Ka Nupepa Kuokoa, Volume XLV, Number 45, 9 November 1906 — SIR FIODOA "KA NAITA OPIO O BAVARIA." Ka Hoopakele o ka U'i Konelia. [ARTICLE]

SIR FIODOA "KA NAITA OPIO O BAVARIA."

Ka Hoopakele o ka U'i Konelia.

MOKUNA XVIII. KA MOOLELO KAHIKO. I ka hooki ana iho o ka Moi i kana kamailio ana, ua hekau iho la ka meha anoano eehia maluna o ke anaina e akoakoa ana, a aole he wahi mea a puai leo iloko o kekahi mau minuke loihi, aka nae ua kaa mai la no i ka Moi ke kamailio mua ana, me ka hoopa pu ana mai i ka poohīwi o kona ukali, ka kaua Fiodoa. "He oiaio no elike me ka'u i hoike aku ai ia oe e Fiodoa. O ka Lede Keleka o kou makuahine ponoi no ia e ku mai la ma-o, a o oe wale no ka hooilina o Alenadofo e ola nei, a mai kanalua e kuu keiki, no ka mea ua hiki loa ia'u ke hoohiki aku imua o oukou apau i ka oiaio o ka'u mau mea e olelo nei." "E kuu uhane!" i pane mai ai ke Duke mai loko mai o kona mau manao pilihua. "Aole e hiki ia'u }ce maopopo i kau mau mea e hoakaka mai nei e ka Moi, aka nae, akahi no nae au ā hoomanao ae i ka like loa o na helehelena o ko keiki wi\vocfle me kona makuakane." "He hoopunipuni! He wahahee," i pane kikoola mai ai ke Kauna Beterama. "Aole loa e hiki i ka mana o ke kanaka ke hooiaio mai i kela moolelo lokoino, a ke ku e loa aku nei au i na hooia wahahee e kokua ana i ka oiaio o keia moolelo." "Ha! oia iho la ka kau pane ia'u," i hooho mai ai ka Moi Feredarika. "E lawe koke mai i ko'u mau hoike iloko nei, i pau ai kuhihewa." I ke poha ana aku o keia kauoha a ka Moi, oia no ka wa 1 hamama mai ai o ka rumi i puka mua mai ai na lede elua a kaua e ka mea heluhelu i ike ae nei, a komo mai ana kekahi kanaka aoo, o ke ano oluolu, ame ke akahai, a imua o kona haku i kunou aku ai oia, me ke kali ana o ka loaa mai o ke kauoha nana e hooko aku ai. "E Kauka Roseko Vabeka! E oluolu anei oe e hoike mai imua o makou i kau mea i ike ai e pili ana i keia lede ame ka opio nei?" "E hoomalu! i lohe pono ai t>ukou i kana mau olelo." Ua aoo maoli no o Kauka Vabeka, aka nae, ua oi aku kona makaukau ma kana oihana mamua o na kauka opio. Ma ka aoao o ka Moi kona wahi i ku ai, a i ka manawa i loaa ai ka maluhia oloko o ua keena la, ua hoomaka mai la oia e kamailio. "E o'u mau hoaloha, aole no he nui loa o ka'u mau olelo e kamailio aku ai imua o oukou. E hoopokole ana no au i ka'u mau olelo e pili ana no ka mea a'u i ike ai no keia lede ame ka opio. "He iwakalua makahiki a oi i hala ae nei i kii mai ai o Beterama von Alenadofo ia'u no ka hele pu ana aku me ia no ke Kakela Alenadofo, no ka lawelawe ana i ka hana kaha maluna o ke kino make o ke Kaunawahine Keleka. "He elua aku no pule o ke Kauna ilalo o ka honua, ua kau mai 1a keia pilikia maluna o kana wahine, a mamuli o keia loaa hikiwawe ana o ke kaunawahine i keia make kupanaha ka mea nana i hoala mai i na n-auao hoohuoi iloko o na kauwa, ua halawai ke Kaunawahine me ka make a kekahi mea lokoino. "O ka lakou i manao loa ai, ua hanaiia oia i ka laau make. Ua hapai ke Kaunawahine i keia make ana ona, a ua kokoke loa hoi e hanau mai kona opu, a loaa e nae i keia pilikia. "Ina paha e ola hou mai ana oia i elua pule hou ina ua hanau mai oia i hooilina no ka hale o Alenadofo." "O ka make ana aku la o ke Kaunawahine ame kana keiki iloko o kona opu, ka mea nana i hoolilo ae ia Beterama i haku no Alenadofo, a i kana keiki hoi i hooilina nona. "I kona manawa i kii ae ai ia'u ma ko'u hale noho ma Rinabeka, e noho pu ana me a'u kekahi haumana a'o kauka, a oia ka'u i lawe ai me a'u. me kuu hoike pu ana aku ia Beterama ina aole oi:i e ae mai ana i ka hele pu ana o keia keonimana me a'u, aole au e ae e hele e hooko i ka hana ana i