Ka Nupepa Kuokoa, Volume XLV, Number 31, 3 August 1906 — MAKE MA KA ELEVETA. [ARTICLE]

MAKE MA KA ELEVETA.

Ua halawai o Fred Williams, ke kiai puka o ka Hokele Young me kekahi ulia poino ma ke kakahiaka o ka la Sabati nei. Mamuli o ka olelo hooholo a ke kiure nieniele kumu make ua olelo ae lakou. "Ua make o Fred Williams ma ka la 29 o lulai, A. D. 1906, ma Honolulu, Kalana o Oahu, Teritorl o Hawaii mamuli o ka haule ana mai luna mai a hooku'i me ka Eleveta o ka Hotele Young a noha kona poo, ke kumu o kona make hikiwawe ana." E lawelawe ana o Fred Williams i kana mau hana mau ma ka papahele elua ma ka aoao makai o ka Hotele, mahope iho o kona hookuu ana aku i kona kokoolua e hoi i ka hora 10 o ia kakahiaka me kona ha'i pu ana aku e e hoihoi ana oia i ka eleveta i ke kahua olalo o ka Hale. Ua hoololi ae oia i keia manao ona a hooholo iho la oia e hookuu wale aku no i ka eleveta ilalo me ke kanaka ole oloko i ole ai oia e hooluhiia ma ka hoi wawae ana mai. Hoohana aku la oia i ka mikini no ka hoemi ana i ka eleveta ilalo a puka aku la oia iwaho aka nae ua lohi loa kona lele ana aku no ka mea ua hookui koke māi la ka eleveta iaia a emi aku la ilalo. Me he mea la ua hoao oia e komo mai iloko o ka puka hookui e oia me ka eleveta e emi ana ilalo, a komo kona poo mawaena o ke kae o ka eleveta. a haule aku la oia ilalo. O ke kiekie o, keia wahi ona o ka haule ana he 12 kapuai. TJa hiki mai o Fred Williams i Honolulu nei i ka mahina mua o keia makahiki, a noho hana oia maloko o ka Hotele Young\ Ua piha iaia na makahiki he 52. Aole ona ohana ma Hawaii nei-aka he' keiki kani i mare wahine e ola nei ma Nu loka.