Ka Nupepa Kuokoa, Volume XLV, Number 43, 26 October 1906 — HUNA MA-LUIA KE KIPRKUIA ANA O KEKAHI WAHINE MA'I LEPERA HAWAII. [ARTICLE]

HUNA MA-LUIA KE KIPRKUIA ANA O KEKAHI WAHINE MA'I LEPERA HAWAII.

LOS ANGELES, Oct. 4-—E hoike ana ka Nupepa Timcs penei: O ka hopena poino i loaa i ka wahine ma'i lepera i kipaku ma luia ai mai Los Angeles aku mamuli o ke kaaoha a ka Papa o na Lunakiai, ka mea e pioo nei na noonoo ona luna oke Kalana. O keia wahine i kipakuia he wahine hapa haoie. Ua hiki mai oia ia nei me kana kane me George Chamberiain, he hookahi ae nei makahiki i hala; a ua haakle mai ke kane iaia, a ua loaa aku hoi keia wahine i na luna aupuni oke Kalana, ua loaa ika ma'i lepera. ..111 • Ua hoihoi ia aku oia no ka halema*i a maloko o kekahi halelole 1 hoonoho hookahi ia aku ai oia/ Ua oi ae kona pilikia mamuli o keia noho mehameha mamua oka pilikia a ka ma'i, a ua noi maoh aku oia e haawiia mai he laau nona e make ai. Ua lilo ka ma i o keia wahme 1 mea hoopilikia i ka noonoo o na luna o ke Kalana, a pela iho la 1 manao ai lakou e hoouna aku ia Mrs. Chamberlain no Honolulu. Ua hu-na loa ia keia mau hana kipaku i keia wahine mai ka aina aku. Me ka uhimaka oia i lawe ia aku ai no Kapalakiko, kahi ona i manaoia ai e hookau aku maluna o ka mokuahi e holo ana no Honolulu; a o kona manawa no hoi ia i ike hope ia aku ai, iaia e ku mai ana iluna o ka moku, i haalele aku ai i ka Ipuka Gula no Hawaii. Ua haawi mai keia wahine i kana hoohiki, no ka hoike ana mai 1 na luna aupuni maanei i kona manawa e aku ai no kona aina; eia nae, a hiki i keia manawa, aole he mea i loheia mai nona; a me he mea !a, ua hooko aku o Mrs. Chamberlain i kona manao e make ma o ka kle ana iloko oke kai mai ka moku aku. O kekahi manao ia ua halawai oia me kekahi make pepehi maoli ia, i ka manawa i ike ai na luina oluna oka moku he wahine ma'i lepera oia. Ua hoike ae nei na luna aupuni kulanakauhale, ua mahuka maoli aku keia wahine mai ka aina aku, aka ua ae mai nei no nae lakou, ua hana ia keia mea i ole ai e ikeia eka hui mokuahi. Aole o lakou makemake e hoike mai ika la ame ka inoa o ka moku i hookauia aku ai o Mrs. Chamberlain, no ka maka'u o hoopiiia.