makemake ai ia'u e hooko aku maluna o ke Kaunawahine. "A no ke ano hoopono no hoi o ua keonimana la, ua ae pu ia mai Ia oia e hele pu ,me a'u. "Ua kau pu aku la maua me Beterama maluna o kona kaa, a ia makou i hoea aku ai i ke Kakela, ua ike aku la au 1 ke kanaka hnki hele, ka mea kuai pahu kupapau, ame ke kauwa kahiko a ka makuakane o ke Kaunawahine Keleka. "Ua hoomakaukauia na mea apau no ka hoolewa ana, a e kali wale ia ana no o ka pau o ka'u hana, o ka lawe koke ia no ia o ke kino e kanu. "Iwaena o ka poe e kuku mai ana, a i manaoio hoi ua hanaiia ke Kaunawaliine Keleka i ka laau make, o ke Kauna Beterama von Alenndofa kekahi, a nana 110 i kauoha mai ia'u e komo iloko o ka nimi kahi o ke kino puanuanu e waiho oni ole mai ana, me kona kauoha ikaika pu ana mai ia'u e hooikaika au i ka huli pono ana i ke kumu i make ai ke Kaunawahine. "Ua koi aku !a 110 au iaia e komo pu me a'u iloko o ka rumi i ike pono ai oia i na mea apau a'u e hana ai, aka ua hoole paakiki mai oia, a« !e loa ona makemake e kiei hou i ka helehelena o ka mea i make, a mamuli no hoi o kana kauoha, ua ae ia mai la ke kanaka huki pele ame ka mea kuai pahu kupapau, e komo pu me a'u ame ko'u kokoolua no loko o ka rumi. i mau hoike ma kona aoao. "Ua komo aku la makou apau eha iloko o ka rumi, a i kuu wehe ana ae i ka uhi inai ka helehelena ae o ke Kaunawahine, ike koke iho la au i ka waiho maikai o kona helehelena me he mea la aole oia i make, a me he mea la e hiamoe maikai ana no oia, a hooholo koke iho la no au aole i komo aku he wahi hunahuna o ka laau make iloko ona. "Ia makou e kuku ana ma ka aoao 0 ke kiiio e waiho ana, ua ninau aku la au i ko'u mau hoa 1 ke ano o ka hiki ana mai o Ea make maluna 0 ka Lede Keleka, ke Kaunawahine. "He mea pono no nae ia'u e hoike aku imua o oukou, ua hoike mua ia mai no ia'u na mea e pili ana i kona make ana. O ka lohe i hoikeia mai oia no ka ai pu ana o ka Lede Keleka me ke Kauna Bctarama ma ia kakahiaka i ko laua ainakakahiaka maluna o ke pakaukae hookahi, ka manawa hoi a na mea apau e hoohuoi nei ia manawa i hanai ia ai ke Kaunawahine i ka laau make. "No ka mea i ka wa i pau ai o ka ai ana, ua hele holoholo aku la ua Kaunawahine nei iloko o ka malapua a o ka hoomaka koke mai la no ia o kona ano poniuniu, a o kona hoi koke aku la no ia iloko o kona nimi moe no ka hooluolu ana me kona manao, no kona ai nui ana paha ia kakahiaka ke kumu i loaa ai oia i keia haawina. Eia nae 1 ka manawa i loaa aku ai kona kino e moe ana iluna o ka moe, ua like no ia me ka manawa a'u e nana ana. '*Aole au e hoike nee papa aku ana i ka'u mau mea i noii akahele ai i ke kumu make o ke Kaunawahine, aka e hoopokole ana no au i ka u olelo ike ma ka olelo ana ae imua o oukou, na na lima ponoi o Betarama i kau aku ai i kela hana menemene ole maluna ona. "Ua hoike ae la au i ka no'a huna e pili ana i ka make ana o ka

Lede Keleka, a ina e oluolu ana oukou e hoomalu iki, alaila e hoike aku no au i na hooia e maopopo ai nana i hana i keia hana o ka hilahila ole. "la makou apau e ku ana maloko o kela keena ua haupu mai la na haili hoohuoi iloko o'u no ke kumu i make ai o na keiki a ke Kauna me kana wahine mua—na keiki hoi e ku ana mawaena o na hoahanau elua, oia na keiki a ke Kauna Betarama, a haupu pu mai la na hoohuoi ana no ke kumu i make ai ka wahine mua a ua Kauna la. "Me ka manao paha o Kauna Betarama ua malaelae ke alahele no ka lilo ana o kekahi o kana mau keiki i hooilina 110 Alenadofa, ua noho nanea wale iho la oia me ke kali ana o ka hala aku o ke Kauna i ka make, aka nae,' iloko o kona nanea a palaka, ua male hou iho la ke Kauna me ke kaikamahine a ka Naita o Sekona. He Lede opio wale