Ka Nupepa Kuokoa, Volume XLV, Number 30, 27 July 1906 — ABE LINEKONA KE KEIKI KUAAINA AMERIKA KA PUUKALAHALA O NA KAUWAKUAPAA PAELE. [ARTICLE]

ABE LINEKONA KE KEIKI KUAAINA AMERIKA

KA PUUKALAHALA O NA KAUWAKUAPAA PAELE.

MOKUNA I. KONA LA MUA MA KE KULA. I kekahi la maikai, i ohuohu ai na puu anie na owawa i ka nialamalama kakahiaka, tta puka aku keia wahi keiki muiloko aku o kekahi hale kua laau. Oka hale kua laau, oia kekahi hale ona kuaaina ilihune o kela wahi, penei ke kukulu ia ana. Hoomakaukau lakou i mau kua laau pololei kupono i okiia e like me ka loa ame ka laula o ka hale, alaila, ua kukulu huinahalike ia na laau, kekahi e moe ana maluna iho o kekahi, a ma na kini, ua okiia he walia ma ka laau o lalo, i moe paa ke poo o ka laau maluna iho iloko o ia waha. Pela e kukulu ai na aoao ame na kala o ka hale a hiki iluna i ke kauhuhu. Ua okomoia na hakahaka owaena o na kua, me ka lepo palolo, i ole e komo ka ua ame ke anu. He kua no hoi ko luna oka hale, ua hoopiliia kekahi i kekahi, a maluna iho o na kua, ua uhfia me ka ili o na lanu nui. 0 kona hele mua ana no ia i ke Kula A'o palapala. 1 mai la kona makuahine iaia: "He la nui keia nou, e kuu keiki; ua oi aku ka maikai 0 ka ikt i ka heluhelu buke, mamua o ke dala ame ke gula." "E hana oe me kou ikaika," wahi aka makuakane. "He manawa pokole wale no kou e imi ai i ka heluhelu buke." Ha i mai la ke keiki: "E hoao ikaika no au." A holo aku la ia me ka olioli oka naau. O kona mau makahiki ia wa he ehiku no ia. Olelo mai la ka makuahine i kana kane. "E hooikaika ana no ia ma ke kula, me ko kaua hoeaeu ole aku iaia, no ka mea, ua lana no kona manao e ike i ka heluhelu buke." "E pomaikai ana no oia ke paipai iki kaua iaia; aka, no kona makemake loa i ka heluhelu buke, aole o'u hopohopo i kona hooikaika ole ana. "E lilo ana oia i haumana akamai ke liiki ia kaua ke hoouna loihi aku iaia i ke kula; aka, no na pilikia o kakou ka poe ilihune o keia wahi. aole paha e hiki iaia ke hele mau aku i ke kula." "Aole o'u manao e nolio loihi ana kaknn mnanei kahi hoi { kapa mau ia ai kakou, he poe keokeo .aeahaukae," wahi a ka makuakane. "Ma ia olelo, aole oia i manao ma na mea e naauao ai wale no, aka» no na Nika i hookauwa kuapaaia ma ia wahi, ua hookiekie ka poe waiwai ia lakou iho iluna oka poe ilihune keokeo. Eia nae, ua ike no oia ma na wahi i hooluhi ole ia na Nika, ua oi 110 ka nui o na mea e naauao ai. 1 "Me ka ae mai no paha o ke Akua," wahi a ka wahine. "Pela no hoi, a ke manao nei au ua makemake no oia e hana kaua pela ina no hoi he hiki ia kaua." "Pela no i ka nana aku," i pane aku ai ka wahine, "aka, ua paa loa' kaua maanei, a ua oi no ka pilikia o na makua o kaua ma keia wahi mamua o ko kaua pilikia i keia manawa." "He ino io no na pilikia o keia wa, aka, aole e mama ae keia mau pilikia ma ka noonoo ana, ua pakela loa aku na pilikia o ko'u l makuakane. Mai ko'u wa kamalii liilii, ua noke no au i o a iam-i, a 110 ka nui o na pilikia aole i loaa iki ia'u na huamua o ka heluhelu 1 buke." "Ua oi no na pilikia o kou makuakane mamua o kau i ha'i mai nei," i hooia aku ai ka wahine. "Ke manao nei au, he pono no ia oe e ha'i aku i kona mooleio ia Abe. E olioli ana ia ke lohe. Ua hoomaka no au e ha'i aku iaia i kekahi la i hala iho nei, a ua hoihoi loa oia i kona lohe ana 1 keia mau mea. Ua oi aku no kou ike ma ia moolelo, niamua oko ti, a nau e ha'i ppno aku iaia." "Ae," wahi a