Ka Nupepa Kuokoa, Volume XLIV, Number 27, 6 July 1906 — O NA ELELE I'O NO KE ANUU MUA O KE KALAIAINA MA KA HANA. [ARTICLE]

O NA ELELE I'O NO KE ANUU MUA O KE KALAIAINA MA KA HANA.

Eia na h?.na o ke kalaiaina ke hoeueu mau nei i keia mau la, aole nae i ka paila nui loa, aka, aole nae i hala ka puapiiai o ka hohono .kalaiaina, a no ia hohono pela makou i manaoio ai he kuleana iki o na makaainana maikai a ko'iko'i o ka aina e noho hana ole a e hookuukuu wale e like me ia a lakou i hookunkuu wale ai ma kekahi mau kau i hala, aka, o ko makou manao maoli maluna o keia ninau o ia no ke ala mai o na makaainana maikai a koikoi o Hawaii Paeaina a komo maoli no iloko o ke kalaiaina. Ma na kau i hala ae ua hookuukuu wale no lakou, a hookuu aku Ia na na makaainana e ae e hana, a oiai, aia ia hapa o na makaainana ma ka hapaku'e ua puka mai la no na jiana •• ke kilaiaina iioko o ka hapakue ke kumu i nui ai na ino i hanaia ai a pilikia maoll ai kekahi mau oiwi Hawaii a paa maoli iloko o ka umii o ke kanawai, a ia manawa no hoi i ku aku ai ua poe makaainana ! laikai a ko'iko'i nei a hailuku aku i na pohaku o ka hoehaeha me ka nuku ikaika ana, a makou e manao nei i ka hawawa o ia ano, a makou iio ( hoi e manao nei i ka oi aku o ka maikai o ko lakou huipu ana mai iioko o keia kau hooikaika balota a hookahi ka hakoko like ana maīnua o ka hookuukuu wale ana na na opala wale no e hooikaika i ke kalaiaina. E hooikaika pu mai ka poe maikai a ko'iko'i oka aina. A o ka hana mua e komo mua ai, o ia no ka lauiima pu ana ma ke koho ana i na elel« a na aoao kalaiaina e koho a ua like a lokahi hoi ko makou manao me ko Mr. Palau o Pauoa ae nei, o ia hcji(, o na elele e kohoia aku ana e na loea kalaiaina ma o na kalapu la o lakou no auanei na kahuna lapaau no ka wae moho a.na a o keia rio hoi ke anuu niua loa o ke kalaiaina. He mau la keia e noonoo mau aku ai a mai hoopalaleha i ka noonoo ana a i ka \va e hiki mai ai ke. koho ana i na elele iloko ae nei o ka malama o Sepatemaba no ka aoao kalaiaina R'epubalika o ia auanei ka wa e hookoia aku ai ke koiio ana a i ka wa e noho ai ka ahaw\ae moho, ilaila no auanei e ikeia ai ka i'o ame ka opala o ka waiwai oke kohoia ana o keia mau elele. Nolaila, aia i'o no maluna o ka kakou koho ana i na elele o na aoao kalaiaina e ikeia ai ka pono mua ma ka aoao o ka maikai, a i mea e hooiaio loa ia ai ia upu ana o kakou o ia no ke kupono o ka wae ana o na elele i na kanaka, e lilo ae ai i mau moho. Ma ka aoao o ke Kuokoa, ua nui kona iini no ka hooaiai ana ia kakou ma keia anuu mua a malaila hoi kakou e kalele mau aku ai i ko kakbu noonoo e pono ai e like me ia e anoiia nei e ko ke kulanakauhale nei i keia manawa a ua pono hoi ka hooikaika ana; a i ka hana ana e haawi me ka ikaika pihā.apa'u aole no kou pokeokeo ponoi iho, aka, e hooikaika no ka pono pililaula, a i ka wa e pono ai a e holomua ai ka pononui, o ka holomua aku Ia no hoi ia o ka, pono pilikahi o kela ame keia. Aole keia he a'o ana na makou e i aku ana ia kakou, e 'waiho i ko kakou mau hana ponoi e pono ai ka noho ana, a e komo aku iloko o ke kalaiaina no ka hooikaika ( ana, aka, he a'o ana keia a ke Kuokoa ia kakou no ka hooikaika ana' i ke kalaiaina ma na manawa apau e hiki ana ke hookoia me ka hoopilikia ole ana i ka nee mau ana o ka kakou mau hana ponoi a i olp o ka ko kakou mau hakuhana paha. O ke koho elele ana no nae ka anuu mua o ka hana o ke kalaiaina no kakou ma keia kau."',