Ka Nupepa Kuokoa, Volume XLII, Number 4, 25 January 1907 — KE ANA NO KA WAIONA. [ARTICLE]

KE ANA NO KA WAIONA.

Ma ka meahou i puka ai ma ke Kuokoa i hala e pili ana ika hoike pili oihana a Lunakanawai W«hitne.y ia Lunakanawai Kiekie Frear i loaa ai ia kakou kekahi ike maikai e pili ana i ke kulana o ka onarama iwaena o kakou iho nei, oi loa aku iloko nei o ke kulanakauhale o Honeilulu, a he mea kupono na hoa Ahaolelo e noonoo inaluna o ia kumuhana e hoomailo mau nei i ke ola o ka lahuikanaka. He mea oiaio no aole he mea i nele ole ke anaia me kekahi ana e kaupalena ana, kalii hoi e maopopo ai ka mahele o na mea kupono ame ka maihele o na inea kupono ole, he haawina hoike e hoike ana i ke kanaka e lawelawe wale no ma ka mahele kupono i maikai ai na mea e hua mai ai no kona pono, a o ka lawelawe ana i na mea kupono ole i hoikeia maloko o ka mahele kupono ole. oia no hoi ke kau ana mai oka poino maluna iho oka mea lawelawe. He oiaio keia i pili i na mea apau a i na hana no apau. Pela i maopopo ai aia no he ana no ka waiona. a o na mea i hoikeia e Lunakanawai Whitney oia kekahi o na rula maikai loa a na lioa Ahaolelo e nana mai ai no ka hooponopono hou ana ae i ka nawaliwali o ke Kanawai waiona, a e hookomo aku ma ia mau walii e hooponoponoia ana na mea e kaomi io ia ai ka ikaika o ka ino o ka waiona e pahola nei iloko o ke kulanakauhale. Me ka hoopaapaa ole. e <liookomoia aku ana he mau bila kanawai maluna o ke kumuhana waiona, no ka mea, eia ka Ahahui Hoole Waiona ke liuliu nei i bila na lakou a aia lioi ka hui o ka poe kalepa waiona ke imi nei no ka lakou bila e hookomo aku ai, a pela makou e manao nei e niakaala loa na hoa Ahaolelo no na bila o ia ano, a e hooholo i bila kanawai e kaomi ana i ka ino o ka waiona. No ka waiona nona iho, -he mea maikai no ia ma kekahi mahele a he kupuino ma kekahi inahele, a maluna hoi o keia wahi kupuino la i ikei* ai ka nawaliwali o ke kanawai waiona e ku nei i keia manawa, ma kekahi olelo ana he kanawai kela e kakoo ana i ka mahele kupono ole o ke ana o ka waiona, a aole hoi i ka mahele kupono. A o ka hana hoi a ka Ahaolelo e noho mai ana oia no ka hoihoi ana ae i ua kanawai la ma ka mahele kupono o ke ana o ka waiona. He ana keia o ke kulana pililaula a na ka pililaula no hoi ia e hooponopono mai ke kumu i kohu pono loa ai o ka lilo ana o ka Ahaolelo i aj?ena nana e liooponopono. A aia no lioi he ana pilikahi kekahi no ka waiona, a ua pili hoi ia i kela ame keia mea paka.hi iho. E like no me ka makou i kalele mau ai he mau manawa mamua aku nei maluna o keia kumuhana pela no makou e hooaiai aku nei maluna o ia mea hookahi, oia hoi, e lilo kela ame keia mea 1 lunakanawai nona iho no ka hooko atia i ke ana o ka waiona, oia hoi, e ae ana iaia (kanaka) iho e lawe mai i ka waiona maloko wale no o ka mahele kupono o ke ana o ka waiona, a e kapae loa i ka hookomo ana iala iloko o ka mahele kupono ole o ke ana o ka waiona. O ka lawe ana i ka waiona e like me na kuhikuhi o na kauka a maloko o na pailena fcūpono e ae a lakou, oia iho la kekahi mau loina o ka mahele kupono o ke ana o ka waiona, a o ka lawe ana i ka waiona no ka lealea e hu aku ai ka ai ana mawalio o ka mea kupono, e eha ai ke olakino h e hoonaaupo ai i ke kanaka me he hololiolona la, oia iho la kekahi mau ino oloko o ka mahele kupono ole o ke ana o ka waiona. A makou e mānaōio nei, ina e laWe ana ke kanaka ia ana a kaupaona a lawe wiaile no oia i ka waiona maloko o ka mahele kupono wale no, alaila, aole e |jnka mai na ino e hoomailo nei i ka lahuikanaka; a ina'ie lawa na'mea āpāu me ia haawina makee alaila o ka hooholo a hoohōlo ole ana i kanawai waiona na like, no ka mea, ua hiki i kela ame keia mea ke hoomalu iaia iho, a oia no hoi ka haku maluna o ka Waiona. Mai hoolilo i ka waiona i haku maluna ou aka e hoolilo ia oe e ke kanaka i haku maluna o ka waiona a nau hoi e lula iaia, a aole oia ia oe. ......