Ka Nupepa Kuokoa, Volume XLII, Number 12, 22 March 1907 — Wawahiia ka Manawa Holo o 100 i-a [ARTICLE]

Wawahiia ka Manawa Holo o 100 i-a

Ma ka Peakahi nei, la IS, mauka o ka pa heihei o na Kamalii ma Alanui Vinia anie Lililui, ua lioao ae na Kula o Kamehameha ame Punahou i ko iaua mau metala ikaika ma na heihei holo like ole. Ua paio ae na keiki o keia mau halekula kiekie me ka ikaika, aka ua oi ae no o Kamehamelia ma o ka loaa ana ia lakou he 59 maka, a o Punahou hoi he 39. O ka holo kukini 100 i-a ua wawahiia ae kona manawa holo e ke keikl o Kamehameha, Makeneki, ma o kona hoemi ana iho i ka manawa holo I ka 10 ame ka hapalima kekona. O ka mea naha i hooi loa ae i na keiki o Kamehameha ma na heihei oia no ka olohani like ana mai o na kaikamahine u'i o ia halekula hookahi, e uwa ana, e uwi ana a pela wale aku, ame he mea la, ma ka nana aku, na ia mea i hoowiwo aku ia lakou e aha'i i ka iei hanohano o ka lanakila. Maikai no.