Ka Nupepa Kuokoa, Volume XLV, Number 30, 27 July 1906 — HE PANE. [ARTICLE]

HE PANE.

He pane la Meakakau oloko o ke Kuakoa o ka la 6 o lulai no ka hoike ana aku I ka mea oiaio e pili ana no ka Hoomana a Rev. J. M. Ezera ame ke kumu o Mrs. Kamanoulu i hemo ai ka pili. O Rev. J. M. Ezera. ka mea kakau nei. ame kona mau hoahanau apau, o keia Ava he pue ohana hookahi makou, ma Wailua kona (Ezera) wahi i hanau ia ai a hoonaauaoia ma ke kula Bihopa a eia iho iloko o ke kulanakauhale nei he nui o kona mau hoa kula, a pau kona imi naauao ana ua hoi ae oia no Wailuku a noho ma kahi o W. B. Keanu, a hiki i ka wa i lilo ai keia W. B. Keanu i luna auhau no Wailuku o keia J. M. Ezera no kekahi o na hope o ua W. B. K. nei a "hiki i ka wa i hoopauia ae ai ko W. B. K. noho ana ia hana, noho iho me ka hana ana i na hana like ole no ka pono o keia kino, ia wa i loaa al ke'.a wahine mua i hoolahaia e ka mea kākau o ka la 6. Ma ka hale no o W. B. K. i hana ia ai na hana kupaianaha mua, a ke kanaka 'i ike ole ai aka o ke Akua ka i ike, mahope mai hala mai ia no Honolulu nei a kaapuni ae la i ka aina e like no me ka hoolaha o ka la 6 a noho no ma ke kula kahunapule no ka hooko ana i ,ka paiapaia e kauoha nei. E imi nui oukou i ka Palapala Hemoiele a e manao he ola ko oukou malaila, a owai la mawaho ae o Ezera i loaa ia mea. A noho kahu no Ewa mahope mai no kahi wa loihi i maopopo ole ia'u, a hiki i kona haalele ana aku la a holo mai la no Honolulu nei, o ke Akua ka i ike i ke ano o ia hele ana, ka mea hiki ke ike i ka naau; ka'u i ike he elele ka i hiki mai i o'u nei me na olelo a ke Akua ma kona waha e kono mai ana i kuu uhane e huli aku ,aole nae au i ae aku ,a pau aku la ia'u i ka ha'i ia Rev. H. H. P. mamuli o ka hilinai i ka naauao kanaJca, a ua kaohl mai oia ia'u aole e hele i o Ezera la, a mamuli o ka hookokono a keia Kamanoulu e heie a ike pono ,ua hele aku la au ē hui me Ezera, a waiho aku la i na ninau like ole e like me ka ko'u pepeiao i lohe al, a eia .ka pane a Ezera. aohe au e ke'ake'a ia oe i na mea apau, he olelo a ke Akua ka'u i makemake ai e a'o aku ia oe a na la olelo no e rula i ke kanaka. A komo a a'o ia au a hooia no hoi ia a'o ana, a e like me ke ano o keia ola honua ana e lele pau ana ke aloha o ke kanaka I ke kanaka. nolaila ua koi aku i :ke kane e huli pu mai, a ae mai a noho aku la ma kahi o Meemano no kahi mau pule no ke a'o nui ana 1 ka olelo i palapala mua ia aole he pakui hou iho kahi, a e hauoli pu ana hoi no na mea i a'o ia, a mamuli o ka haiki o ka ha!e a hoolimalima no hoi ia noho ana, nolaiia ua hooholo like iho la makou e hoi no Kewalo kahi hoi o Kamanoulu i oieloia. Noho no ekolu pule a hala aku la o meakakau me Ezera nO' Wailuku a noho iho o Kamanoulu a o Lilia hoi i mama no ka hooponopono ana i na keIki a makou a waiho pu iho ka olelo e makaala i ka meahou a na Parisaio me ka hoike pu ana aku i ka olelo no ke kanaka lulu hua, a hala maua, noho na ohana, i koe, hiamoe ae la ko hope nei komo ka mea ino a kaihi l ka mea maikai, a kuhi lalau ka hewa no ka hoomana, ma Wailuku au no 2 pule a 0 na ohana i aloha