Ka Nupepa Kuokoa, Volume XLV, Number 49, 7 December 1906 — HULO NA KEPANI I KA BANA HAWAII. [ARTICLE]

HULO NA KEPANI I KA BANA HAWAII.

Ua hoike ae o W. Ellls ke alakai o ka hui himeni i hele pu aku nei me ka bana i ka nui o na hookipa maikai i paholaia mai ia lakou nia Amerika, o kekalii o ia poe ola no ka Agena ame na luna nui o ke kaaahi ko lakou hooikaika ana e hoemi mai i ka auhau n6 lakou e kau ai a ia lakou e holo ana maluna o ke kaaahi me ka hookani ana i na mea kani, ua hookahaha loa ia lakou a o na mea no apau i na leo hooho o na Kepani e hana ana i ke alanui hao o na kaaahi me ka hooho ana wela ka hao! wela ka hao. O keia poe Kepani mai Honoluiu nei aku ko lakou hele ana aku i ka hana a ua piha hauoii maoii ua poe Kepani la i ka ike ana nial i na keiki Hawaii ame ke ano o ka lakou paani ana. O Kamika ke» kahi ka peresldena o ka Ekalesia Moremona i haawi wale mai i ka luakini no ka paani ana me ke kii pu aku i kekahl poe e hele mai nb ke kokua pu ana ma ka himeni ana. He nui ka aie o ka bana aka nae ua komo mai ka ekalesia a kokua ma kekahi mau lilo o lakou. He kulanakauhale ulumahiehie maoli 0 Loko Paakai he hookahi ahiahi a ka hui hlmeni i paani al maloko o kekahi hale hulahula a oa makahehi nuiia ka lakou paani ana Ina no paha i paani lakou a hiki 1 ke ao ana aole no e haaiele ka poe hulahula i ka papahele. 1 O kekahi wahi i hookipa maikai ia ai ka bana ma Memphia, malaila ka ohana o ka puuku o ke Kalana o Oahu Mr. R. H. Trent a o lakou kekahi I hana mal i kekahi mau hana a ka bana e poina ole ai ia iakou. I ka make ana o Juan Edwards. he nul ka poe I haawi mai i na kokua ana me ke dala aole nae i lawe mai i k& bila kikoo no kekahi huina mahuahua aole no lakou i iawe mai ia mau kokua i haawiia mai ia lakou.