Ka Nupepa Kuokoa, Volume XLII, Number 5, 1 February 1907 — HOIKEIA NA HANA INO A KE KANE ILOKO O KA PALAPALA OKI MARE A KANA WAHINE. [ARTICLE]

HOIKEIA NA HANA INO A KE KANE ILOKO O KA PALAPALA OKI MARE A KANA WAHINE.

Ua waiho aku nei o Lolka Huli i kana palapala oki mare, e noi ana e hookaawale mai iaia mai kana kane mare mai John Huli, no ke kumu, no ka hanaino ame ka ona mau; me ke noi pu ana e kaa mai malalo ona ka malama ana i ka laua kaikamahine o umi-kumamalua makahiki; me ka loaa he uku hoomau no ua wahine la, ka uku loio ame ka uku hoom.au mahope aku o ka aeia ana o ke oki mare a e kauoha pu ana i ka Aha e hoopuka mal i kauoha e papa ana i ka hoopilikia wale ana mai o ke kane. Maloko o ka palapala oki mare a Loika Huli, e hoike ana i ko laua mare ana ma ka la 24 o Malakl 1883. Eia o John Huli ke noho hana nei ma ka malama ana i na kahua o ka Hale Mana Hooko no ke $30 o ka mahina. Iloko o na makahiki ekolu I hala ae nei, e ona mau ana oia ma na la uku dala apau. Iloko oka mahina aku nei o lune I hala ua hanaino aku oia i kana wahine, a ua noho aku oia no ka haiema'i no elua pule a oi, oiai hoi ua kane Ia I laweia aku ai no ka halema'i ela nae aole i hoopiiia no ia hoeha ana. He mau manawa e ae no kekahi ana i hoeha ai i hiki ole nae i kana wahine ke hoomanao ia mau manawa. He ellma nae manawa a ka wahine i hoopii ai iaia, a ua hoopa'i ia oia no ia mau hewa. He elua o keia mau hoopa'i ua nono hanaia e ia iloko o ka hale paahao, a o ke koena o na hoopa'i ua uku maoli ia. Ua haalele aku keia wahine i kana kane ma ka la 31 o Dekemaba mamuli 0 keia mau kumu hoopillkia mahope ae nel: Mā ke ahiahi o ka la 31 o Dekemaba, 1906 ua hoi aku ka mea i hoopiiia no ko laua home me ka ona me ka hoihoi pa ana aku he mau omole rama ana ame kekahi hoaloha i hele pu aku me ia i inu ai. No ka lawa ole o keia mau omole, ua hoouna hou aku la oia 1 ie waina, a i ka loaa ana mal ua Koomaka hou ka inu ana, me ke kauoha pu ana mai i ka mea hoopil e ku koke a hele mailoko aku o ka hale, r ka hooweliweli pu ana aku e pepehi ia no oia i na aole oia e hele koke ana. I mea nae e ko ai ia make.. ua lalau aku la oia i ke ie waina a alualu hele aku la mahope o ka wahine, aole nae i uhau aku i ke ie ana e paa ana, no ke ke'ake'a e ia ana mai e kona hoaloha; a no ka maka'u o ka mea hoopii no keia mau hana a ka mea hoopiiia ua holo aku la oia i kahi okoa e noho ai. Oiai nae oia e pee ana, e noke ana no ka mea hoopiiia i ka huli me ka hooweliweli ana no e pepehi, a mamull o ka piha maka'u o ka mea hoopii kona kumu o ka noho kaawale ana me ka hookaumahaia o kona noonoo. Ua hoopuka ae ka Lunakanawai Kaapuni Ropikana he kauoha e papa ana ia John Huli, aole e imi aku i kana wahine, a hana ino aku iaia mai keia manawa aku a hiki i ka pau ana o keia hoopii okl mare.