Ka Nupepa Kuokoa, Volume XLV, Number 36, 7 September 1906 — HIAAI KA MANAO NO HAWAII. [ARTICLE]

HIAAI KA MANAO NO HAWAII.

Maloko o kekahi manao i kakauia e ke Kakauolelo o ka Ahahu: Pa'i Palapala o Oregona, o ka la 12 o Augate aku nei, e hoike ana ia i na manao hoohihi o na kaikamahine pa'i nupepa o Oregona i holo mua mai ai i Hawaii nei. O kekahi oia manao e olelo ana penei: "O ka huakai makaikai a na kaikamahine o nei i hala aku ai e ike i ko oukou aina i haiamuia e ka nani, ua hooiia ae na mahalo ame na hoomaikai ana i loaa ia oukou mamuli o na mea a lakou i hoi mai ai a haanui i koonei poe. Ua lilo ka oukou mau hookipa ana, ko oukou launa ana ame na mea e ae he nui a lakou e kamailio nei, 1 mau mea e kono hou mai ana ia lakoif e hoi hou aku i Hawaii. "Pehea la oukou i hana mai ai i keia mau kaikamahine i O Hawaii wale iho4a no ka lakou e kamaiiio ai ina manawa apau. Mea ae no o Hawaii, mea ae no o Hawaii." He hookahi o kela mau kaikamahine o Oregona i inakemake e holo hou mai i Hawaii nei me kekahi poe lehulehu e iho iloko o ke kupulau ae nei oia o Miss Emily A. Grossen. JVlamuli paha hoi o na hana maikai a ko Hawaii nei poe i hana aku nei i na kaikamahine o Oregona, nolaila ke manao mai nei ko Oregona poe e kauoha mai i kekahi mau kaikamahine eono o Hawaii nei e holo aku iko lakou aina. Maloko oka leta a Mrs. Weatherred ike kakauolelo o ke Komite Hoeueu, e hoike ana ia i kona makemake e haawi i huakai makaikai i kekahi mau kaikamahine Hawaii o eono a oi aku paha ka nui mai Hawaii nei aku a hiki i Oregona, a wahi ana: "E holo aku ana au no Hawaii, a huli hoi.pu mai me lakou. Na u e lawe aku a liiki i Portland a ina au e hoi houi mai ana nō Kapalakiko, alaila kaa aku lakou malalo o ke alakai ana a kekahi mea kupono. Aole he kanalua ana o ka loaa ia lakou o na hookipa ohaoha ana a ko Oregona poe." - , —— —