Ka Nupepa Kuokoa, Volume XLII, Number 12, 22 March 1907 — HAHANA KA PAPA LUNAKIAI O OAHU MAHOPE O IAUKEA [ARTICLE]

HAHANA KA PAPA LUNAKIAI O OAHU MAHOPE O IAUKEA

He nehe malie wale no ka lawelaweia ana o na hana a ka Papa o na Lunakiai o ke Kalana o Oahu ma ka po Poalua nei, aka nae mamua o ka hookuu ana o ka lakou halawai, ua hawanawanaia ae la kekahi manao no ka noho hou ana o ka Papa no ka noonoo ana no kekahi kumuhana ano nui i makemakeia e kamailio. He makemake ko Hawe e hoi no ka ma'i o kona ohana, aole nae he ae o Dwight e hookuu aku iaia, a i ka hookuu ana o ka halawai ua komo aku la lakou iloko o kekahi keena me ko lakou kuhikuhi puuone ka Loio Kalana Cathcart. He ahakuka ma-Iu keia i lohe oleia aku ka lakou mau mea e hana ana, aka nae e hiki mai ana no ka manawa e ikeia al. Me he mea la nae o ka lakou hana nui oia no ke kamailio ana e pili ana i ka hoohemahema o laukea i kana hana, mamuli o kona hoouna ole ana 1 makai nana e kiai 1 na paahao ma ka Poakahi nei imua o ka aha hookolokolo. Mahope iho o ko lakou kukakuka ana, ua kohoia kekahi komite no ka huli pono ana i na mea e pili ana no keia hana a ka Makai Nui.

O ka poe i hiki ae ma ka halawai, o Lunahoomalu Hustace, Hawe, Kealoha, Keliinohoponō, Dwight, na kakauolelo Kaiauokalani, Buffandeau, Hanale, kakaupokoie Aēai, W. -Lane, Loio Kalana eaUieaili Kalana ame ka Lunanui o ka Kinaiahi. O keia malalo Ihō nei na biia haawina i hooholoia: Kakauolelo Kalana, $161.60. Oihana Alanul 1999.14. Komikina no ka ohi ana i na auhau alanui, Honolulu, $99.50. Komikina no ka ohi ana i na auhau alanui, Ewa $27.43. Oihana Alanul $1,970.23. Oihana Lawe Opala, $269.49. Loio Kalana, $46.10. Na kiai paka, 75 keneta. lnikua,-$30.00. Alanui Apana o Ewa, $26.70. Enekinia Kalana, $22.50. Loio Kalana, $5.00. Oihana Alanui, $3,496.86. Oihana Lawe Opala, $524.25. Mahope iho o ka waihoia ana mai o na palapala noi ame na palapala hoopii ame ko lakou heluheluia ana, ua waihoia iloko o ka iima o na komite like ole a hoopanee no hoi ka halawal.