Ka Nupepa Kuokoa, Volume XLV, Number 36, 7 September 1906 — KA HOME KAIULANI HOU. [ARTICLE]

KA HOME KAIULANI HOU.

I kekahi mea e hele ai ma ke Alanui Moi, a hoea ma o aku o ka halekula o ke Kula hanai o Kawaiahao, a iaia e nana ae ai ma ka aoao makai, e knpono ana i ka hale noho o Kakela ma ka aoao mauka mai | o ke alanui e halawai mai auanei ka ike a kona mau maka me kekahi hale, he hale hoi e loaa mai ai kekahi mau mea maikai e haaheo ai ka leliuleliu, a o ua hale la, oia no ka "Home Kaiulani." He home keia i hookiimuia iloko o kekahi mau makahiki ae nei i hala e kekahi poe kokua o keia kulan'akauhale no ka pomaikai o na wahine opio, a i hoolaaia hoi no ka hoomanao ana i. ke Kama'lii i make Kaiulani. Ua ku-, kuluia keia hale me na mea apau e oluolu ai na wahine opio o na ktia«! aina mai, a o ke kulanakauhale nei no hoi e manao ana e hele i ke kula iloko nei o ke kulanakauhale, a i ole imi paha i na hana e pono ai lakou. O ka loaa ana o keia home i kekahi mau opio e makemake ana e noho me ka uku mahina kupono, e loaa pu 5na ia lakou ke pulama ana o ke ano kristiano oiaio, a he wahi kupono maoli hoi no| na kaikamahine opio makua ole, e noho ana e kekahi wahine i ake nui e hapai ae i na kaikamahine ma na'anuu kiekie o ka nohona holomua o keia au naauao. i O ka nianao mua iloko.o na poe na lakou i hookahua ke kukulu ana i keia home, e hoonoho i na kaikamahine Hawaii wale no, aka, aole nae pela, ua hookuu akeaia na kaikamahine o na lahui like ole e makemake ana e hoi mai, e noho iloko o keia Home. He Home keia i hiki ke hoolawa i na kaikamahine he kanalima me na mea kupono apau i kulike me kona ano home. Aole i J>apa ia ka hele ana aku o na poe owaho nei e hoohala manawa me na kaikamahine. a aole no hoi he mau rula i kauia mawaho ae o na mea kupono i manaoia he mau mea kupono no na kaikamahine. E uoho pooia ana ana ka Home Kaiulani e Mrs. S. D. Heapy, ka mea nana e haawi aku na makaala ana o ka makuahine maluna o na kaikamahine opio. Mawaho ae o na da!a »luiuia mai no ke kukulu na i keia Home, he ekolu hanen dala i koe o na hoolilo o ke kukulu ame ka hoolako ana, alaila pau na hemahen» pfli i keia home. Ke manaolana nei nae o Mrs. Heapy e kokua niai ana no kekahi poe manao aloha oloko nei o keia Teriotri i keia hana nui, a no na makuahine kuonoono nae o Hawaii nei ke kohu pono o keia leo poloai. no ka mea no o ko lakou lahui i hookahua mua ia ai ka manao kukulu i keia home.