Ka Nupepa Kuokoa, Volume XLIV, Number 20, 18 May 1906 — "HALA ME KE ALOHA NUI IA." [ARTICLE]

"HALA ME KE ALOHA NUI IA."

Lunahooponopono o "Ka Nupepa Kuokoa," Aloha oe:-~ E oluolu īnai ia'u i wahi ko-wa Haawale o ka Nupepa no keia poo-manao maluna ae "Hala me ke aloha nui ia." Ma Waiehu, Maui, i na hora kakahi-j aka o Aperila 2, 1906, i pauaho mai ia i keia ola ana ko'u kupunakane i aloha nui ia D. J. Kahananui—a hoi aku la i! ka home mau o na mea apau. "E like me ka olelo kaulana" "Mai ka lepo mai oe, a e hoi aku no oe ilaila." Ma ka hanau ana o ko'u kupunakane, oia ke kaikaina ponoi o ko'u kupunakane. Ua loihi no ka hoomailo ana a ka ma'i a ma ka nana aku iaia ua ae aku kona mau makahiki maluna o 70. He nui no makou na moopuna. Ua ike hapa kekahi o makou i kona kino lepo. Owau ame ia kaikuahine o'u i Honolulu Lizzie, ame o'u mau kaikuahine ma Pulehu, Kula, Hattie ame Jane Kalino. Me he mea la o makou na mea i ike ole i kona kino lepo. "Aloha! Alohal ino ke kupuna, e hookupuna wale aku ana paha ia ha'i. He mea pono no e mahalo aku i ko ke Akua lokomaikai ame Kona aloha. Oiai Nana no i haawi mai a Nana no i lawe aku. E hoonani nui ia aku oia: Owau no me ka Walohia, MAS. HIRAM KALINO. Lahainaluna School, Aperiia 3, 1906. (O ka pokii nana mai keia manao maluna. he umi-kumamalua paha ona makahiki i keia manawa, a o kona makaukau kakau ma ka olelo makuahine ua loaa mai no ia mamuli o ka heluhelu ana i ke Kuokoa nei. E mahaloia keia pokii Hawaii e hoomahele n.ei ma ka olelo o kona one-hanau, a e hoike nei i kona manao waiohia no kona kupunakane. a ma ka aoao o ke Kuokoa ke kalokalo nei i ka Makua i Lani e auamo aku i na U ame na' Kani'kau no ka mea i hala, a e hoo- i mama mai i Tva pokii ame ka ohana holonkoa.. —T,. H.)