Ka Nupepa Kuokoa, Volume XLV, Number 41, 12 October 1906 — IKEIA HE MOKU POINO ILALO KE ALO. [ARTICLE]

IKEIA HE MOKU POINO ILALO KE ALO.

SEATTLE, \Vasinetona, Sept. 27. —Ma kahi he 110 mile ma ka aoao Komoh...ia-hema aku o Lae Flattery i loaa mai ai kekahi moku e lana hele ana ilalo ke alo. Oke ano oua moku la ame kona hae, aole i maopopo ma Seattle nei. aka nae o ka mea nana i hoike mai i keia lono, oia 110. ka malamamoku o ka mokukuna Carrier Dove. Ma ka ulia laki wale no i ike aku ai na kanaka o ka Carrier Dove i ka moku poino e lana mai ana. oiai ko lakou moku he mau kapuai he 100 ka mamao mai ka moku poino mai. A mamuli oka malamalama o ka mahina ia po, pela i hooku'i ole ai keia mau moku, a ua hiki nae ke ike ia aku kona hoeuli ame kona iwikaele i ka hulalali mai i ka malamalama o ka mahina. Me he la nae i ka hoomaopopo aku i ua moku la. me he moku kalepa la a i ole he mokukuna paha.