Ka Nupepa Kuokoa, Volume XLVII, Number 3, 18 January 1907 — KA NINAU ILI MA NA MOKUAINA O KA HEMA. [ARTICLE]

KA NINAU ILI MA NA MOKUAINA O KA HEMA.

Ma ke kau koho balota i hala iho la, ua nui ka hahana o na hooikaika koho balota ma kekahi mau Mokuaina 0 ka Hema, a o na mokuaina hoi i noho mana nui ia e na Demokarata. O ka ninau nul a na luna hooikaika o ka aoao Demokarata i hele ai imua o ka lehulehu o ka poe koho, "Oia /Ho ka ninau pili ili." Ua hoala pu ae na nupepa o ka aoao Demokarata i keia ninau, e hoolaha ana i na moolelo ku-e 1 na paele. Ma ka Mokuaina o Tenesi, ua hoolaha na nupepa Demokarata i na moolelo haku wale e ku-e ana i na ili hauliuli, a ua hoala ia na olelo e ho-a ia ai ka. wela o ka manao ku-e 0 na Jli puakea i na paele. Ua hele maoli kekahl poe Demokarata haole > na pahu balota me na pu, a ua lilo koia i mea hooweliweli i na paele; a he nui o na paele 1 maka'u a hele ole 1 ka pahu balota e koho ai. A mamuli 0 keia mau hana a na haole Demo« karata, ua haule ka moho Kiaaina Repuhalika ā puka aku la ka moho Demokarata. O ka aoao e hapai nui nei 1 keia ninau ili ma na mokuaina o ka Hema oia no ka aoao e kaena nei ma Hawaii nei, "He aoao e ola ai na Hawaii." Ma ke Kalana o Hawaii, ua hoomaopopo la ke ano alunu mana o ua aoao hookae ili nei. Ma keia mau la iho la no, ua hele aku la kekahi o na Komite 0 ka aoao Demokarata e holke aku imua o na poo oihana o na keena i koho pono ia e ka lehulehu, e hoopau ae i ka Hawaii makaukau, a e hoonoho ia aku ke keiki pono koho balota ole, a o ka hoi ana mai nei no ia me ka hohono ka no o ka aina haole. E hoopau ia ae ka ke keiki Hawaii pono koho balota, a e pani ia keia keiki, oiai, he keiki ia a kahi alakai o ua aoao nei. Ola io no kakou na Hawail i na o ke ano iho la keia e hookele ia ai na hoonohonoho oihana ana maluna o ka aina, kahi i 01 aku ke kuleana o na keiki eiwi o ka aina.—Hoku o Hawaii.