Ka Nupepa Kuokoa, Volume XLII, Number 4, 25 January 1907 — HE PAKE LIMA MUUMUU AIHUE MOA. [ARTICLE]

HE PAKE LIMA MUUMUU AIHUE MOA.

Ua paa hou ae o Chun Boon ka moho limakahi aihue moa o ke ao nei i ka hopuia no ka hewa aihue ma ke kekele elua ma ka po Poaiima aku nei. Ma ka oleloia ae ua komo aihue aku oia i ka halemoa a kekahi Kepani ma kekahi wahi mahope aku o ke kuea Winston. Ua nokeia aku ua Pake la i ke alualu e ka poe Kepani ma ke Alanui Beritania a hiki i ke Alanui Nuuanu, me ke kahea ana "he aihue, he aihue," a ma ke alanui Nuuanu ua paa oia i ka hopuia. Ua muumuu ka lima o keia Pake l klla 1 ka pu oiai e aihue ana i ka moa i kekahi mau makahiki ae nei i hala. He mimo maoll no kana aihue ana i ka moa, o kekahi o kana mau mea e hana ai, oia ka plpi ana i ka wai maluna o ka moa a kuhihewa lakou he ua keia e haule nei, a moe malie iialo, e like me ke ano mau o ka moa i ka wa ua; a oia kona manawa e hookomo ai ia lakou noloko o kana eke.