no oia. aka ua haāwi aku nae oia i kona hilinai ame kona aloha maluna o kana kane. "Iloko o ka hora i manaoia ai e lilo aku ana oia i makuahine no ka hooilina o ka Alenadofa mahope iho hoi o ka make ana aku o ke Kauna ua lumai ia aku la oia ame ka hua o kona opu e na manao lili 0 keia kanaka hilahila ole. "O keia na manao i hoala ia mai iloko o ko'u noonoo ia manawa, a hooholo iho la au aole keia kanaka i haawi i laau make, aka he mau hana hoouhiuhi wale no keia ana i mea e hoohanaia aku ai ka pahi a ke kauka maluna o ke Kaunawahine a he hookahi kona make pu ana me kana keiki. "Ua loaa ia makou he alahele huna e hoea mai ai iloko o keia rumi he wahi' hoi i maopopo ole i kekahi mea o Betarama wale no. Ma keia wahi oia i komo mai ai oiai ke Kaunawahine e hiamoe ana a hana 1 kana hana puuwai eleele. ' "Ke houluulu la wau i ko'u mau manao maikai apau i ole ai au e koho hewa. Hoomanao ae la au ika ike i loaa īa'u mai na ilikini mai oia hoi kahi hikiwawe loa o ka make o ka holoholona. Lalau iho la au a hoohuli ae la i ke kino o ke Kaunawahine, a ia'u i lole ae ai i ka lauoho o kona poo, ua loaa koke iho la ia'u he pine e oioi ae ana, a ua pololei io hoi ka'u mau mea apau i koho mua ai i ke ano o keia make ana. Unuhi koke ae la au i ke pine a kau iho la i ka laau e paa ai, a ia'll i hoohuli hou ae ai i ke kino o ia ka manawa i kakaa mai ai kona mau maka a nonoi mai la ia'u aole e hoonoho hou aku me Beterama. "A mamuli o ko makou hoopaa ana ia makou iho e hoopakele i ke ola oka lede opio, ua hooko aku la au i kana noi. He luaole no ka aa ana o ke Kaunawahine e noho iloko o ka pahu kupapau oiai na kauwa apau i hele mai ai no ka ike hope ana iaia, a i ka hala ana aku o na mea apau iwaho o ka rumi, ua ki ia aku la ka puka e a'u a hookomoia iho la he pauku laau iloko o ka pahu aole hoi o ke Kaunawahine. "Ua hele pu aku au ma kela huakai hoolewa o ka pauku laau, a ia po iho no ua lawe aku la au i ke Kaunawahine no ko'u home, a he hookahi pule mahope mai ua hanau mai la oia he keiki kane mohaha, a aia ma ka lima o kela keiki ke ke-a a kuu kokoolua i kau ai mahope iho oka piha ana iaia oka pule hookahi. Na maua no i malama i ke Kaunawahine a hiki i ka nui kupono ana o kana keiki, alaila ua lawe ae oia i ka inoa o Eleka Voii Amaba a hoi aku e noho me kona makuahine hanauna ka makuahine o ke Duke o Ludove, a ilaila i hoolalaia ai. No Wolofana hoi, ua hoikeia mai la na mea e pili ana i kona ohumu ana e lawe i ke ola o ke koa opio Fiodoa, a no ke poho ana hoi o kona manaolana no ka u'i Konelia, ua ae pu aku la no oia i kona hewa. A maopopo loa ae la ko Fiodoa lilo ana i Kauna no Alenadofa, ua ku ae la oia a hoike mai la i kona manao e haawi ana i kekahi uku hooinau maluna o Beterama amt kana keiki a kipaku aku la ia laua e hookaawale loa ia laua mai Perusia aku aole e hoi hoi mai. "Aole e hoolohe mai o-ukou apau" i kamailio mai ai ka Moi Feredarika: "Ke olelo aku nei au ia oukou a e hooko ia hoi ka'u olelo, pela i'o anei e kuu Duke maikai ?" "Ae aole a'u mea e kue ai." "Alaila ua pono. Ke olelo hou aku nei au he mea pono e hookoia ka palapala aelike. A oiai 0 keia mau opio a elua e noho mai nei imua 0 ko kakou alo na mea ma keia aelike, nolaila ke makemake nei au ia laua e hoolohe mai. He kue anei kekahi au e Fiodoa?" "Aole." "Ma kuu ola ana, ua lawa ko olua ae ana mai imua pono o kuu alo a imua hoi o ke alo o lvb olua mau makua i mea no olua e hoohuiia ai ma ka berita oka male. A e kuu mau keiki aloha ke hoohui nei au 1 ko olua mau lima, a aole he mana pana e ae, i keia manawa ua maleia olua ana ka lokomaikai auanei ona lani hoopomaikai mai i ko olua mau la o ke ola ana. KA HOPENA.