Ka Nupepa Kuokoa, Volume XLV, Number 31, 3 August 1906 — HAALELE IA KOO IKAIKA A KA AOAO DEMOKARATA. [ARTICLE]

HAALELE IA KOO IKAIKA A KA AOAO DEMOKARATA.

| Ma na kukai olelo ana mawaenā o I Senatoa Palmer Woods ame kekahi ka- | naka o ko makou keena nei ua hoike mai oia e haalele loa oia i ka noonoo an.i no na mea pili kalaiaina. "E hele ana au i Cuba i ke kanu ko, * me kekahi keonimana i ike i ka moipona o ka lepo o kekahi mau aina malailawahi a ua Senatoa nei i hawanawana mai ai. "No Hawaii nei, aohe a'u mea e hoohalahala ai. Ua holopono no ka'u mau hana apau i lawelawe ai ma keia aina; aka aole au i manao, ua kaulike na mea a keia panalaau e haawi nei i kekahi kanaka opio e ; like me na mea e haawi ia nei e kekahi mau mahele aina o Amerika Huipuia." Ua paa kuu manao mahope o ko'u heluhelu ana i na mea e pili ana no Cuba. he wahi maikai loa ia no'u e hele ai. Mamuli o na mea i hoike ia mai ia'u e ke keonimana i kamaaina, loa. ia Aina ua maopopo e holopono loa ana ka'u hana ke hoao au e hoohana malaila." Ua holo mai o Senatoa Woods i Honolulu

nei i keia mau la no ka hoomakaukau ana no kona huakai hele no Cuba. Aka aohe nae oia e haalele koke ana ia Hawaii nei a hiki iloko o ka mahina o Okatcba.

Ua hanauia o Senatoa Woods ma ka Mokupuni o Hawaii, a ma Hawaii nei no kona wahi i hoonaauao ia ai. Ua lawelawe mua oia i ka oihana Aupuni iloko o ka Oihana kuke Awa, a hiki i ka hookahuli ia iana o ke Aupuni Moi iloko o ka makahiki 1903, ua hoopau ia no ka ae ole e hoohiki malalo o ke Aupuni Repubalika o Hawaii. Mahope 0 kona hoopauia ana mai ka hana Kuke Awa mai ua hoi aku oia no ka mokupuni o Hawaii a komo ma ka hana hanai holoholo. Ua halawai oia me na haawina o ka holomua ma ia hana a komo aku oia ma ke ano hoa hui me kona kaikuaana me J. Frank Woods, ma ka oihana Hanai Holohoiona. Ma ia oihana laua i lajvelawe ai no 'kekahi mau makahiki lehulehu. O ko Senatoa Home noho, aia no ia ma kekahi wahi oiolna he mau mile mai Manukona aku ma ka Mokupuni o Hawaii. Ua mare oia i ke kaikamahine a Randali o Makekukeka he 12 makahilei 1 hala ae nei, a ua loaa mai na laua he mau keiki lehulehu. Ua koho ia o S§natoa Woods no ka Aha Senate o Hawaii nei no elua manawa, ma ke ano he Demokarata. O kona puka ana mamuli no ia o ke kakoo ana a kekahi poe Repubalika ma Hawaii iaia kela mau kau elua ana . 5 holo ai. He mau hana maikai kana i hana aku ai no na kanaka o koha Mokupuni, a no ia maikai, ua mao- , popo ko lakou kokua mai iaia ke manao oia e holo hou ma ke ano Senatoa. Aka ua pau kona manao ana e alualu hou ia hanohano, ua lawa na hana kalaiaina. Ua hoonawaliwaliia mai ka ikaika o , ka aoao Demokarata mamuli o ke kaawale *ana aku o keia kakoo ikaika oia aoao kalaiaina.