Ka Nupepa Kuokoa, Volume XLV, Number 42, 19 October 1906 — KAKOO I KE KUOKOA NO LINEKONA. [ARTICLE]

KAKOO I KE KUOKOA NO LINEKONA.

1315 Alanui Miller, Okatoba 1. 1906. I ka Lunahooponopono o ka Nupepa Kuokoa, Aloha oe:—I kuu heluhelu ana i ke "Kilohana" o ka la 28 o Sepatemaba, ua akaaka au no ka kapaia o ka moolelo o Abe Linekona. he mea kamalii, "a he opala" O ka Moolelo o Napoleona Bonapate he mea i heluhelu nui ia, aka e like me ka oi ana o ka la mamua o ko kakou honua nei, pela ka oi o ka waiwai o ka moolelo o Abe Linekona mamua o na kaao ano hookualehelehe i kanp.ka. No keia kumu, o Peresidena Linekona he kanaka Aloha Aina, a ua ko kona hooikaika ?.n?.. O Napoleona nae ka Emepera mua o Farani, he kanaka hookiekie a manao nui i kona pono iho. Aole like me Peresidena Wasinetona ka mea i haawi wiwoole 1 kona ikaika ame kona waiwai e kokua i na koa pilikia ma Vale Forge. Me ka makemake nui e ala mai o Hawaii opio a apo i ka pono maoli e like me ka Abe Linekona hana. Owau no o S. N. EMERSON.