Ka Nupepa Kuokoa, Volume XLV, Number 41, 12 October 1906 — KAAWE KEKAHI KEPANI IAIA IHO. [ARTICLE]

KAAWE KEKAHI KEPANI IAIA IHO.

He Kepani ka mea i loaa aku e lewalewa ana iloko o kekahi hale makai iho oka hale paumawai o Kalihi ae nei. Melie mea la ika po Poaono aku, a i ole i kc kakahiaka Sabati mai pāha kona kaawe ana' iaia iho. Ma ke kakahiaka Sabati aku nei ka hoike ia aiia mai o keia lohe i ka halewai, a holo ana o Kalakiela me na kiur^ ; koronelo e nana i ua Kepani la. He oiaio, ua loaa aku la ia lakou e lewalewa mai ana ke kino iloko o kekahi hale haahaa. me ke kaula i hoopaaia iluna o ke kaola oloko o ka hale; a malalo pono o kahi o ke kino e lewalewa ana, e waiho ana he noho i hina ilalo. Me he mea la, maluna o keia noho i ku ai ke Kepani iaia i hoopaa ai i ke kaula ma kona a-i, a ia peku ana i ka noho a hina oia kona manawa i lewalewa ai. - ! Aole i maopopo i ka poe e noho kokoke ana ke ano o keia hana i hanaia ai, a aole no hoi i maopopo ia lakou kona inoa.