Ka Nupepa Kuokoa, Volume XLIV, Number 20, 18 May 1906 — LIKE OLE KA OLELO ME KA HANA. KA HALAWAI A NA DEMOKARATA [ARTICLE]

LIKE OLE KA OLELO ME KA HANA.

KA HALAWAI A NA DEMOKARATA

(Mai ka Hoku o 'Hawaii.)

Ua kahea ia ka a na Demok.arata ma ke Alanui l?onahawai, Mei =>. 19QB. a o ko« kiu mea hou kahi ma ia halawai. Ua hoomalu ia ka halawai e T. J. Ryan (ka mea nana ka olelo

hooholo kipaku Hawaii). A ma kana mau oielo hoolauna mahope iho o ka pau ana o na poe ha'iolelo, ua pa'i mai oia ia Serrao ka ona nona ka hsj.le e malama ia ana ka halawai, a ua olelo pu mai la he mea o Serrao i hoopilikia ia e ka poe o ke Teritori no ke koi poho pauuhi. A ua maopopo i kou kiu mea hou ka oiaio ole o keia mau oleio a ka lunahoomalu, t)iai, eia ke waiho nei ma Honolulu na koi a Serrao i uku ia e like me ka hooholo ia ana e na komisina koi poho pauahi. Ua au ao ia ka maka o kou kiu mea hou i ke ano o ke anaina, a penei ka mea i hoomaopopo ia; He 16 Demokarata, 1 Home Rula, a lie 18 Repubalika. A malaila au i mahalo ai i ke ano o na Repubalika, oia hoi ke ano akea o ko lakou mau manao. Na ke Demokarata ka halawai hele no lakou e hoolohe i na ha'iolelo a na alakai oia aoao. Aole hoi e like me ka hana a na Demokarata o Kona i hooholo ai ma kekahi halawai a lakou "Aole e hele e hoolohe i na ha'iolelo a ka poe Repubalika. Ua hoolauna ia mai la o Konela laukea a o ke ano nui o kana mau olelo mua —i hele mai oia e hookuikahi i na Home Rula me na Demokarata, a wahi hou ana o ke Demokarata wale no ka j hoaloha oiaio o na Home Rula. A ika puka ana mai. o keia mau olelo, uai ano ha'oha'o kou kiu mea hou, oiai, o | ' ko'u heluhelu ana aku nei no ia ma ke | Aloha Aina i na olelo pehi i na alakai nui o ka aoao Home Rula, e kapa ana ia laua, he kipi kumakaia; a i pane ia mai e ke Kuokoa Home Rula iloko o ka nahe malie. Ua kamailio hou mai la ka mea ha'iolelo no ka Elele Kuhio. e paipai ana i na Home Rula ame na Demokarata e kakoo ikaika ia Kuhio] ma na ano apau, a ua mah«alo nui kou kiu ia mau olelo kuio a ka mea ha'iolelo ke oiaio nae hoi. He nui aku ncf kekahi mau olelo a ua mea hanohano nei, a no ka mea, ua olelo mua mai oia, aole oia i hele mai no ke kalaiaina, aole au i hoomaopopo j»ui aku ia mau olelo. O ka lua o ka mea ha'iole'.o oia no ke Kiaaina Baker, a ua maa mau no hoi kakou, i kana mau olelo, o na kealea hoolealea, na mooleio hoohepa, a pela wale aku. Ua olelo mai la nae oia aole ona "aoao kalaiaina," a o kona makemake wale no e koho i ke kanaka maikai. Aole ana wahi kakoo no ka luhi a lakou me na alii i hala aku (Kuhio); aole he wahi paipai e koho a hilinai ka lahui Ikla, he ole loa no, a ua panina ia mai na hana oia po halawai me na olelo a ka lunahoomalu i hoike mua ia ae nei ,a o ka hookuu no ia o ka halawai. Ua ulu iloko o ka noonoo o kou kiu mea hou ka ha'oha'o no ka hele ole mai o na Home Rula i keia halawai, a ua ha'oha'o pu no hoi no ka oiaio o na kaena a Hanale Nuuanu Komohana ma ke Aloha Aina "ua pau loa ka Mokupuni o Hawaii i na Demokarata." Me ke aloha no ia oe e ka Hoku o Hawaii. HOKUHELE.