Ka Nupepa Kuokoa, Volume XLV, Number 38, 21 September 1906 — O PETER BARON KA HOOPAKELE O KEKAHI KEIKI UUKU AME KEKAHI LIO MAILOKO MAI O KE KAI. [ARTICLE]

O PETER BARON KA HOOPAKELE O KEKAHI KEIKI UUKU AME KEKAHI LIO MAILOKO MAI O KE KAI.

Ma ka hora 5 o ke ahiahi Poakolu o kela pule aku nei, maloko o ke awa ae nei o Honolulu. e kokoke ana i ka hale waapa o ka Makala ' i ikeia aku ai kauwahi keiki Pukiki e kupaka ana iloko oke kai. Na t kekahi wahi keiki e ku ana iliina o ka uwapo i hoike aku i ka lohe i | kekahi makai kuikawa, nona ka inoa o Dick Young. a nana i hoao e 11.oopakele i ke keiki e kupaka ana iluna o ka ilikai ma o ka paa ana i j ka mvapo a hoolei aku la i kona huka i ke keiki, me ka paa ana no nae , i kekahi poo oke kuka i kona lima Ua loaa aku la no ke kuka i fce j keiki, a hoomaka mai la ke kukeawa e huki mai 110 ka hoopakele ana ae i ke keiki popilikia, a mamuli o ka paupauaho loa, ua pahemo mai la kana paa ana i ke kuka, a pela oia i hiki ole ai ke loaa ka palekana ma keia hoopakeleia ana. Ma keia manawa hookahi no hoi i hoea mai ai o Peter P»aron a ike i.keia pilikia i loaa i ke kamaiki, a hoomaka aku la e lele iloko o ke kai !no hoopakele ana mai iaia, a nana i hoau mai ike kau i kahi maloo, aole no hoi i li'uli'u iho, ua hoea mai la o Kauka Alfrcd Wall, e kalaiwa ana maluna o kona kaa bake, ma kahi kokoke i ka liale waapa no o ka Makala, ame ka hale o na hoahanau Younp. O ke alanui ana e kalaiwa ana i kona kaa ua kau like loa kona kiekie me ka pale kai, a pehea iho la, la hoi, ua peki mai la ka lio, a haule ana ke kaa ame ka liō iloko o ke kai, a ia manawa no o Pctef Baron i hele aku ai e hoopakele ae i keia kauka pakalaki ame kona lio mai ka poino mai. Ua loaa ia Peter Baron ka inahalo kiekieia ma o kona hoopakele ana he eono poe iloko o na makahiki ekolu i hala aē nef.