Ka Nupepa Kuokoa, Volume XLII, Number 4, 25 January 1907 — LILO I KA WAI AOLE NAE I PILIKIA KE OLA. [ARTICLE]

LILO I KA WAI AOLE NAE I PILIKIA KE OLA.

He elu.i pule a oi ae nei i liala, e hana ana o Nalei ame kekahi mau kanaka e iho nia ka aoao mauna ma Makiki. E noke nui ana ua mau kanaka la i ka wawahi pohaku. Ma ka hora 10 o ke kakahiaka o ua la la o ka Poalua ia, ua hoomaka ilio la ka haule ana a ka ua me ka ikaika, a o ke kahe koke mai la no ia o ka wai mai ke kuahiwi mai. I keia wa e ua ana ka ua, ua holo aku la ua mau kanaka la, noloko o kekahi hale kahiko e pee ai, aole i li'uli'u iho ia noho ana a lakou, ua haalulu ae la ka hale, a o ko lakou holo aku la no ia no waho; oia nae, ua loaa mai la o Nalei i ka wai, a lilo pu aku la, a lilo pu aku la no hoi kahi hale a lakou i pee ai. I k«f manawa i ike mai ai kona mau hoa i keia laweia ana ona e ka wai, ua holo inai la lakou mahope ona, a loaa mai la ma kahi he elua haneri me kanalima kapuai ilalo loa mai o ka ihona. a kano aku la iaia mai ka wai aku. T T a manumanu no kona poo ame kona kino, aka e holoholo ana oia ma ka Poalima nei me ka hoike ana i keia meahou.