Ka Nupepa Kuokoa, Volume XLIV, Number 29, 20 July 1906 — EO IA HAWAII KE KONO POO-AUPUNI. [ARTICLE]

EO IA HAWAII KE KONO POO-AUPUNI.

E like me ia i puka aku ai ma ka helu i hala o ke Kilohana nei ;a mai na nupepa e ae no hoi pela ka loaa ana o ka ike i ka lehulehu i ka hoouna ana o Kiaaina Carter he kono ia Peresidena Rusawela e kipa mai i Hawaii Paeaina nei mahope iho o ka huakai makaikai ana o ka Peresidena i ka Puali o Panama, a o keia kono hoi i hoounaia aku la o ia aku la no ke kono a Hawaii Teritori, no ka mea ua hana aku o Hon. Carter ma kona kulana kiaaina no'ka Teritori nei. A na keia hoouna ana aku la i keia kono i hoike ae i ka lilo ana ia Hawaii ke eo o ke kono ana i ke poo-aupuni o ke Aupuni Kepubaiika nui hookahi o ke ao holookoa nei. iwaena o na Teritori ame na mokuaina o Amcrika Huiia mawaho ae o na palena o Amerika Huipuia a iloko o ka moana Pakipika; a makou hoi e olelo ae ai. i ke kaa ana o ia hanohano maluna o Hawaii, no ka mea, aole i loheia ka Pilipine kono. A o ke kono i panaiia aku nei e ka Teritori ma o ke Kiaaina la he ninau okoa ia a ma ia mahele i- lilo ai ia kakou ka hanohano e nele ole ai ka ikeia mai e ke poo-aupuni o ka Repubalika Nui, aka, o ka aeia ana mai o ke kono, ame ka holo mai o ka Peresidena ianei ke % hookoia ka huakai makaikai i ka Puali o Panama, he mea okoa ia. aka, ke manao nei makou, ina e aeia mai ana ke kono a Hawaii, alaila. o kana kipa ana mai i o kakou nei kekahi o na haawina pookela e loaa ai ia Hawaii ma ka Moolelo Honua. E kau aku na maka i ka hua o ke kumu o ka hana.