Ka Nupepa Kuokoa, Volume XLV, Number 31, 3 August 1906 — KO HAWAII NEI MAU POMAIKAI MAI KA FEDERALA. [ARTICLE]

KO HAWAII NEI MAU POMAIKAI MAI KA FEDERALA.

Ma ka helu i hala o ke Kilohana i puka aku ai ka meahou hoohauoli e pili ana i ka liuliu ana e kukuluia i maū halekukui hou no 'Hawaii, ame ka hoonui ana ae i ke awa, he mau pomaikai hoi i loaa ia Hawaii nei mai ka Ahaolelo Nui mai o Amerika, a he mea hoi e nele ole ai ka haawi hoomaikai ana i ka Ahaolelo Nui ame ka haawi hoomaikai ana i ka poe i hooikaika a hooholoia ai ia mau pomaikai. > . Ua ikeia na kahoaka mua o keia mau mea ma na meahou i loaa mai ia kakou mai Amerikā mai mamua aku nei, a mahope o ka hoomalolo ana aia hoi, ua puka mai la ka ikaika' o ke kum'u o ka hana e like. me ia i puka aku ai ma ka helu i hala o ka liuīiu ame ka hoomakaukau ana o Kapena Slattery o ka oihana enekinia o ka oihana koa Amenka maanei.

Eia me ia na hoolala ana o ke kaha ana i na palapala kii o ke kukulu ana i kiakukui e kukuluia ae ai ma ke poo o ke alanui Papu i kai o na mvapo kumoku o Kou nēi a ke liuliu pu mai nei no hoi oia i ko ka halekukui o Makapuu ame kela halekukui hou e panaiia aku ai ma kahi o ka halekukui kahiko o kakou e ku mai nei iloko o ,ke awa. Eia pu no hoi oia ke hooikaika mai nei i na palapala aina o ke awa o Kou nei.—o ke kowa a na moku o kakou e puka mau nei a e hookomo mai ai, o ke awa no hoi nona iho ame ke kowa hou e manaoia nei e eiiia i loaa hou ai i alanui no na moku e komo ai iloko o ke awa nei. O keia mau hana e nei he mau mea i panaiia mai e ke Aupuni Federala ma o ka hooholo ana mai nei o kona Ahaolelo i mau haawina dala e like me ia i hoikeia ma na meahou i puka mai ai i o kakou nei a i hooaiaiia hoi ma ke Kuokoa o ka pule i hala—ke hoohui ae i keia mau mea, alaila, o lakou na mea e hoike ana i ka nui o na pomaikai i loaa ia Hawaii mai ka Federala mai, a he mea pono i ka Federala e hana mai'pela e like me kona nana ana i ka pono o na mokuaina ame na Teritori e ae o na Mokuaina Huiia. A e like me ka makou i hooaiai mua ae nei ma kekahi'manaopepa o makotf fc-puka pu akt: nei, pe]a no makou e kalele nei no ka Elele Repuhalika Kālanianaole i ka hooiaio loa ia o kona ikaika ame na hoa e ae ame naī hoa ahaolelo pu i ka Ahaolelo Nui o ka laulima ana i na bila i kā hookomoia ke kumu i puka mai ai kekahi mau bila o lakou. A i ka loaa ana mai o keia mau pomaikai ia kakou he mea no ia e i hauoli ai, a o ia mea no hoi ka mea nana i hoike mai ua ike ia o Hawaii iloko o ka> Ahaolelo, a he mea no hoi e hoike mai ana i ka ikeia o kona wahaolelo, a makou e ike nei aole no he kuniu e ike ole ia mai ai ko kakou wahaolelo, koe wale no a hemahema ka kakou hoohana ana. Nolaila, he mea pono i na makaainana e nana akahele loa i ka jninau elele lahui, ma ke kilo ana i ke ano, p ke ala e wae mai ai i ka kakou elele, a makou e manao nei i ka hawawa loa o ka hoouna ana 1 ke kanaka nona ka aoao kalaiāina nawaliwali ma Amerika a iloko hoi o ka Ahaolelo Nui. O ka mea i hoomaopopoia a ikeia iloko o Amenka a hiki i keia mau la, o ia no ke kaa ana o ka hapanui o ka mana alakai i na hoa Repubalika, mai ka noho peresidena a iloko o ka Ahaolelo a iloko no hoi o na hana aupuni e ae, alaila, he hana naauao no hoi ia ia kakou e hoouna aku i kanaka ma ke kulana elele mailoko mai o ka auna Repubalika. E hoouna nae ko Hawaii nei ma o ka Ahawae Moho Repubalika la e noho mai ai i Wailuku iloko ae nei o ka malama o Sepatemaba i kanaka kupono, aole i ka opala, e wae i kanaka i kamaaina i na kulana ame na ano o ka Ahaolelo o Wakinekona, aole i ke kanaka malihini a maa ole, e wae i kanaka makaukau, aole i ka mea makaukau ole, e wae i kekahi kanaka ko'iko'i oloko iho o ka aina, Hawaii a haole oiai aole e nele kona hana aku i ka maikai no ka aina ana i noho kulaiwi ai a loaa na kulana ko'iko'i iaia, a aole hoi e wae i kanaka makee ole i ka pomaikai o ka aina. He ninau ano nui keia, a aohe he mea noonoo maikai e nele ai ka ike iho'i ke ano nui o ia wahi, a o ke akamai nui o na makaainana o keia Teritori wahi a ka makou noonoo, o ia no ka wae ana i kanaka nona na kulana i hoikeia ae la ame na kulana kupono e ae no e holomua ai no ka pononui.