Ka Nupepa Kuokoa, Volume XLV, Number 42, 19 October 1906 — KA PEA O KAUAI [ARTICLE]

KA PEA O KAUAI

LIHUE, Kauai, Oct. 6.—Mamuli o ka manao ana o ko Waimea poe e loaa ona mea kupono loa no ka malama ana i ka poe ma'i, ua hooholo na wahine o ka Apana o Waimea, e wehe 1 aha Pea iloko aku nei o ka mahina o lune i hala, aka nae, ua hoomoe ia mai keia hana a hiki i ka Poaono ka la 27 o keia mahina. He mea malama ma'i keia i makemake nui ia iloko o ka Apana, a o keia mau loaa i makemakeia i 'mea e hoolimalima aku ai l mea kupono no keia hana. Maloko oka halema'i o Walmea i manao ia ai, oia kona wahi e noho paa ai, a e hele oia e nana i ka poe ma'i iloko o na kauhale. Ua wehe hamama ae nei o Mr. ame Mrs. Gay i kekahi wahi o ko laua pa, no ke kukulu ana i kekahi mau wahi no ke kuai ana i na mea kuai a malaila e kuai ia aku ai kekahi mau mai nani a laua i hoihoi mai nei mai lapana mai. Na Mrs. Baldwin e malama ana ke pakaukau kuai lole, a ma ia pakaukau e loaa ai na ano loie like ole o na kamalii. Malaila no hoi e loaa ai na lakeke o na lede, na holoku o na wahine, na paleili, ame na lole moe po o na kane. Ma kahi kuai o na mea hana llma, malaila o Mrs. John Fassoth, a nana e kuai mai i na mea hana lima e laa ka lihilihi, na mea i kahaia me ka lima, na kukini, a he nui aku o na mea maikai i hana maiau ia. He mau mea kuai okoa aku kekahi ma na pakaukau okoa aku, e noho poo ia ana no hoi e kekahi mau lede o ka mokupuni kaili la: oia o Mrs. G. Hansen, Mrs. E. Palm'er, Mrs. Wm. Danford, Mrs. Peters, Mrs. T. Brandt, Miss Bandham ame Mrs. H. P. Faye. Ma keia mau pakaukau e loaa ai na ko kanake, ka haukalima, na kii, na huaai, a pela pu me na moena Hawaii, ame kekahi mau mea nani e aku he nul, He paina no hoi kekahi i hoomakaukauia malalo o ka hooponopono ana a Mrs. Walter Wright, a e komo pu ana na ono a ka Hawaii ame ka haole ma ia naina. He hoolele kii kekahi e malama pu ia ana e Polopeka Hart, ola hoi he mau kii o na wahi kaulana o ke ao nei. ame ko lakou mau moolelo. He hapaha ka uku no ke komo ana e nana i keia mau mea apau.