Mrs. Linekona, "he pono no i na keiki apau ke ike i na hana a na kupuna o lakou, i hiki ai i kela keiki keia keiki, kr pale aku i na hana hewa, a e hahai aku hoi i ka lakou mau hana pono." "Pela, io no, aka, ua kamailio kaua nō kona ao ana i ka heluhelu buke. Aole hiki i keia Kumukula ike uuku, ke a'o loihi aku iaia." "E loaa ana paha ia Abe ka heluhelu," wahi a kana wahine. "Pela no paha, ina e hiki ia'u ke hoouna'ku iain ma ke kula a li'uli'u; aka, he mau pule wale no paha e hiki ai ia'u ke hoouna aku iaia i ke kula." "Malia paha e loaa ana iaia ka heluhelu iloko o ia mau pule no. Aia a pau kona hele ana i ke kula; a ua hoomaka pono oia i ka heluhelu ana, alaila, nana no e hooikaika iaia iho ma ka imi huke." "Pela paha, aka, o ke kakaulima nae kekahi mea i makemaki nui ia, oia pu hoi me ka heluhelu buke ana. Ua ike no au i ka pilikia, o ka nele ana ia mau mea." I mai Ia ka wahine: "Na ke Akua no e hoomakaukau i na mea e loaa ai iaia ka naauao. E manaoio kaua, na ke Akua no e malama." "Pela no, aka hoi, aole nae e loaa ana ia Abe ka heluhelu, ame ke kakaulima ana, ma ko kaua manaoio wale no." Pela paha, aole palia. Na ka manaoio no e hoomakaukau i ke alanui. Na ka manaoio no hoi i hoopakele ia Daniela mai ka waha mai o na Liona; a malia paha hoi, na ia mea hookahi no, e hoopakele ae ia Abe mai ka waha mai o ka hupo." I mai la kana kane: "He wahi manao maikai no ia. He oiaio no. na ka manaoio e hoolana i ka manao o kekahi poe, oiai lakou < pilikia ana." Ua v olelo aku oia pela,'no kona ike ana ika lana mau 0 ka manao o kana wahine. E haalele kakou i ko laua nei kamailio pu ana; a e hoakaka iki ae i kekahi mau mea e pili ana ia laua. Iloko o ka makahiki 1817 keia. mea a kakou e heluhelu nei. ma ka apana o Hadin ma Kenetuke. Ua noho keia wahi kanaka ilihune, me kana wahine ame ka laua mau keiki. ma kahi hale kua laau. A«>|e 1 haliiia olalo o keia hale me ka papahele. Aka„ un hoolakoia na«'me kekahi mau noho ekolu wawae, he Ipuhao, he Pa palai, a h«wahi hikiee moe no hoi. O Toma Linekona ka inoa o ke kanaka. a he mau hoahanau Ekalesia no hoi laua, me kana wahine. Ua pomaikai no ko laua ohana, no ke alakai pono, ame ke a'•> pono ana o Linekona wahine ia lakou. He wahine akamai u<» m ma na hana maoli, aka nae, aole ona hanohano. Ua ike no oia i ka heluhelu palapala, aka, aole nae i ike ike kakaulima. He wahine an -. < no ia, no kona kupaa, luliluli ole ma ka pono maoli, ame ka oiai.. ■» kona ano Kristiano, Aole i makaukau o Linekona kane, e like me kana wahine; aka, ua oi aku no oia ma na mea e pili ana i ke kanaka noho pono, manni i ae o kona mau hoalauna apau ma ia wahi. Aole 1 loaa taia ka h' !n helu buke ame ke kakaulima ana, aka, ua ike wale no oia i ke kakau ana i kona inoa iho. me ka hemahema no nae. A o kona makuakane he kanaka ilihune, i pepehiia a make e n.i Inikini, i ko ianei wa kamalii, a ua malama no hoi oia iaia iho, niai ka wa opiopio no, a ua halawai no hoi oia me na pilikia he nui loa, ma na wahi apau ana i hele ai. Aole oia i hele kula iki mai kona wa uuku mai, no ka mea hoi, ua lilo no kona manawa apau, ma ka imi ana t ola no kona kino iho. Ua makemake nui oia e naauao kana keiki. no ka mea, ua ike no oia he nui loa na pilikia o ka noho naaupo ana He kanaka oluolu no oia, a he kanaka hoomanawanui no hoi ni.i ka hana, ahe ano Kristiano oiaio no. Nolaila, ua pau pono na hana apau ana i hoomaka'i. Aole i pau. A