Ka Nupepa Kuokoa, Volume XLIV, Number 16, 20 April 1906 — AHAMELE NO KA POMAIKAI O MANOA LUAKINI. [ARTICLE]

AHAMELE NO KA POMAIKAI O MANOA LUAKINI.

A hiki mai i ka ahiahi o ka Poalima la 4 o Mei ae nei. e hooheno ai na puukani o ka ua tuahine o Manoa ma ka ahamele e malamaia ana ma ka Luakini o Kawaihao. hora 7:30 a malalo hoi o ke alakai ana a Mr. Henry Hickey. O na pomaikai e loaa ana ma ke ahamele e hookaawaleia ana no ka hola halawai o Manoa. mahope o ka lau ana i ko na paahana. O ka hapanui o na hana o ka papa kuhikuhi o ka po na na puukani wale no o Manoa e lawe ana i ke ko'iko'i, a o kela malalo iho nei kekahi mau mele e hoohenoia ana: Waoala. Leiwapine, Ka Olu inani. Uina-Nakolo, Ho'i mai. Kuu pupu. Hoole Waona. Mai Hooheno Rain Tuahine. Sweet Aloha. Sailor Gle himeni haole) ame kekahi mele e ae e hoomakaukauia nei e lakou. A mamuli o ka hooikaika o na komi hoolilo kikiki eia ke holomua nei ka lilo nui o na balota. me ka uku haahaa loa. on 25 keneta ukukomo. Ke hooikaika nei na lunanui o keia hana maikai a wahi a na hoike mai ia lakou mai aole he kanalua ana no ka holopono ana o na mea e hoomakaukauia nei no ka papa kuhikuhi o na hana o ia po o Halaalii. Mai poina i ka naue ae ilaila.