Ka Nupepa Kuokoa, Volume XLII, Number 8, 22 February 1907 — HOPU HOUIA NO IA POE PILIWAIWAI E KA OIHANA MA KAI. [ARTICLE]

HOPU HOUIA NO IA POE PILIWAIWAI E KA OIHANA MA KAI.

Ma ka auwina la o ka la Sabati aku nei, ua komoia aku ke kep. na malnna ae o ka halekuai kamaa e ku nei ma ke Alanui Moi e ku pono ana ma kekahi aoao mai o ka paka Pake, ame na lako ap'au o ka hana piliwaiwai. Ma keia hopuia ana o keia mau Pake piliwaiwai, i hoike maoli ai o Makai Apana i kona makaukau ma o kona pii ana mawaho a kau iluna, a ma ke kihi o ka hale kona wahi i noho ai, a komo mai oia iloko o ke keena piliwaiwai ma kekahi pukaaniani. O keia wale no kahi hiki ke komoia aku e na makai e hopu, no ka mea ua hana ia na puka o kela keena me na pani puka paa e hiki ole ai ke paa i ka hopuia ka poe e piliwaiwai ana. Ua liopu muaia no kekahi poe piliwaiwai iloko o keia keena i kekahi manawa i hala ae nei. a ua ao aku o Lunakanawai Whitnev aole e hana houia ka piliwaiwai maloko o ia hale, eia nae, aole he hoolohe mai o ka poe hakihaki kanawai. Ua kauia ae ko lakou bela ma ka $20 pakahi.