Ka Nupepa Kuokoa, Volume XLIV, Number 15, 13 April 1906 — SIR FIODOA "KA NAITA OPIO O BAVARIA." Ka Hoopakele o ka U'i Konelia. [ARTICLE]

SIR FIODOA

"KA NAITA OPIO O BAVARIA."

Ka Hoopakele o ka U'i Konelia.

MOKUNA I. KE KAUKA AME KAXA HAUMANA—HE KOI ANO-E. O ke kahua o ka hoc«maka ana o ka kakou mooklo, aia no ia iloke o kekani lumi hookipa o kekahi haie o ke kulana hanohano iloko o kahi kulanakauhale uuku o Reinaboro, Apana o Barenaboro, Perusia. O ke ahīahi no ia oka malama o Xovemaba, oka makahiki o ka Haku umi-kumamawalu haneri ame kanakolu-kumamalua. Nla>\aho o ka hale he puanuanu. a hiki ole ke noho iho malaila. a e oili mai ana hoi na hiona aia he ino e hoea inai ana: aka ma kahi luini hookipa i hoikeia a'e nei. aia he mau pauku wahie ke a la iloko o ke kapuahi hoopumehana. a e hohoia ana hoi ke ahi i kona mau kukuna pumehana iloko o ua lumi la; e a ana hoi ke kukui maluna o ke pakaukau, a e kani ana hoi na meakani i ukali pu ia me na leo mele o ka hauoli, me ka nana ole a'e o na mea e noho ana iloko o ua lumi la i ka -ino e uhi ana mawaho o ko laua hale, oiai ua lawa iho la no na leo o ka laua mau meakani no ka hoohauoli ana ia iaua.

He mau opio no laua a i eiua, a o ka mea opiopio loa o laua he kanaka opio no ia nona na makahiki i .hiki aku i ka iwakalua-kuma-malua a ua maa mau hoi oia i ke kapa ana aku i kekahi o laua he makuakane nona. O kekahi hoi ona opio, i piha hoi kona puuwai i ke aloha, a i malama maikai mau i kona ihiihi, 6 Kauka Rosekoe Vebeke no ia. Aole i oi aku kona mau makahiki maluna o ke kana-kolu-kumamalua, eia na'e ua hala aku kona kaulana ma na wahi apau o erusia, a ua ikeia aku hoi.oia kekahi o na kauka lapaau naauao loa. He nui a lehulehu na kulanakauhale mawaho aku i hoouna mai i ka lakou mau kii i ua kauka la e hele aku e lapaau i na ma'i nui a koikoi, a hiki iho la i keia manawa a kakou e ike nei ua ikeia aole loa oia i haule ma kana mau lawelawe ana ma kana oihana. He kanaka loihi oia, a o ka waihooluu o konā mau maka, ame kona ili, ame ka oni ana o kona mau olona, ame kona mau lima, he mau hiona maopopo loa ia e hoike mai ana i kona olakino maikai a ikaika no hoi. He lauoho eleele kona, a e kalole mai ana hoi kona mau welelau maluna o kona poo; a o kona nanaina ke nana aku he kanaka u'i maoli no. a waipahe hoi na launa ana me ia. O kona aahu, ua like no ia me ko na 4vauka o ia mau la o kikiloa —oia hoi he kuka weleweka. a he kuka satinia hauliuli mawaho iho; he mau lipine eleele i hoopaaia ma na kuli me na kui omou waihooluu gula, a he lole wawae kilika eleele; a he mau kamaa eleele i hoohiluhiluia me na pine gula ke hoopumehana ana i kona mau kapuai wawae.

