Ka Nupepa Kuokoa, Volume XLII, Number 4, 25 January 1907 — HE PEPEHIKANAKA MA MAUI. [ARTICLE]

HE PEPEHIKANAKA MA MAUI.

O ka olelo hooholo a ke koponelo nieniele i ke kumu o ka make ana o Fred Re,vmond, oia keia: Ua hoea mai ka make ia Fred Re3'mond mamuli o ka poka i kiia e George K. Uwekoolani ma ka po o ka la 10 o lanuari ma Kahikinui. Ua noho pu o Mr. Reymond me Mary Uwekoolani no kekahi manawa. Ma ka po o ka la 10 o īanuari ua hoi mai la oia i ka hale, a loaa mai la iaia o George Uwekoolani e noho ana iloko o ka hale me ka wahine, a o ke"kii aku la no ia i ke ko'i, aka nae, ua paa aku

la o Mary iaia, a noke mai la hoi o George i ke ki i ka pu a make koke iho la oia. I ka nianawa a ka Hope Makai Nui Edger Morton i malama ai i ka aha koionelo nieniele no ke kumu o ka make. ua hoike ae ka wahine ina mea oiaio pili ana i keia hana pepehikanaka, a pela i loaa mai ai kela olelo hooholo ae la maluna. Ua hoopaaia ae o George K. Uwekoolani ame Mary maloko o ka halepaahao ina Wailuku.