Ka Nupepa Kuokoa, Volume XLIV, Number 29, 20 July 1906 — KO KAUAI MAU ANOAI. [ARTICLE]

KO KAUAI MAU ANOAI.

Ma ka Poalima. lulai 6. 19i)6. i ku mai ai o Mikahala mai Honolulu mal ma ke awa o Papaenaena, Waimea. Kauai, a maluna mai ona kekahi ohua Kepani e makemake ana e he!e i ka hana eli quwai o ka mahiko o Kekaha ma ke awawa o Waimea ame kona haalele ana aku i ke awa a hoomaka mai la e hele a hiki i ka halekuai Papalekoa ame ka Hale Inu Kope o ke Kepani ua hina iho la oia ilalo i kela manawa holo aku nei na Kepani kokoke ma ia wahi hoala ae nei iaia iluna, a lomiloini iho nei, a hiki aku kekahi makamaka i ike i ke uloha a kokua pu no kona pilikia a hiki i ka pau ana o kona uilikia. O kona inoa aole i loaa i ka mea kakau no ka mea aole l pau pono loa kona pilikia ia manawa. Elua paa mare i hoohui ia ma ke ahiahi Poaouo nei la 7 o lulai. 1906. o Jonah Malaia ame Minnie Charman i ka hora 7:55 p. m. a he papaaina ka na mea mai e i hoomakaukau ai no. na hoaloha ame na. makua ame ka ohana no apau. E hoomaikaiia na oplo 1 lawe Ike kulana oka maemae. Ma Kekaha, Kauai a r»a Rev. J. K. Malii i mare. Ua kukulu ia ka hui Ka'.apu holo Pa-u i kapaia ka inoa Kahikina o ka La Ihaehae C©v l'a kohoia na lunanui. Mrs. Kalua Kahale&uu, Puuku: Miss Fo:ora Kani, Hope Puuku; Mrs. Pho«ibe Leleo, Kakauolelo: Mrs. Emelie ALexander s Hope Mrs. Juliatte Spencer. Komite;' Mrs. Kekui Malamaiki, Kope Komiīe. Ua hanaia no he mau kumu kanawai no keia hui me ka manao e holopono ana no aole i pani ia ka puka no ka poe apau e komo mai aiu iloko o keia hui holo pa-u i mea e hiehie ai ke hiki mai i na la nuL Ua kukulu hou ka hui Kalapu Repuhalika I keia la 13 o lulai, 1006, i noho Peresidena ia e Hon. J. K. Kapuniai no ka noonoo ana i mau luna hou a ua noonoola a hoo'nolo ia o na luna moa no he mau inoa hou ka i kau hou iho a he mau inoa i hookomo hou ia ae. E aoho- hou ae ana ma ka Poalima ka la 20 o lulai, ia la e hooponopono hou ai. LAHUI HAWAII. Waimea. Kauai, lulai 14, lD«>j.