hoonoho ana i kekahi mau keiki iloko o na Kula o Kamehameha ma o ka lakou auamo ana i na ukukula. E nee e ka Hui Oiwi ma ia mahele hoonaauao imua.

 

            O ka hoopakele ana o Mr. Kuaiwa o Lahaina i na ola o na Kepani mai ka opu mai o ka moana ma kela ino nui o Lahaina ma ka malama o Malaki i hala iho la, ana i hooko ai me kona manao pono-i, he hana ia e hoike ana i kona wiwoole me ke aloha hoakanaka, a na ia hana no i kau aku maluna ona i ka hanohano o ka haawina hoopakele ola; a na ia hana no hoi i ume mai i ka lehulehu e haawi aku i na mahalo ana ame na hoomaikai ana, ke kumu i hiki ole ai i ka Hope-Kanikela Kepani i ka panai ana i na hoomaikai ana no kona mau hoa lahui ame Kiaaina Atkinson i komo pu ai a i hului pau pu ia ai hoi na mea e ae, a makou e komo pu nei.

 

            O na kii hale e puka aku nei e pili ana i ka hoolako ana i na limahana o na mahiko no na aina hookuonoono a makou i hoolaha mua aku ai, kekahi kumuhana ano nui hoi a makou i paipai ai no na owi Hawaii kaawale e apo aku ia mea maikai, ke nui kupono na aina a ku i ka makemake - o ia mau kii, na mea e hoike ae ai, pela iho la ke ano o ka hale, ka nui ame ke kino, o ke ano maikai ae nae e like ai me ka makemake o ka limahana lawe aina hookuonoono mahiko.

 

KA HIKI ANA KE KOHO I NA MAKAHIKI AME KA MALAMA I HANAUIA AI.

            O kekahi o na meahuna iloko o ke ola ana o ke kanaka o ia no' ka hiki ana i kekahi mea okoa aku ke koho i na makahiki o kekahi kanaka me kona mahina i hanauia mai ai me ka hoike ole mai o ua kanaka la ia mau mea. a o ke alahele e hiki ai mamuli no ia o na huahelu alimatika.

            Ina i makemake oe e loaa ia oe ka nui o na makahiki o kekahi kaikamahine au e hooipoipo ana, a ua noi maoli aku oe iaia e hoike mai oia ia oe i ka nui o kona mau makahiki ame kona mahina i hanauia mai ai a hoole mai kela, e noi aku oe iaia e hana olua i kekahi haawina alimatika, a i ae mai kela, e hoomaka aku oe penei:

            E noi aku iaia e kakau iho i ka huahelu o kona mahina i hanauia mai ai, me kona hoike ole mai i ua mahina la,

Alaila, e noi aku oe iaia e hoonui aku me ka 2; houluulu aku me ka 5; hoonui me ke 50; houluulu aku i ka nui o kona mau makahiki; hoolawe mai ia 365; alaila e houluulu aku me 115, a o ka loaa no ia o na makahiki o ua ipo la

au, ame kona mahina i hanauia ai me kona hoike ole mai ia oe i ka mahina ame ka nui o kona mau makahiki. I mea e maopopo ai keia, e nana i keia malalo iho nei:

            Ina ua hanauia o Loke iloko o Dekemaba. ua like ia me ka mahina 12 o ka makahiki; e hoonui aku me ka 2, a e loaa mai ana he 24. Houluulu aku me ka 5, ua like ia me 29. Hoonui aku me ke 50, a e loaa mai ana he 1450; houluulu aku me 18 (ka nui o na makahiki o Loke i kela manawa) a e loaamai ana he 1468. Hoolawe ia 365 a e loaa mai ana he 1103; houluulu aku i keia huina me 115 e loaa ana he 1218. O na huahelu mua o ka mahina ia i hanau mai ai o Loke, a o na huahelu hope, o ko Loke mau makahiki no ia.

            E hoao i keia a aole he wa e paewa ai.

 

KEKEUE KALAIAINA.

            O kekahi o na maunu a na poe ku-e ia Elele J. K. Kalanianaole e noke mai nei o ia no kela haawina o $30,000 i

hookaawaleia ai e ka Ahaelelo Nui no na lilo a ka Ahaolelo Teritori.

