Ka Nupepa Kuokoa, Volume XLII, Number 5, 1 February 1907 — E HULIAMAHI ANA NA PUALIKOA HAWAII NO KA HOOMOANA ANA. [ARTICLE]

E HULIAMAHI ANA NA PUALIKOA HAWAII NO KA HOOMOANA ANA.

Ua hoopukaia ae nei he kauoha no ka huliamahi ana o na pualikoa Hawail no na hana hoomaamaa piii ia oihana ma ka la 20 o Feberuari, 1907, me Leilehua, ma ka mokupuni o Oahu. O ka nui o na la a na puaiikoa e hoomoana ai malaila he elima, e hoomaka ana mai ka la i oleloia ae nei. O ke kahua hoomoana a na pualikoa e noho aku ai, e kapaia ana o Camp Ta£t no ka hanohano o ke Kakauoielo W. H. Taft o ka oihana kaua o Amerika. E kaa ana ka hoomalu ana o keia kahua hoomoana malalo o Konela J. AV. Jones. O na pualikoa o Hawaii ame Maul kekahi i makemakeia e komo pu mai 1loko o keia mau hana hoomaamaa, a me he mea la e hoea mai ana lakou no Honoiuiu nei amua ae o ka mana•wa i makemakeia no keia hana. Ina no ka holopono o na mea apau i f hoōlalaia, alaila e huli hoi mai ana na puallkoa mai ke kahua hoomoana ma ka ia Sabati, Feberuari 24, 1907.