Ka Nupepa Kuokoa, Volume XLII, Number 11, 15 March 1907 — HE HOOMAIKAI I KE KUOKOA. [ARTICLE]

HE HOOMAIKAI I KE KUOKOA.

Mr. lunahooponopono, aloha oe: —O makou o na inoa malalo iho nei ke haawi aku nei makou i ko makou mahalo piha i ka nupepa Kuokoa, no ke pookela o kona mau moolelo naauao o na kanaka kaulana o na aupuni nui 0 ke ao nei, he ku i ka nani na mea apau no ka pono o ka makou mau keiki, he nani na mea apau. Ua mano ke mahalo nei, aka o na mokupuni nao makou aole waie o makou wale no apau o Hawaii nei i ka loaa ana 1 ka lakou mau keiki ka ike pookela no ka mooielo kaulana o Linekona ame ka Emepera Napoliona ame ka mojoleio o ka Hoku o Rokawela, he nani maoli no e kailiia ai ka puuwai, ua lohe aku makou i ka makou mau keiki e heluhelu ana e hoopaanaau ana ua nol mai lakou e haawi aku makou i ko makou mahalo ia oe e ka lunahooponopono o ke Kuokoa. No ka nupepa Aloha Aina hoi he ku ole i ka nani kona mau moolelo he mau mooleio kuawili o ka moolelo mua no i pau ua hiki ke hoololi ia a hoopuka hou mai no, ua hiki ke hoopuka ia kela mooleio a plha ka makahiki, ua hikl kemake a ola a make a ola, nolaila ke noi nel makou i ka makuahine o ke Aloha Aina no ka nele anei i ka moolelo i hoopukaia ai keia mau moolelo kuawiii, ina he makuahine naauao oia e pono e kapaeia keia mau moolelo kuawili e hoopuka mai nei me ka pololei, no ka mea o ka makou mau keiki e ake ana lakou i na moolelo maikai, aole makou e ike ana e mahaio ana lakou i keia mau moolelo e puka nei, ua like loa no me ka moolelo o Linela ame Vaioleta, he keu ka molowa. O ka moolelo o Kuliana ka Weli o Damaseko ame Tisia o Atika ame ka Hoku o Kokaweia, he nani maoii no a nolaila ke haawl nei makou apau na makua mea keiki i ka mahalo a nui la oukōu apau, no ka oiaio o keia ma o ko makou mau komite la i hooholo ia. ALBERT KAHUENA, ABR. KAUHIAKAMA, LIONEL. KAHOALII. Mokauea, Kalihi-kai, Malaki 11, 1907.