Ka Nupepa Kuokoa, Volume XLV, Number 30, 27 July 1906 — "KA HOONANEA O KA MANAWA" "NA KA LA OIA I KI I KA PU." [ARTICLE]

"KA HOONANEA O KA MANAWA"

"NA KA LA OIA I KI I KA PU."

<l E na keonimana,'' wahi a Keledoma ia lakou i akoakoa ae ai iloko o ka lumi, "o ka'u e hana aku ana imua o kakou oia no ka hooiaio ana ike kumu oka make ana o Mr. Hale. E hoomaopopo no hol oukou e hoopaa ana wau i keia baluna* liilii ma keia wahi o ke ko-ki ma kahi e kau mau ai ke poo o ke kanaka e hiamoe ana maluna olaila. "A c keia pu no hoi i piha e waiho ana wau maluna o ke pakaukau poepoe e like me ke kulana o ka pu i loaa ai ia kakou maluna o ke j>akaukau me kona kiko no iluna, o ke kulana nae e kau pono ana i kahi o ka pukaaniani, kahi a na kukuna wela o ka la e pa mai ana maluna o ka ipu-aniani i'ā ola e lewalewa ana ka mea hoi nana i hoakoakoa ae i na kukuna-la apau i kahi hookahi e nele ole ai ka pa pono ana ]