            Maloko o ua bila la ua maopopo aole he haawina i hookaawaleia no ka uku ana i ka maheleolelo, ame ka unuhi

ana i na kanawai ame na olelo hooholo mai kahi olelo a i kekahi. a oiai o na Hawaii no na poe i komo ma keia mahele hana. eia keia poe ku-e ke hilinai nei maluna o na Hawaii e haalele ia Kuhio ma keia kau ae. a e hoouna aku i mea okoa ma ia wahi.

            Mamuli o ka ikeia ana aia no ka hilinai o ka lahui maluna o ke Keikialii e hookauwa mai nei iaia no kona aina aloha. ua huli ikaika ae na poe e ku-e nei iaia e loaa na kumu a ka lahui Hawaii e hoowahawaha aku ai i ke Keikialii. a i ka wa i puka ae nei keia mea. he keu aku ko lakou kekeue, a ikaika na manao e hoala ana i ka inaina o na kanaka Hawaii oiai o keia iho la kekahi kumu maikai loa ma ko lakou aoao e onou mai ai imua o ka lahui.

            I keia mau la iho la no i kololio mai ai ka uwahi mai Kauai mai e hoike ana. aia o Eric Knudsen ke manao ia la e lele ae ana no ia heihei hookahi.  a e hooikaikaia ana e loaa kona mau kakoo mai na mokupuni e ae. Ua lele ae nei hoi ko Maui poe a hana iho la i olelo hooholo e kakoo ana i ke Keikialii Kuhi.

            Ke liuliu mai nei hoi na kalapu Repubalika no ke koho balota mahele e malamaia ana i keia mahina ae. a eia na paa balota like ole ke wae mai nei no ka waiho ana aku iloko o na halawai a na kalapu like ole, a hoopaaia iho maluna o na balota no ke koho aku.

            Ma na hiona e kau e mai nei no. aia ka hilinai nui ia maluna o ke Keikialii, nolaila. e like no me ka ike maopopo

loa ia aku o ia mau kahoaka. pela no hoi e hooi loa ia aku ai na manao kekeue o na enemi.

 

KANU OLA I NA RUKINI I EHA.

            Ua hoike ae ka nupepa i kapaia The Anglo-Russian i kekahi moolelo manaonao e hoike ana i ke ano o ka hana

a na aliikoa malama ola, e houluulu ana i na poe i eha ma keia kaua iho nei. a e hookaawale ana i na poe i eha a lakou i manao ai aole e ola mai aina. Hookahi o keia poe i manaoia e kanu aku i hoike ae penei:

            Mahope o kela ame keia kaua ana e hoailonaia no na poe i eha e na aliikoa malama ola no ka lawe ana aku e lapaauia me ke pena ulaula, ame ke pena eleele hoi na poe i eha kukonukonu a haaleleia aku lakou ma ke kahua

kaua a kanuia aku me na poe i make. E waiho ana au iluna o ka lepo i ka manawa i pa mai ai kekahi lima maluna o'u. alaila, lawe mai la i ke pena eleele. Hoomaopopo koke iho la au i ko'u poino, a pane aku la i ua aliikoa la: "Eia no hoi au ke ola nei a malia o ola loa ae no hoi. Pehea hoi oe e hana mai nei pela?" "He dala no nae kau?" i ninau mai ai kela "Ae." i @ane aku ai au. "Pehea ka nui?" "He umi roubles." "E haawi mai apau loa ia'u." Hookomo iho la oia i ke dala iloko o kona eke, a ia manawai poha ae ai ka poka pahu a ka enemi a loaa aku oia a make! Moe iho la no au me ka hoolohe ana, eia nae aole he puai leo mai iaia mai. Alaila noonoo iho la au, heaha hoi ka'u e haawi lilo loa ai i ka'u mau wahi kenikeni, a hooikaika ae la au a nee aku la i ona la, a hoomaka aku la e huli i kona mau eke, a ia manawa i pahaohao iho ai au no ka mea ua loaa aku la ia'u ka'u mau wahi kenikeni a mawaho ae o ia he 300 roubles!"

            O ka hoike a keia koa e pili ana i ke kanu ola ana i na poe i eha kukonukonu. ua hooiaia mai. wahi a ua nupepa

la. e na poe i ikemaka, i hoike ae hoi no ia mea me he mea la he hana mau ia.

