Ka Nupepa Kuokoa, Volume XLV, Number 31, 3 August 1906 — PAA KO JOHN HUGHES MANAO E KU MAU MA KA AHAHUI FEDERATION. [ARTICLE]

PAA KO JOHN HUGHES MANAO E KU MAU MA KA AHAHUI FEDERATION.

No na makahiki elua i hala ae nei ko Alex. Robikana kali hoomanawanui ana no kona lilo i Elele Hawaii no WasinetOna. aka, i ka Poalima aku nei o kela puie i hala ua hoopaha'oha'o loa ia kona mau hoaloha i ka lohe ana i kona manao kaniuhu. Wahi ana: "Aole 'he mea nana e ake'ake'a i ko Kuhio holo hou ana i Elele i kei-a kau." Ua like hoi ia me ka olelo ana ae aohe manaolana no kona lilo koke i Elele i keia manawa, Ina paha e kaji hoomanawanui hou oia i elua makahiki hou i koe a malia ia manawa e hiki ai i kona mau hoaloha ke noonoo mai nona. I keia manawa la, ua kolo ka\mole o ke keiki Hawaii a ua kukuni paa ia kana mau hana iloko o ka puuwai o kona lahui oiaio. Wahi a John Hughes imua o kona mau hoaloha: "Aole o'u makemake e haalele i ka aoao Civic Federation, oiai e holo moho Lunamakaainana ana au i keia kau. He Repubalika au, a e holo aku ana au no ko'u kohoia ma ia aoao Repubalika." O ke kahua alakai a John Hughes e

makemake nei e hooko aku, e ikeia no ia ma kana kahua hana ē puka aku nei ma kekahi wahi o keia pepa. O ko John Hughes ano maoli he kulana kanakamakua a ma kana Kahua Hana e ikeia ai, aole he mea nona» e hilahila ai ke noi ana aku i na poe koho no ke koho ana mai iaia. Aia iloko o keia kau Ahaolelo e noho mai ana, e hua mai ana kekahi mau hana ano nui e pono ai e loaa kekahi poe kanak4 noonoo kaulike, e like.me John Hughes ke ano iloko o ia Aha. Ma na 'hiohiona e hoomaopopoia nei he mea paakiki ka loaa ana he mau kanaka maikai mai na Apana mai mawaho i kupono no ka Hale Kau 'Kanawai. Ua manao ia e waie hou ia aina o Paimer Woods no ka Aha Senate i keia kau e ka aoao hoohui moho, aka o ka haalele ana mai o ia kanaka kupono ua maopopo ole ka loaa ia Hawaii Hikina ke kanaka kupono ma kona makalua.