maluna o ke kiko mahope pono o ka poka. "E hoomaopopo no hoi kakou o ka ipu-aniani nui 1 piha i ka wai oia ka mea nana i hoakoakoa ae i n3 kukuna-la i kahi hookahi e īike me ka loina o na mea maoli, a na ia mea i hoolei aku i na kukuna wela maluna o kfihi o ke kiko, a ma ka nana pono ana maluna 0 kahi o ke .pakaukau ma kahi o ke kapuahi o ka pu aole e nele ko kakou ike i ke ano haulaula pauahi a mamuli hoi ia o keia kukuna-la 1 pa ikaika akii malaila a no kona wela hoi i hoohaulaula aku ai i ka pale pakaukau. "A e like me ka nui o ka wela o ka la i pa ai maluna o ka pale pakaukau a ano haulaula ahi pela no ka ikaika o ka wela i pa aku maluna mahope o ka poka iloko o ka pu a na ka lawa ana o ka wela i hoowela aku i ke kukepele ke kumu i a ai, a na ia a ana o ke kukepele i hoowela aku i ka pauda e pili kokoke loa mai-ana oiai, aia no ia mau mea iloko o ka wa-hi hookahi, a i ka wela ana o ka pauda na ia mea i haawi aku i ka ikaika hoonee ke kumu i onouia aku ai ka poka e lele iwaho o ka waha o ka pu, ke kumu hoi o kona lele pololei ana i kahi e waiho ana ma ke poo o ke ko-ki. "A maluna o ia oiaio, e na keonimana i halawai ai o Kimo Hanale me kona hopena ma kekahi olelo ana, NA KA LA OIA I KI I KA PU. O keia kekahi ona hihia maalahi loa mamuli o ka maalahi o Eona mau oiaio, aka, he mea pohihihi no nae i ka huli ana e puhili ai no ka hapanui. "Nui ke kamahao o ke akamai," i hooho ae ai na mea kakaū nupepa a hoopili wale mai la no hoi na hoike oiai aole io no i nele ko 3akou ike ana i ka poloiei o na oiaio i haawiia a ua maikai hoi ia no Kale opio ke kanaka opio i hoohuoiia. A i ka hiki ana o Mr. Keledoma i ke keena oiai oia i haalele iho ai i ka Hale o Mrs. Hamapela me na hakukoi olioli nui no ka lanakila nui i loaa iaia, aia hoi, ua ha'o kona ike ana aku i kona kakauolelo wahine ma kona wahi hana, a manao wale ae la no oia na hele paha iwaho a he manawa hoi wale mai no. Aka, iaia i hoea aku ai ma ke pakaukau o ka wahine ua ike iho la oia he wahi leta me kona inoa e kau ana maluna o ka wa-hileta a hoomaopopo koke iho la oia na kona kakauolelo ia leta, alaila, haku i koke ae ka lia iloko ona, nona, a me ka hikiwawe no hoi oia 1 hopu aku ai i ka leta a wehe ae la no ka nana ana i ka manao a o keia nialalo iho nei ka helena o ka manao: Mr. Keledoma, aloha: Ua hooholo iho nei au e haalele i keia aina me Hanale. Makale. Ao ka huakai a maua e hele ai oia no ka maua hoohala manawa olioli ana o ka mare, a o ka hele no keia no ka hulihoi hou ole mai. A i ka wa ou e alawa iho ai i kau mau buke banako 1 ke kumu o ka nunui mau o na huahelu waiwai iloko o lakou mamul» ia o kau kauwakuapaa haahaa a nawaliwali a maka uwale nei, Serita. J kela manawia koke no i naka ae ai oia a me he mea la ua palupalu loa na iwi o kona mau au ke kumu o kona pa-hu ana iluna o ka papahele, no ka mea, ua ike iho la oia, o ia iho la ka hopena o kona kaulana ma ke ano he makaikiu, oiai, ua hala aku kona kuhikuhipuuone. He mau hora kona waiho ana iloko o ia ano, a o ka mea oiaio maoli no o ia no kona maule maoli ana, a i ka pohala ana ae aole i hoi koke mai kona hoomanao no na mea i hala iho ia la, ak a ke ike la nae oia ua napoo aku ka la a eia no oia iloko o kona keena hana. Ala ae la oia iluna a noonoo iho la i ke kumu o kona hiamoe ana, alaila, hoi liilii mai la kona hoomanao ana a hiki i ka maopopo loa ana iaia o kona wehewehe ana i na kumu o ka hooiaio ana i ka hihia o ka make ana o Mr. Hale, alaila, hele loa mai la kana noonoo ana a hiki i kona hoea ana iloko o ke keena ame kona ike ana i ka leta a kona kakauolelo wahine, a akahi no a makili loa ae la ka noonoo no na mea apau. Ulupuni ae la ka huhu me ia no ka wahine, aka, ua ike iho la oia aole he wahi hana e hiki ai iaia ke hana e hookoia ai kona iini, a i kona noonoo pu ana iho i kona nele i ke kuhikuhi-puuone ole, kau mai la ka weli iloko ona, alaila, ku ae la oia iluna a hoi aku la i kona noho a noho iho la me ka noonoo nui ana. Ike iho la oia i kona pololi, aka, aole oia i ike i ka mea e hana ai o ka hele paha a i ole o ka hoomanawanui no paha ilaila e noonoo ai ika mea kupono ana e hana ai. Malaila oia kalii 1 noho ai a hala ka hora eiwa, hooholo iho la oia e haalele i ke kulanakauhale no ka mau loa, aau aku ma ke kai ka aina puni ole o Europa, a ia olelo hooholo i nihihele malie aku la oia iwaho o ke keena me he mea aihue la. w i Aia ka- haalulu iloko ona ame ka .hilahila nui no ka hulihia o kona kulana hanohano a kaulana ma ka oihana makaikiu, a mahope o kona ai ana iaia i hiki aku ai i kauhale, mai ia manawa no oia i nalowale ai a pau loa ka ikeia ana iloko o ke kulanakauhale ana i noho haaheo ai. I ke ao ana ae ua nui ka poe i hiki ae i kona keena, aka, ua hoopuiwa nuiia lakou ame ka haohao no hoi no ka paa mau o ka puka ame kona ike oleia a po ia la. A no ka wahine kakauolelo a Mr. Keledoma, ua hooko io aku no oia ai ka olelo a ka leta, a mahope o kona hoohuiia ana ma ka berita o ka mare me ka Hanale i lilo ai kona puuwai, o kona nalowale no hoi iā mai ke kulanakauhale aku a nalo loa. A no Mr. Hale opio hoi ka mea i hoohuoiia ma ka manawa i hoikeia aku ai ka aponpia ana o ka wehewehe a ka Makaikiu Keledoma, e hoike ana hoi i ka lanakila ma kona aoao ua nui loa hoomaikai a o ia no hoi ke kanaka mua loa o ka hoea ana ae i ke keena hana, eia nae, ua hoopuiwa loa ia oia i ka ike ole ana i ua loio imi mea huna nei. Ua hooi loa ia aku hoi kona puiwa i ka ike ole ana i ke kaeaea a po wale ka la, alaiia, komo pu aku la ka ha'oha'o iloko o ke kulanakauhale apuni paupu me ka oihana makai ke kumu o ko lakou koiia a.na e huli aku, a hala he mau la ua poho ka manaolana no ka mea aohe he loaa iki. Ua maha nae ka noonoo oke kanaka opio. KA HOPENA.