Ka Nupepa Kuokoa, Volume XLIV, Number 22, 1 June 1906 — MA KAWAIAHAO LUAKINI KA HOIKE O KE KULA KAIKAMAHINE O KAWAIAHAO. [ARTICLE]

MA KAWAIAHAO LUAKINI KA HOIKE O KE KULA KAIKAMAHINE O KAWAIAHAO.

I kela ahiahi. h ora 7:30. e malamaia ai na hana hoike hope loa o ke Kula Hanai o Kawaiahao no na Kaikamahine ma ka Luakini o Kawaiahao. a o keia no hoi ka hoike hope a hookuu ke kula no keia kau o ke kula a hoomaka aku no ka hoomaha ana no kekahi mau malama. Inehinei ka hoike ana o ke kula ma ke kula ponoi no, a ma ka auwina la i piha ae ai ke kula i na makaikai ame na makua o na kaikamahine ame na hoaloha pu no ka makaikai ana i na mea hanalima a na haumana i hana ai oiai lakou iloko o ke kula i ka wa kula a he nui na mea maikai e laa na lihilihi ame na mea like. A o ka pau no hoi ia o ia mahele hana hoonaauao no keia kau a o ka hookuu ana ia o na hana ma keia ahiahi no ia ma ka Luakini o Kawaiahao hora ehiku me ka hapa, a maloko no hoi o na hana o keia ahiahi e hookuu ponoia ai kekahi mau haumana—o ka papa ekahi no o keia makahiki.