 

MAKEMAKE KA HUI HOLO PA-U I MAU KOKUA.

            Malalo o ka hooikaika o Mrs. Kainana Puahi, ka peresidena o ka Hui Hololio Pa-u Mailealii, ua hooko aku oia i ka makemake o ka hui i hooholo ai no ke noi ana i mau kokua no na lala i ke Komike Hoeueu o Hawaii, ma ka hoolako ana mai i mau lio no lakou no na hana ka'i huakai o ka la kulaia o Iune 11. ae nei, ka la hanau o Kamehameha I, ka Na'i Aupuni o Hawaii Paeaina. a o ka leka malalo iho nei ko lakou manao noi:

            Honolulu, Hawaii. Aperila 2. 1906.

Mr. H.P. Wood, Kakauolelo, Komike

            Hoeueu o Hawaii.

Aloha nui: - O na lala o ka Hui Pa-u Mailealii. ke makemake nei e hoike aku i ko lakou kukulu ana i hui a ke hoomakaukau nei e puka ae ma ka la 11 o Iune. 1906, a ke noi aku nei i kou Komike no kekahi mau kokua ma ka imi ana i mau lio no na lala. a  no ka panal ana aku i ka oukou e makaukau no makou no ka pane ana aku i ka oukou leo e kahea mai ai ia makou no elua hookahakaha ana o ka makahiki. ma ka la 22 o Feberuari a ma kekahi la a oukou e hooholo ai.

            A ke makemake pu nei no hoi makou e hoike aku i ka hiki la makou ke puka ma na manawa apau. ina e hoikeia mai ana ka makemake iloko o ka hebedoma hookahi no ka hoohauoli ana i na malihini e kip@ mai ana mawaena o na la hookahakaha no ka huina o $@@.@0. A ua hauoli pu no hoi makou no ka hui ana aku me kou komike ma na manawa apau no ke kuka pu ana.

            Me ka manaolana e lohe koke mai ana mai ia oukou mai.

 

LIZZIE KAINANA PUAHI.

Kakauolelo.

            A he mau la kali wale aku no keia no ka lohe ana i ka pane a ke Komike Hoeueu. a o ka hua o ia. na ka manawa no e hoike ae. eia nae. aoie e neie ka hanaia mai o kekahi mea hana.

 

NA ANOAI O MAUI.

 

MAUI. Aperila 6. - Ma ke ahiahi o ka la 3 iho net. ua ku ae @la ka moku Elwell. ma Kaanapali mal Port townsend mai. Ua nui kona hoopilikiaia ana e ka ino nui. I ka manawa e pa ikaika ana ka makani ua liu ae la ua moku la a mai ia manawa mai ka hoomau ana i ka paumaia o ka liu. a e komo ana hoi ke kai ma kahi o 13 iniha i ka hora hookahi. I ka manawa e pa ana ka ino nui ua pau aku la ka papa (kekahi o kona mau ukuana) i ke kiolaia. Ke pau ae kona kiola

ana i ka papa a ka Hui Mahiko o Lahaina. aole oia e holo ana no Hilo. aka e hoi ana no Honolulu kahi e hooponoponoia ai kona pilikia.

NA ALANUI HELEWAWAE.

            Ua halawai ae na Lunakiai o Maui ma Kepoikai Hale, Wailuku. ma ka Poalua a ma ia po, a ma ka Poakolu ame ia po no a hookuu a noho hou i keia mahina'e.

            Mawaho ae o na hana mau ua hooholo

iho la ka Papa e hoomana ana i

ka hana ana i na alanui helewawae

ma na alanui nui elua o ke kulanakauhale

kalana, o na lilo hoi e maheleia

mawaena o na poe kuleana aina ame

ke Kalana.

 

HOU PAHI.

 

O Manuel Enos, ka wiliki o ke alahao o Kahului,i houia iho nei i ka pahi. eia ke pii mai nei kona maikai ma ka Halemai Malulani. Eia no o William Reed. ka mea o hopuia no keia karaima ke paa mai nei no iloko o ka halepaahao o Wailuku. a aole oia e laweia ae ana imua o Lunakanawai Apana McKay i hiki i ka wa e maikai loa ae ai ko Wiliki Enos ola a hiki laia ke hele ae lioko o ka Aha.

