Ka Nupepa Kuokoa, Volume XLIV, Number 21, 25 May 1906 — HOLO KA BILA HOIHOI LOAA I KA SENATE. [ARTICLE]

HOLO KA BILA HOIHOI LOAA I KA SENATE.

O keia malalo iho nei na lohe i loaa |mai Wakinenona mai e hoohauoliia ai k"akou maanei. WAKINEKONA, D. C-, Mei 23, 1906. Ia W. O. smith. Honolula: Ua holo ae nei ka Eiia Hoihoi Loaa ma ka Senate. (Kakauinoaia) F. M. HATCH, WAKINEKONA, Mei 23, 1906, p. m. Ia Kiaaina Atkinson, Honolulu. Ua holo ka Bila Hoihoi Lo'aa iloko o ka Senate me na wahi hoololi liilii. KUHIO. WAKINEKONA, Mei 23, 1906, 5:54 p, m: Ia Atkinson. Honolulu: Holo ka Bila Loaa i ka Senate. ALONZO STEWART. Na keia mau kelekalapa i hoike mai ua holo ka Bila Hoihoi Loaa o Hawaii nei ma kekahi o na hale kau kanawai o Amei-ika, a o keia hoi ka lono hauoli rio Ha,waii nei. He hookahi hale koe e kali aku ai a ke holo ilaila o ka lilo no ia i kanawai a Domaikai no hoi o Hawaii nei.