Ka Nupepa Kuokoa, Volume XLII, Number 12, 22 March 1907 — KA EMEPERA UILAMA AME KE KOPALA. [ARTICLE]

KA EMEPERA UILAMA AME KE KOPALA.

Oiai i kekahi la e holoholo ana o Emepera Uilama o Kelemania ma kona aahu makaainana, ua ike mai la kekahi Kopala iaia. Ike aku la ka Emepera Uilama, ma kona helehelena, i kekahi mea e luaiele ana i kona noonoo maikai, a no ia kumu, ua ninau aku la oia, no kekahi manawa aole loa ke kopala i aa e pane i ka haina, a i ka hope loa no hoi, ua hoike aku la oia ua haule oia i ke aloha me ka kaikamahine a kona kakiana mekia, aka, aole laua e hiki ke mare ia, oiai o ka lini nui o ka makuakane o ua kaikamahine la oia ka loaa ana iaia o kekahi hunona i hookiekie ia ma ke kulana kakiana. "Alaila, he aloha io anei kou i ke kaikamahine?" i ninau aku ftl o Emepera Uilama iaia. <f Me kuu uhane, kino, ikaika ame kuu mau mea no apau loa, he aloha au iaia. Ua hele mai ko'u aloha iaia ahu mawaho oke kiaha, a ke hooko nei au i ka ai," wahi ana i pane aku ai. "Alaila, ua hiki ia'u ke kokua ia oe; e hele a hoike aku i ko kakiana mekia ua hookohu aku o Emepera Uilama ia oe i keia la be kakiana. .