 

WAIPUILANI.

 

Ua hoike ae o Kapena Patten o ka mokukalepa Kaneo e ku nei ma Kahuhului i na mea e pili ana i ka Waipuilani i ikeia ma ke kakahiaka o ka la 25 o Malaki, a wahi ana he mea hoolele hauli maoli keia, a o ka oi loa aku no nae o ia no ka huli ana o ka makani puahio a kau iluna o ka aina a ulaa ae la i ke kaupoku o kekahi hale. Ua hoike ae no hoi he mau Hawaii i ka ikeia ana o elua waipuilani ma ia kakahiaka Sabati no. hookahi mawaho ae o Kuaau. a hookahi ma Maliko.

 

PoinO ma ka Hoopanee.

HE MEA PONO E LAWELAWE KOKE I KA MALAMA ANA I KE OLA.

 

O ka pilikia o na puupaa he mea maikai ole ia ke hoohemahemaia. no i ka mea he kolo malie kana hana a hiki i ka manawa e paa ai ke kanaka malalo o kona malu mamua o ka hoomaopopoia ana. a hiki ia lakou @e hoololi i ko lakou mau ano a like me kekahi mau ma'i e ae a ma ia ano i kuhihewa nui ia ai lakou.

            Mai kuhihewa oe!

            Mai hoopalaleha!

            Ano e lapaau i kou mau puupaa!

            Ke ma'i na puupaa aole lakou e oluolu ana aia wale no a lawe oe i ka laau no na puupaa. O ka Doan's Backache Kidney Pills oia wale no ka loaa kupono loa e loaa koke ai ke ola i na puupaa. He hoola kana. Ua hoola oia i kekahi poe ma Honolulu nei.

            Mr. A. J. Cahill o ke alanui Papu. ma keia kulanakauhale. kiai @o kana hana ma kahi o Messers. T. H. Davies & Co., Kaupalenaia, wahi ana. He sela moku au i ko'u mau la opio. a i kahi manawa. us hana au no ka Hui Moku Piliaina. Mamuli o keia loaa ana o'u i ke kikala haneenee me ka ma'i ma ka puupaa ua haalele au i ko'u hele ana i ke kai.

            No keia kumu. ua hoao au i na ano laau apau, a o ka laau nana au i hoomama keia mau luuluu i loaa la'u, oia no kela Huaale a Doans no ke Kikala Haneenee me ka Puupaa. Eia ke kuai ia nei ma ka halekuai laau o Hollister Pau loa ko'u ma'i, pau na ehaeha i loaa ia'u. Ina e manao ana kahi mea e ike ia'u. e loaa no au ma kahi kuai lako moku. o Van Dorn's alanui Papu.

            E loaa no ia oe, ka laau i ola ai o Mr. Cahill. me ka nana pono ana i ka inoa piha like me keia ma ka wa-hi:

            Doan's Backache Kidney Pills. ke

kuai ia nei ma na hale haawi laau a

pau ma ke 50 keneta o ke poho, 6 poho

$2.50 a i ole e leta mai no ka halekuai

laau o Hillister Co., ma Honolulu.

Agena no ka Paeaina Hawaii.

E WAIHO MUA AE O BARAUNU I NA INOA.

            Ma ka malamaia ana o ka halawai a ke Komike Kalana o ka aoao Repubalika ma ka po Poaono i hala i ala ai na hoopaapaa maluna o ke noi a Hustace, e waihoia ae no hookohu i hanaia i ke Komike Kalana a na ia Komike e hoomana aku. ua ala mai la ka ninau no na hookohu a ka Oihana Makai.

            Me ka nana ole ae ua loaa aku ka mana hookohu ia Mr. Baraunu e hana elike me kana i manao ai. ua loaa ae

ka manao lauia i ke Komike Kalana he mea pono i ka Lunamakai ma keia mua aku e waiho ae i kana papainoa o na poe i hookohuia i ke Komite a mahope aku i ka Papa Lunakiai.

 

HOOMAHA IKI O PERESIDENA CASTRO.

            CARACAS. Aperila 12.- O Peresidena Castro ua waiho ae nei ola i kona noho no ka manawa a o Hope Peresidena Gomez ke poo i keia manawa.