0 ka lua o na opio, he umi paha ona makaliiki opiopio iho mai kona mua a : e; a ma ka nui © ke kino ame ka loihi ua ano like aku no me kona mua a'e; a pela no hoi ke ano o kona mau aahu, eia na'e ua oi a'e na hoohiluhilu ana maluna ona, ma na wihooluu lole nani. He kuoo kona nanaina, a ano paakiki no; aka na'e aia 110 he mau minoaka maluna o kona helehelena e hoike mai ana he kanaka waipahe no oia ma na launā ana. Ia kaua e kiei aku ai iloko o ua lumi la e ike ana no kaua he elua mau ohe aniani e waiho ana iluna o ke pakaukau, a e mau ana no hoi ke o ana ona leo mele hoohauoli. Ua pau iho ko laua hoa'o ana i kekahi meahana a ke kauka, a ua holopono hoi ua mea la ma ko laua hoao ana. "E Piliki, kuu keiki, ua maikai kau mea i hana'i! Ke manao nei au ina e loaa ana ia oe na meahuna o ke akeakamai elike hoi me ka hiki ana ia oe ke huli a lilo i polopeka no na meakani, e lilo no oe i kauka naauao loa." "Ho," i hooho a'e ai ka opio, "ke manao nei au he mama loa ka huli ana ia ike; o ka mea paaiki ia'u, oia no ka paa ana i ka pahi— oia hoi ikawa au e kaha ai ike kanaka. Ua hiki ia ? u ke lole ike kaka a i ole i ka puaa paha; aka o ke oki ana i ka io o kekahi kanaka ola—ke manao nei au e haalulu ana kuu mau lima. Aka e hoomanao i kau i olelo iioopaa mai ai ia'u. o ia hoi, e hele pu ana au me oe ke loaa mai kekahi kaha kanaka ano nui ia oe." <4 E hele pu i'o ana no oe me a'u, e kuu keiki aloha. E hoolilo aku ana au ia oe i kauka kaha kanaka; a e a'o pu aku ana no hoi au ia oe i ka hoohuihui ana i ka laau no na ma'i apau malalo iho o ka la." 1 ua kauka la e kamailio ana aia oia ke hoohuihui la i ka halani me kahi wai uuku, a ua hoohalike aku la no lioi ka opiio elike me kona mua a'e, a i ka pau ana na ki-ke kiaha a'e la laua, me ka puana ana a'e o ka opio: "E inu kua no ka kaua kaha kanaka e loaa mai ana ma keia mua aku." "Ano, e Piliki, e hookani hou mai hoi oe i kau meakani. Heaha la hoi ka kaua himeni e mele aku ai ?" "Aole," wahi a ka opio i pane aku ai, me ke kau pu ana aku o kona lima iluna oka poohiwi oke kauka. "He makemake ko'u e ha'i mai oe e pili ana i kau ma'i hope iho nei o ke Kakela o Alenadofa, oia hoi o Kauna Faranicia." Ua hoopuiwaia a'e la ke kauka me he mea la ua komo aku la iloko ona ke kikoni ana a ka'uwila, a hoohaaluluia iho la kona kino holookoa. "Heaha kou mea i ninau mai ai ia'u no ia mea?" i ninau aku ai ke kauka me ke pahaohao. "No ka mea ua komo mai la iloko o'u ka makemake e lohe aku. Aole au i ike i kela kauna, aka ua ike au i kona pokii ia Sir Bereterama." Haalulu hou a'e la ua kauka la, eia na'e aole hoi elike me ka wa mua. "No'u nei aole au i ike ia Bereterama," wahi a Kauka Vebeke. "Aole no o'u manao ua ike mua au iaia. Pehea ke ano o keia kanaka?" "E ha'i mua mai oe ia'u ina mea e pili ana ike kauna. O ia| hoi, e oluolu mai oe e hoike mai ia'u." 1 "Ina peia e hoike aku ana au ia oe. Ua maopopo anei ia oe kekahi mau mea e pili ana i kona ola ana?" "Ua lohe wale au i na lono lauahea a'u no jia'e i lawe ole mai ai a hoopaanaau. Aka mai ia oe mai, ke manaolana aku nei au e lohe aku ika mea oiaio. E hoike koke mai oe ia'u nona." O ke Kakela A!enadota he hale nani ia i kukuluia i ka manawa a na Karist:ano i kii ai e kaili mai i ka luapao i waihoia ai ka ma kahi hoi o umi-kumamawalu mile mai Reinaboro mai; a oiai ua pili no ka moolelo a ke kauka e hoike a'e ai i ka moolelo o Sir Fiodoa. a oiai no ho» ua koi aku la o Piliki i keia manawa no ua moolelo la mamuli paha o ka loaa ana o kekahi manao ulu iloko ona he mea pono ia kakou e hoopaa iho i na olelo ki-ke i ala mai mawaena o laua i kela manawa. Noho hamau iki iho la o Kauka Vebeke no kekahi manawa me ka noonoo nui, e kulou ana hoi kona poo ilalo, alaila ea a'e la a pane aku la: "O ke Kauna hope o Alenadofa o Faranicia no ia. au no hoi i hoike mai nei; a oiai owau kana kauka i hilinai ai, ua kamaaina iho !a au i ka moolelo o kona ola ana, i loaa mai hoi ia'u mai kona waha ponoi mai. I kona niau la opio ua male aku la oia i kekahi kaikamahine ana * aloha ai. me he mea la he aneane paha ma kauwahi o ke kanakolu makahiki i hala a'e nei. O kona pokii o Bereterama T ke manao nei au eia no oia ke ola mai nei " "Ae," i pane aku ai o Piliki. 4 *E keiki uuku ana no oia ia mahawa, ua ekolu a i ole eha paha makahiki īa manawa. Aka na'e aia no he pokii hou a'e he elua paha makahiki ka emi iho mai ko Faranicia mau makahiki, o Leopolo kona inoa. a i make hoi maluna o ke kahuakaua he umi paha makahiki i hala a'e nei, (Aole i pau.)