Ka Nupepa Kuokoa, Volume XLV, Number 36, 7 September 1906 — HOOKAEIA NA PUALI KOA NEKERO. [ARTICLE]

HOOKAEIA NA PUALI KOA NEKERO.

\VASINETONA, Augate 23*—Ua hoopilikia loa ia ka Oihana Kaua, mamuli o ka maopopo ole o ka mea e hana aku ai maluna o kekahi mau pualikoa Paele eha, e ku nei iloko o ka oihana kaua i keia manawa. Aole he wahi iloko nei o ka aina e hookipa ohaoha ia ai lakou, a ma na wahi apau, e hoounaia aku ai o keia mau puali no ke ku kiai ana, e loaa mau mai ana hoopii ku-e mai na kulanakauhale kokoke mai. O kela pilikia ma Brownsville, Texas, ua ala mai no ia o ka makemake ole o na haole i na koa Paele e ku kiai nei malaila. r 4 Ke kauoha nei kanawai, i eha pualikoa Paele hele wawae, ahe mea pono e loaa he wahi no lakou e ku kiai ai. O ke ku-eia nae o kfi& mau pualikoa, ua lilo i mea hoopilikia i ka oihana kaua. Ke manaoia nei o Pilipine ko«lakou wahi kupono, aka aia pu no ilaila he hoowahawaha no keia lahui Paele. Me he mea la nae e imi aku ana ka Peresidena i mea e pau ai o keia pilikia, aka nae, oiai e mau mai ana no keia mau puali e mau ana no ke ko'iko'i o na ku-eia mai maluna o ka Oihana Kaua.