Ka Nupepa Kuokoa, Volume XLV, Number 47, 23 November 1906 — MO'A NA LIMA AME KA HELEHELENA O KA WILIKI. [ARTICLE]

MO'A NA LIMA AME KA HELEHELENA O KA WILIKI.

Iloko o ka hu o na mea paahana ame ke pa-hu ana o ke paipu amonia o ka hale hana hau ma Kewalo i ka auwina la Poalima nei, ua wela mai Ia na lima ame ka helehelena o ka wiliki nana a hoohana ana i ka hale hau, Ua ku aku no ka wiliki a hoao ma na ano apa.u e hiki ai ke paa kekahi hana ana mal a ka amonia me kona ae ole e hol I ka halema'i Moiwahine a i ole i kekahi wahi okoa ae paha e loaa ai na lapaau ana. E hookomo ana ka wiliki i kekahi kiki ma ke paipu, oia no ka wa i pa-hu ae ai o ke paipu a ia wa ua kahe-awal mai la ka amonia ma kona mau Hma ame kona helehelena, aka nae o kahi \ laki ioa al. aole i poino kona mau maka. Mahope iho o ka loaa ana o keia ulia i hoike ia ae la. ua pahola ae ke ea inoino ma na kauhale o Kewalo no kekahi mau hora loihi.