Ka Nupepa Kuokoa, Volume XLV, Number 31, 3 August 1906 — UA HA'O MAI KANA MAKAKILA. [ARTICLE]

UA HA'O MAI KANA MAKAKILA.

Ma ka puka ana o ka helu o ke Kuokoa o ka pule i hala, o ia ka hope o ka Mr. Simeona K. Nawaa kope o ke kuilima pu ana me makou ma na anoai like ole e like me ia i puka aku ai ma ia helu, oiai, ua waiho mai oia i ke kakelekele ana i kana makakila hoopomaikai hala ole i lfa lehulehu heluhelu o ke Kuokoa. Ua waiho mai oia i ka hana nia kona kulana kokua lunahooponopono o ke' Kuokoa i ka pule i hala ame ka hoomaikai makou i hookuu aku ai iaia, a makou e manao nei o ka lehulehu pu kahi i nele ole i ke komo pu ana me makou ma ia hoomaikai ana; a mamuli no hoi o na maikai i panai hala oie ia mai e kana makakila i hiki ole ai ia kakou ke alo ae! i ka panai ana ia mau haawina maikai, oia hoi, ka hoomaikai. O Mr. Nawaa ka mea nana i kakau i ka moolelo oiaio kaulana o na aina nui o ka honua nei, o ko lakou nee ana iloko o ke kenekulia umi-kumamaiwa i hala, ka polopeka hoi nana i hului nui mai i na maikai kamahao o ia au manawa i hala ae a kekahi hapa hoi o ka lehulehu i hoopuka maoli ai i ko lakou hoomaikai maloko o ke Kilohana nei. A iaia i ha'o ai mai o makou aku aole ia he mea e ha'o ai ka makou hoomaopopo ana i kana mau maikai a pela pu no hoi makou e ike e nei i ka loaa o ia ano hookahi i ka poe heluhehi o ke Kuokoa, a na ia mau haawina hoomaopopo i loaa ai ia makou nona i nele ole ai kaj loaa ana ia makou o ka ike pela ana no na maikai e pu-ai aku ana mai iaia aku ma na wah'i ana e noho hana ai, he haawina maikai hoi no kakou oiwi e haaheo ai, a pela ka haawina e hoomakili ai ke kanaka e pono ai. ■' .— Ke hauoli nei makou i ka loaa ana mai o na apo ohohia ana no Abe Linekona, ke keiki kuaaina o Amerika i puka aku ai ma ka helu i halā a e puka mau. aku ai no hoi; a he hoike ana mai ia i ka ohohia o ke kanaka i na moolelo no lakou na haawina a'o e loaa ai kekahi mau loina alakai no ko lakou ola honua ana. Oia iho la no ka waiwai oka oihana hoopuka moolelo, o ka lilo ana o ia mau mea i mea hoowaiwai i ka hoakanaka. •„ .