i ka uhane i ka hoapili ua huii mai no, o na ohana aioha i ko ke ao nei, ua holo aku mawaho, a aohe he ilio ke kauwa a ke Akua e uhaiholo aku ai. Ua Kelekalapa ae la no keia Kamanoulu a kipaku mai la no o Ezera ia'u e hoi, o kuhihewa iho anei ka poe heiuhelu na Ezera i hoowalewale. Ika hiki ana ma Honolulu nei komo 1 .ka hale, ua hana koke iho la o Kamanoulu i ka hana a ka aia, i na ohana a Ezera, oiai ua lilo ka mea maikai, aka he mea ole ia ia makou, oiai he poe makou e hoopiha pono ana i ka mana o ka olelo, aole hoi he poe kakani iehelehe. Ma kahi o na kane i haalele ia e na wahine, ke ku-e nei au ia. Na na kane ! no i klpaku i na wahine no ka hoomana 1 ke Akua. O Huakai Ezera aia no kana wahine me ia ame na poe apau i makemake e hoomana i ke Akua a no ka mea kakau nei hoi me keia Kamanoulu no oia no na makahiki loihi e hoomanawanui ana a ma na pule hope o May ua kipaku mai la oia ia'u. Aka, I mamuli o ikeiki ua hoomanawanui! ia ia mau eha, a i keia kipaku hope ana, a hiki mai la i ka wa o ka moku, a hoi mai la au a hoike aku la iaia no ko'u hele a ku aku la oia hele, aole i hele malu e like me na hoolaha hoopunipuni. Mahope o keia ua imi hou ae nei no i na hana imihaia a hiki hou mai la au ianei malalo o na lima o ke Aupuni, a malalo o ke kinai ikaika ana a A. M. Brown e like me ka naau ike i loaa iaia ame na olelo mai ka waha aku o keia Kamanoulu he makemake oia e kuikahi hou, a e hoopoina ia na mea i hala a ae aku la malalo o ke noi a ka Ilamuku aole no ka ike ole i na mea e J hiki mai ana, a hookoia ia manao a' komo iloko o ka hale, a liookoia mai la na manao i haku mua ia, nolaila i lohe ua haaiele hou o Mrs. ia Mr. a eia iho la no ke kumu aohe makou he poe hohe wale, aka e hauoli ana i ka ino ame ka maikai, aka no kuu aloha o puni hewa ka lehulehu i nei hoolaha laiau a ka meakakau oia keia e hoike aku nei i ka oiaio. Ma kahi o na mea ai nihinihi ke kue nei au. O ka'u e ai ai o kana (Ezera) ia o ko'u nele ana o kona nele ana ia, no ka hooko ana f ka palapala, ma. kahi o kahea unihipili a keu mai ka alae, aole ia mea he olelo Akua wale no ka'u e a'o ia nei. Ma kahi e hoike ana no na aahu keokeo, waiala i pakui ia na na oleio imihala, e hoike mai oe e mea kakau o ka la 6 ina he pauku j Baipala kahi e ku-e ana i ka hoomae-. mae ana i ke kino a i na mea ala > a kipa ma kahi mehameha e launa ai me ke'Akua oiai o ka wa wale no ia e hanaia ai ia mau hana, aole i ka wal hana. O ka Baibala. ko makou panana l , aole o ke kanaka, nolaila a i makemake e ike i ka oiaio e hele i o Ezera la ua hemo ka puka no na poe e makemake ana, mai waiho a hiki mai ka hopena o Kapalakiko a I ole o Noa paha o lana ka papaauwae .i ka moana, e hoike pu mai o mea kakau o ka la 6 i na pauku e ku-e ana i ka noho ana mai o ka uhane o ke Akua iluna o ke kanaka a kamalii hoi ka mea i palapala ia o ke kino o ke kanaka ka luakini o ke Akua aole hoi o na paia hinuhinu o Kawaiahao. O ka lawa ana keia o ka pane ia meakakau o ka la 6 o ka mua ame ka hope no ka olaio o keia ke kau nei au i kuu inoa malalo I MRS. J. K. KAMANOULU. Honolulu, lulai 19, 1906.