Ka Nupepa Kuokoa, Volume XLII, Number 8, 22 February 1907 — LILO KEKAHI MAU HALE O MAUI I KA WAI [ARTICLE]

LILO KEKAHI MAU HALE O MAUI I KA WAI

WAILUKU Feberuari 16.—Ma ka Poakahi nei 1 ikeia ai kekahi kuaua ko'iko'i loa i ike mua oleia ma Maui Komohana, oia hoi ma ka hors 8 o ia ahiahi, a ua nui na poino i loaa i na auwai ame na hawai o Waihee ame Waiehu a hiki wale i keia manawa, ke noho la na kanaka o ia mau wahi me ka nele i ka wai. Ua hoea mai ka ua me ka maopopo mua ole, a ua piha koke na kaliawai me ka wai e kahe ana me ka ikaika, a ua pakele mahune hune ke ola o ka poe e noho kokoke ana ma kahi o keia mau kahawai. , . Ma Waihee, he Pake hana poi ka i lohe i ka owe mai o ka wai, a mamua o ka hiki ana iaia ke wehe aku i ka puka o kona Jiale, u» loaa mai la ka hale i ka wai a o ka laweia aku la no ia ma ke ala huli kai. Ma ka puka mahope kona hemo ana, aau aku maloko o ka wai a hiki i ka pae ana i kahi e loaa ai o kona palekana. He mau dala kana he kanawalu iloko o ka hale, aka, ua halana ka wai maluna o kahi i waiho ai, mamua o ka hiki ana iaia ke hopu aku. Ua laweia aku kona hale a kekalii wahi mamao aku a pau i ka nahaha, me ka nalowale pu ana o kela mau dala. Ao ka hale iku po me kona, ua pau loa i ke okaoka. He nui ka hoopoinoia o ke ko, ua kahe mai he mau muliwai nui iloko o na mala ko, a he kaa lawe ukana ka i laweia aku e ka wai no kahi he aneane hookahi mile ka mamao, ua loaa aku no nae i kekahi la mai. He nui na hale ma Kahakuloa i pau i ka lilo i ka wai, a pakele mai ke ola o kekahi mau keiki liilii elua e noho ana iloko o kekahi oia mau liale. Ua laweia aku kekahi i nolio ai ia po t a hiki wale i ka hoopakeleia ana aku i ke kakahiaka ana ae. O na pohaku nunui keia, ua laweia mai e ka wai, a waihoia iho i ke alanui, a mamua pono iho o ka halekula o Waihee me ke alai ana i kahi e komo aku ai iloko o ke kahua o ke kula. NA HANA A KA PAPA O NA LUNAKIAI. Mamua o ka hoopanee ana o ka halawai a ka Papa o na Lunakiai Kalana i ka pule i hala, ua hookohuia aku o Sam Keliinoi i hope kakauolelo Kalana no ka uku o $'75 oka mahina, a- ua kauia ka bona i |100. Ua hoomahua>hua hou ae lakou i ka uku o na luna alanui o Lahaina, Wailuku, ame Makawao ma ke |90 dala pakahi no ka mahina. Ua haawi pu ia aku no hoi ka mana ina luna alanui e koho aku 1 hookahi a oi aku paha mau kanaka iloko o kela ame keia .apana, no ka hopu ana a hoopaa ilokp o ka pa aupuni i na holoholona e hele wale ana maluna o na aina aupuni, a ma na alanui. No na mea e pili ana i ka .halii ana i ke alanui mawaena o Wailuku anie Kahului, ua waihoia ia Mr. Kaiue ame Howell. Ua kauohaia aku ka enekinia Kalana ame na luna alanui e malama i pepa hoike no na mea apau a lakou e knai ai, a e waiho mai i ke kakauolelo Kalana i kela ame keia pule.