Ka Nupepa Kuokoa, Volume XLV, Number 39, 28 September 1906 — KU-E NA KAHUNAPULE I KE KU'IKU'I PUUPUU. [ARTICLE]

KU-E NA KAHUNAPULE I KE KU'IKU'I PUUPUU.

5 Ua noho iho nei he halawai ana Kahunapule o keia kulanakauhale no ke ku-e ana i ka malamaia ana o ka hakaka ku'iku'i puupuu maloko o keia kulanakauhale a Honolulu nei, a o ka hopena i loaa mai ma o na hana a lakou i noonoo ai no ka pono o keia ninau oia no ko lakou waiho ana aku he olelo hooholo imua o ka Loio o ka Aha Apana o Amenka iloko o keia Teritori a o ka pane i loaa mai. e apono ana i ka olelo hooholo, oia hoi e hookapu loa ia ka malamaia ana o keia ano le'ale'a nia Honolulu nei. O Messrs Thwing, Edwards ame Westervelt na Komite ma ka aoao o na Kahunapule i noonoo i ka olelo hooholo, no ke kakoo ana i ke kanawai e kau nei i pili i ka hana ku'iku i puupuu, a malalo iho nei e ike ia ai ua olelo hooholo nei penei: "la R. W. Breckons, Loio o ka Aha Apana o Amenka, Honoluiu. Aloha oe:—Ma ka aoao o ka Ahahui o na Kahuilapule, a e hana ana no lakou. a malalo hoi o ka lakou kuhikuhi ana, ua makemake makou e ku-e aku i ka aeia ana o ka hoomauia ana o ka hakaka ana no kekahi makana, e like me ia i hoakakaia e na kanawai o Amerika Huipuia e pili ana i na Teritori. a ma na wahi apau o ke Teritori o Hawaii nei. "O makou, iho ma ke ano Komite, ke noi aku nei, e hooko ia ke kanawai e ku-e ana i ka maiamaia ana o ka hakaka ana no kekahi makana, apuni keia Teritori.