 

HOOLAHA KUMAU

 

Kakela me Kuke [KAUPALENAIA]

 

Poe Kalepa ma ke Komisina

: : A HE : :

Poe Lawelawe Kopaa.

 

Poe Agena no na Ma hiko Lehulehu.

 

Kauka Mitamura

            E hooneeia ana kona keena oihana a ka helu 1412. Alanui Nuuanu. @ @ la l o Malaki, a e hoonee pu ana @ hoi i kona wahi noho a ka hei@ @ Alanui Vinia. i ka lua iho o ka pukapa mai ke Alanui Nuuanu aku.

            Na hora hana: - Hora 9 a.m. a 12 m@ 5:30 p.m. a 7:30 p.m.. koe ke Saba@ Sabati. ma ka hoohoio ana. Telephone Blue 3466.   P.O. Box @2.

 

Hui Alahao ame Aina o Oahu

MANAWA HOLO

Oct. 6. 1904

MAI HONOLULU AKU

No Waianae, Waialua, Kahuku @

na wahi hoolu@u ma ae @

9:15 a.m..  3:20 p.m.

 

No Pearl City, E@a Mil@, ame na @

hoolulu ma ke alahao - 7:30 @  9:15 a.m., 11:05 a.m., 2:15 p.m. 3:20 p.m.,  5:15 p.m.,  9:30 p.m., 11:15 p.m.

 

MAI WAHO MAI.

Ku i Honolulu mai Kahuku, Waialua, ame Waianae mai  8:36 a.m. 5:31 p.m.

Ku i Honolulu mai Ewa Mill ame Pea@ City mai - 7:46 a.m., 8:36 a.m, 10:38 a.m., 1:40 p.m. 4:31 p.m., 5:31 p.m., 7:30 p.m.

Kela ame kei@ @. Sabati wale no. Koe ke Sabati.

G.P. DENISON, Lunahoo@ana

F.C. SMITH, G. P. & T. @

 

EXTELL AME SHAW.

(Na pani ma ko J. C. Axtell makalua.) Na mea hoopae a hana i na KIA HOOMANAO AME NA PA--HAO.

            Pau pu no noi me ka hoomaemae ana i na pohaku kia hoomanao. ke kakau ana i mau olelo hou ame ke

pao ana.

            Keena ame ka Pa, 1048.50. Alanui Alakea. Telepona Helu 1801 Blue.

            Pahu leta Helu 642. Honolulu.

 

Ke Maikai Ole ke Koko ua Pilikia Iho Ia ke Kino.

            E hoomaemae i ke koko a e kipakuia aku no na ano ma'i apau. Aole he laau i Loaa ae no ka hoomaemae ana i

o@ aku mamua o ka

 

AYER'S SARSAPARILLA --

ka mea hoi nana e hookaawale aku i n_

kumu o ka ma'i ma ka hoola hoowaiwai

ana i ke koko a ma ia ano ua hooikaika

ia ke kukulu ana i ke kina: a o ka hopena

hikiwawe loa oia ka hoi ana mai

o ke olakino maikai. Aia he kaukani

o na kanaka i hiki ke hoike ae i na kula

na ehaeha a lakou i noho kaumana ai

mamuli o ke kokokoino, a i keia manawa

eia lakou ke hauoli hou nei i kela

oia ana a lakou e makaukau mau nei

e hapai pookeia ae i ka Ayer's Sarsaparilla.

 

Hoomakaukauia e Dr. J. C. Ayer & Co., Lowell. Mass.. U.S.A.

 

KE KUNU PAA MAU.

            O ke kunu mau e paa ana mai ke

kau kupulau a komo i ke kau wela he

hoike ana mai ia aia he wahi pilikia

iloko o ka puu a i ole iloko paha o ke

akemama a he hana hewa loa ka hoo-

hemahema ana aku la laua. O ka laau

kaulana no ka hoola ana la me oia

no ka Laau Kunu a Kamalena (Chamberlain's Cough Remedy), a he mau

kulu wale no o keia laau o ke ola no

ia a koe ka bila loihi a ke kauka. a

hoopauia ae paha kou pilikia i noho ia

no na makahiki loihi. Ke kuaiia nei e

BENSON, SMITH & CO., LTD.. na Agena ma Hawaii nei.